ആനക്കൂട്ടം കൃഷിയിടത്തിൽ കറങ്ങുന്നു; നിസ്സഹായരായി കർഷകർ

അ​ടി​മാ​ലി: ആ​ന​ക്കൂ​ട്ടം വ​രു​ന്ന​തും കൃ​ഷി ന​ശി​പ്പി​ക്കു​ന്ന​തും ക​ർ​ഷ​ക​ർ നേ​രി​ട്ട് കാ​ണു​ന്നു​ണ്ടെ​ങ്കി​ലും ഒ​ന്നും ചെ​യ്യാ​നാ​വാ​തെ നി​സ്സ​ഹാ​യാ​വ​സ്ഥ​യി​ൽ.

അ​ടി​മാ​ലി, മാ​ങ്കു​ളം, മൂ​ന്നാ​ർ, മ​റ​യൂ​ർ, ചി​ന്ന​ക്ക​നാ​ൽ, ശാ​ന്ത​ൻ​പാ​റ പ​ഞ്ചാ​യ​ത്തു​ക​ളി​ൽ രാ​ത്രി​യും പ​ക​ലും ആ​ന​ക്കൂ​ട്ട​മെ​ത്തി കൃ​ഷി​യി​ട​ങ്ങ​ൾ വ്യാ​പ​ക​മാ​യി ന​ശി​പ്പി​ക്കു​ക​യാ​ണ്. പി​ന്തി​രി​പ്പി​ക്കാ​ൻ ക​ർ​ഷ​ക​ർ എ​ത്ര ശ്ര​മി​ച്ചി​ട്ടും ഫ​ല​മി​ല്ല. മാ​ങ്കു​ളം പ​ഞ്ചാ​യ​ത്തി​ലെ സി​ങ്കു​കു​ടി ആ​ദി​വാ​സി കോ​ള​നി​യി​ലെ പ​ര​മ​ന്‍റെ ഒ​രേ​ക്ക​റോ​ളം വാ​ഴ​ക്കൃ​ഷി കാ​ട്ടാ​ന​ക്കൂ​ട്ടം ന​ശി​പ്പി​ച്ചു. തൊ​ട്ട​ടു​ത്ത കൃ​ഷി​യി​ട​ങ്ങ​ളി​ലും കാ​ട്ടാ​ന​ക​ൾ വ്യാ​പ​ക നാ​ശം വി​ത​ച്ചു.

കൃ​ഷി​യി​ട​ത്തി​ലെ പ​കു​തി​യി​ല​ധി​കം തെ​ങ്ങു​ക​ൾ ആ​ന​ക്കൂ​ട്ടം ന​ശി​പ്പി​ച്ചി​ട്ടു​ണ്ട്. തേ​ങ്ങ​ക്ക്​ ന​ല്ല വി​ല​യു​ള്ള സ​മ​യ​ത്താ​ണ് തെ​ങ്ങു​ക​ൾ കൂ​ട്ട​ത്തോ​ടെ ന​ശി​പ്പി​ക്കു​ന്ന​ത്. മാ​ങ്കു​ളം പ​ഞ്ചാ​യ​ത്തി​ലെ മി​ക്ക കൃ​ഷി​യി​ട​ങ്ങ​ളി​ലെ​യും സ്ഥി​തി ഇ​താ​ണ്. കാ​യ്ഫ​ല​മു​ള്ള തെ​ങ്ങ് ന​ശി​പ്പി​ച്ചാ​ൽ വ​നം വ​കു​പ്പ് ന​ഷ്ട​പ​രി​ഹാ​ര​മാ​യി ന​ൽ​കു​ന്ന​ത് 770 രൂ​പ​യാ​ണ്. കാ​യ്ഫ​ല​മി​ല്ലാ​ത്ത​താ​ണെ​ങ്കി​ൽ 385 രൂ​പ. ന​ഷ്ട​പ​രി​ഹാ​ര​ത്തി​ന് അ​പേ​ക്ഷി​ച്ചാ​ൽ കി​ട്ടു​ന്ന​ത് ര​ണ്ടും മൂ​ന്നും വ​ർ​ഷം ക​ഴി​ഞ്ഞ്. പ​ട്ട​യ​മി​ല്ലാ​ത്ത ഭൂ​മി​യാ​യ​തി​നാ​ൽ ന​ഷ്ട​പ​രി​ഹാ​ര​വും ല​ഭി​ക്കി​ല്ല.

