ഒരിക്കലും തീരാത്ത റോഡ്​ നിർമാണം; പൊറുതിമുട്ടി ജനം

അ​ടി​മാ​ലി: ചി​ന്ന​ക്ക​നാ​ലി​ലേ​ക്ക് സ​ഞ്ചാ​രി​ക​ൾ വ​രേ​ണ്ട​ത് ത​ക​ർ​ന്ന റോ​ഡി​ലൂ​ടെ. തു​ട​ങ്ങി​യ നി​ർ​മാ​ണം എ​ന്ന് തീ​രു​മെ​ന്നാ​ണ്​ നാ​ട്ടു​കാ​ർ​ക്ക് അ​റി​യേ​ണ്ട​ത്. അ​ത്ര ക​ണ്ട് കാ​ത്തി​രി​ക്കു​ക​യാ​ണ് ഈ ​റോ​ഡി​നാ​യി. ര​ണ്ട്​ വ​ർ​ഷം പി​ന്നി​ട്ടി​ട്ടും തീ​രാ​ത്ത ഈ ​റോ​ഡ് പ​ണി എ​ന്ന് തീ​രു​മെ​ന്ന് പ​റ​യാ​ൻ അ​ധി​കൃ​ത​ർ​ക്കും ക​ഴി​യു​ന്നി​ല്ല.

ഇ​തോ​ടെ വി​നോ​ദ സ​ഞ്ചാ​ര കേ​ന്ദ്ര​മാ​യ ചി​ന്ന​ക്ക​നാ​ലി​ലേ​ക്കു​ള്ള യാ​ത്ര അ​തി​ക​ഠി​ന​മാ​യി. കൊ​ച്ചി-​ധ​നു​ഷ്കോ​ടി ദേ​ശീ​യ​പാ​ത​യി​ൽ പ​വ​ർ ഹൗ​സി​ന് സ​മീ​പ​ത്തു​നി​ന്ന് ചി​ന്ന​ക്ക​നാ​ലി​ലേ​ക്ക് പോ​കാ​നു​ള്ള മൂ​ന്ന്​ കി​ലോ​മീ​റ്റ​ർ പ്ര​ധാ​ന റോ​ഡി​ന്റെ നി​ർ​മാ​ണം തു​ട​ങ്ങി​യി​ട്ട് ര​ണ്ടു​ വ​ർ​ഷം ക​ഴി​ഞ്ഞു.

കു​ഞ്ചി​ത്ത​ണ്ണി ആ​സ്ഥാ​ന​മാ​യ സൊ​സൈ​റ്റി​യാ​ണ് റോ​ഡ് നി​ർ​മാ​ണം ക​രാ​റെ​ടു​ത്തി​രു​ന്ന​ത്. എ​ന്നാ​ൽ നി​ർ​മാ​ണം പാ​തി പോ​ലും പൂ​ർ​ത്തി​യാ​ക്കി​യി​ല്ല. ക​ഴി​ഞ്ഞ ജ​നു​വ​രി​യി​ൽ നി​ർ​മാ​ണം പു​നഃ​രാ​രം​ഭി​ച്ചെ​ങ്കി​ലും പി​ന്നീ​ട് നി​ർ​ത്തി​വ​ച്ചു. ഇ​പ്പോ​ൾ ക​രാ​റു​കാ​ർ നി​ർ​മാ​ണം ഉ​പേ​ക്ഷി​ച്ച അ​വ​സ്ഥ​യാ​ണെ​ന്ന് നാ​ട്ടു​കാ​ർ പ​റ​യു​ന്നു.

മ​ഴ പെ​യ്ത​തോ​ടെ റോ​ഡി​ൽ പ​ല ഭാ​ഗ​ത്തും വ​ൻ ഗ​ർ​ത്ത​ങ്ങ​ൾ രൂ​പ​പ്പെ​ട്ടു. വെ​ള്ളം നി​റ​ഞ്ഞു​കി​ട​ക്കു​ന്ന ഈ ​കു​ഴി​ക​ളി​ൽ വീ​ണ് ഒ​ട്ടേ​റെ ഇ​രു​ച​ക്ര വാ​ഹ​ന​ങ്ങ​ളാ​ണ് അ​പ​ക​ട​ത്തി​ൽ​പെ​ട്ട​ത്. ചി​ന്ന​ക്ക​നാ​ൽ റേ​ഷ​ൻ ക​ട​യു​ടെ സ​മീ​പ​ത്തെ ക​ലു​ങ്ക് നി​ർ​മാ​ണ​വും പൂ​ർ​ത്തി​യാ​യി​ട്ടി​ല്ല. ക​രാ​റു​കാ​രു​ടെ അ​നാ​സ്ഥ​യാ​ണ് റോ​ഡ് നി​ർ​മാ​ണം വൈ​കാ​ൻ കാ​ര​ണ​മെ​ന്നും ക​രാ​ർ റ​ദ്ദാ​ക്കി റീ​ടെ​ൻ​ഡ​ർ ചെ​യ്യ​ണ​മെ​ന്നു​മാ​ണ് നാ​ട്ടു​കാ​ർ ആ​വ​ശ്യ​പ്പെ​ടു​ന്ന​ത്.