ഓടിക്കൊണ്ടിരുന്ന കാറിന് തീപിടിച്ചു

അടിമാലി: ദേവികുളം ഫോറസ്റ്റ് റേഞ്ച് ഓഫിസിനു സമീപം, ഓടിക്കൊണ്ടിരുന്ന കാറിന് തീപിടിച്ചു. തിങ്കളാഴ്ച പകൽ 3.30 ഓടെയായിരുന്നു അപകടം. കോട്ടയം കഞ്ഞിക്കുഴി സ്വദേശി അനിൽ ഡിസൂസയും സംഘവുമാണ് വാഹനത്തിലുണ്ടായിരുന്നത്.

മൂന്നാർ സന്ദർശനം കഴിഞ്ഞ് രാജാക്കാട്ടെ ഭാര്യ വീട്ടിലേക്ക് പോകുകയായിരുന്നു അനിൽ ഡിസൂസ. തീപിടിച്ച ഉടൻ തന്നെ കാറിലുണ്ടായിരുന്ന ആറു പേരും പുറത്തിറങ്ങിയതിനാൽ രക്ഷപ്പെട്ടു. മൂന്നാറിൽനിന്ന് അഗ്നിരക്ഷ സേനാ വിഭാഗം എത്തി തീയണച്ചു.