അ​ടി​മാ​ലി പ​ഞ്ചാ​യ​ത്തി​ലെ നൂ​റാം​ക​ര ആ​ദി​വാ​സി കോ​ള​നി​യി​ൽ കാ​ട്ടാ​ന​ക്കൂ​ട്ടം ഇ​റ​ങ്ങി​യി​ട്ട് നാ​ല്​ ദി​വ​സ​മാ​യി. ഇ​തോ​ടെ ഉ​റ​ക്കം ന​ഷ്ട​പ്പെ​ട്ട സ്ഥി​തി​യി​ലാ​ണ് കാ​ര്യ​ങ്ങ​ൾ. രാ​പ്പ​ക​ൽ മാ​റാ​തെ നി​ൽ​ക്കു​ന്ന ആ​ന​ക​ൾ ഏ​ലം, ക​മു​ങ്ങ് എ​ന്നു​വേ​ണ്ട എ​ല്ലാ കൃ​ഷി​യും ന​ശി​പ്പി​ക്കു​ന്നു. കു​ടി​വെ​ള്ള പ​ദ്ധ​തി​യു​ടെ മോ​ട്ടോ​ർ, പൈ​പ്പ് ഉ​ൾ​പ്പെ​ടെ ന​ശി​പ്പി​ച്ചു. കൊ​ടു​ല്ല് ഭാ​ഗ​ത്ത് നി​ന്ന​ട​ക്കം ര​ണ്ടി​ട​ങ്ങ​ളി​ൽ നി​ന്നാ​ണ് കാ​ട്ടാ​ന​ക​ൾ എ​ത്തു​ന്ന​ത്. ചി​ന്ന​ക്ക​നാ​ൽ, ശാ​ന്ത​ൻ​പാ​റ പ​ഞ്ചാ​യ​ത്തു​ക​ളി​ലും ക​ർ​ഷ​ക​രു​ടെ ക​ണ്ണീ​ർ വീ​ഴ്ത്തി കാ​ട്ടാ​ന​ക​ൾ വി​ഹ​രി​ക്കു​ന്നു. ആ​റ്​ ആ​ന​ക​ളു​ടെ കൂ​ട്ടം ക​ഴി​ഞ്ഞ ദി​വ​സം കൊ​ഴി​പ്പ​ന​ക്കു​ടി​യി​ലെ​ത്തി ഏ​ക്ക​ർ ക​ണ​ക്കി​ന് കൃ​ഷി ന​ശി​പ്പി​ച്ചി​രു​ന്നു. കൊ​ഴു​പ്പ​ന​ക്കു​ടി രാ​ജ​യ്യ, ജ​യ​കു​മാ​ർ എ​ന്നി​വ​രു​ടെ വി​ള​വെ​ടു​ക്കാ​റാ​യ ഏ​ല​ച്ചെ​ടി​ക​ൾ ച​വി​ട്ടി മെ​തി​ച്ചു. ല​ക്ഷ​ങ്ങ​ളു​ടെ ന​ഷ്ട​മു​ണ്ടാ​യ​താ​യാ​ണ് പ്രാ​ഥ​മി​ക വി​ല​യി​രു​ത്ത​ൽ. നേ​ര​ത്തെ ശാ​ന്ത​ൻ​പാ​റ പ​ഞ്ചാ​യ​ത്തി​ലെ പ​ന്നി​യാ​ർ, ചൂ​ണ്ട​ൽ, ശ​ങ്ക​ര​പാ​ണ്ഡ്യ​മെ​ട്ട്, ചി​ന്ന​ക്ക​നാ​ൽ പ​ഞ്ചാ​യ​ത്തി​ലെ ബി​എ​ൽ റാം ​എ​ന്നി​വി​ട​ങ്ങ​ളി​ലും കാ​ട്ടാ​ന​ക്കൂ​ട്ടം വ്യാ​പ​ക​മാ​യി കൃ​ഷി ന​ശി​പ്പി​ച്ചി​രു​ന്നു. കു​ട്ടി​യാ​ന​ക​ളു​ൾ​പ്പെ​ടു​ന്ന സം​ഘം കാ​ട് ക​യ​റാ​റി​ല്ലെ​ന്നും സ്ഥി​ര​മാ​യി കൃ​ഷി​യി​ട​ങ്ങ​ൾ താ​വ​ള​മാ​ക്കു​ക​യാ​ണെ​ന്നും നാ​ട്ടു​കാ​ർ പ​റ​യു​ന്നു.