അടിമാലി: രാജാക്കാട് സാമൂഹിക ആരോഗ്യ കേന്ദ്രത്തില്‍ കുട്ടികളുടെ വാര്‍ഡിനായി പൂര്‍ത്തീകരിച്ച കെട്ടിടത്തി‍ൻെറ നിര്‍മാണത്തില്‍ അഴിമതിയെന്ന് ആരോപണം. സ്വകാര്യവ്യക്തി നല്‍കിയ പരാതിയെ തുടര്‍ന്ന് വിജിലന്‍സും തദ്ദേശ സ്വയംഭരണ വകുപ്പ് എൻജിനീയറിങ് വിഭാഗവും നേരിട്ടെത്തി പരിശോധന നടത്തി. കെട്ടിട നിര്‍മാണത്തിന് അനുവദിച്ച തുക പൂര്‍ണമായും വിനിയോഗിച്ചില്ലെന്നും അശാസ്ത്രീയമാണെന്നുമാണ് പരാതി. ഉദ്ഘാടനം നടത്തിയെങ്കിലും ഇതുവരെ വൈദ്യുതി കണക്ഷൻ ലഭിച്ചിട്ടില്ലെന്നും കതകുകൾക്കും ജനലുകൾക്കും ബലക്ഷയമുണ്ടെന്നും ശുചിമുറിക്ക് തകരാറുള്ളതായും പരാതിയുണ്ട്. താലൂക്ക് ആശുപത്രിയാക്കി ഉയര്‍ത്തുമെന്ന് പ്രഖ്യാപനം നടത്തിയ ആശുപത്രി ഇന്നും പരിമിതികള്‍ക്ക് നടുവിലാണ്. സ്ഥിരമായി കിടത്തിച്ചികിത്സയും മറ്റ് സംവിധാനങ്ങളും ഏര്‍പ്പെടുത്താൻ നടപടി ഉണ്ടായിട്ടില്ല. സി.എച്ച്.സിയുടെ സ്റ്റാഫ് പാറ്റേൺ പോലും പൂർത്തിയാക്കിയിട്ടില്ല. കുട്ടികളുടെ വാർഡിന് 40ലക്ഷം രൂപ നിർമാണ ചെലവ് കാണിച്ചിട്ടുണ്ടെങ്കിലും 75 ശതമാനംപോലും വിനിയോഗിച്ചിട്ടില്ലെന്നും ബാക്കി തുക കരാറുകാരനും എൻജിനീയറും ചേര്‍ന്ന് കൈക്കലാക്കിയെന്നുമാണ് രാജാക്കാട് സ്വദേശി ജിബി കുര്യാക്കോസ് നല്‍കിയ പരാതിയിൽ പറയുന്നത്. പരാതിയുടെ അടിസ്ഥാനത്തില്‍ വിജിലൻസ് ഉദ്യോഗസ്ഥർ പ്രാഥമിക അന്വേഷണം നടത്തി റിപ്പോര്‍ട്ട് നല്‍കിയിട്ടുണ്ട്. ഡയറക്ടറേറ്റില്‍നിന്ന് നിര്‍ദേശം ലഭിക്കുന്ന മുറക്ക് വിശദമായ അന്വേഷണം നടത്തുമെന്ന് വിജിലന്‍സ് വ്യക്തമാക്കി. തദ്ദേശ സ്വയംഭരണ വകുപ്പ് എൻജിനീയറിങ് വിഭാഗവും ഫയലുകളും മറ്റും വിശദമായി പരിശോധിച്ചുവരികയാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.