നഗരം ലഹരിയുടെ പിടിയിൽ; ക​ഞ്ചാ​വ് മു​ത​ൽ എം.​ഡി.​എം.​എ വ​രെ സു​ല​ഭം

തൊ​ടു​പു​ഴ: ജി​ല്ല​യു​ടെ സി​രാ​കേ​ന്ദ്ര​മാ​യ തൊ​ടു​പു​ഴ ന​ഗ​രം ല​ഹ​രി​യു​ടെ പി​ടി​യി​ൽ. ക​ഞ്ചാ​വ് മു​ത​ൽ സി​ന്ത​റ്റി​ക്​ ല​ഹ​രി​ക​ളാ​യ എം.​ഡി.​എം.​എ വ​രെ സു​ല​ഭ​മാ​യി ല​ഭി​ക്കു​ന്ന ഹ​ബ്ബാ​യി മാ​റു​ന്ന രീ​തി​യി​ലാ​ണ്​ നി​ല​വി​ൽ പി​ടി​കൂ​ടു​ന്ന ​കേ​സു​ക​ളു​ടെ എ​ണ്ണം വ്യ​ക്ത​മാ​ക്കു​ന്ന​ത്. സ്കൂ​ൾ- കോ​ള​ജ് കു​ട്ടി​ക​ൾ ഉ​ൾ​പ്പെ​ടെ​യു​ള്ള യു​വ​ജ​ന​ങ്ങ​ളെ ല​ക്ഷ്യം​വെ​ച്ചാ​ണ് മ​യ​ക്കു​മ​രു​ന്ന് വ്യാ​പാ​രം ന​ട​ക്കു​ന്ന​ത്.

ന​വം​ബ​റി​ൽ​ എം.​ഡി.​എം.​എ​യു​മാ​യി സി​നി​മ ന​ട​ൻ ഉ​ൾ​പ്പെ​ടു​ന്ന സം​ഘ​ത്തെ എ​ക്​​സൈ​സ്​ സം​ഘം തൊ​ടു​പു​ഴ ഇ​ള​ദേ​ശ​ത്തു​നി​ന്ന് പി​ടി​കൂ​ടി​യി​രു​ന്നു. ക​ഴി​ഞ്ഞ​യാ​ഴ്ച തൊ​ടു​പു​ഴ​ക്ക്​ സ​മീ​പം പെ​രു​മ്പ​ളി​ച്ചി​റ​യി​ൽ​നി​ന്ന്​ 40 കി​ലോ ക​ഞ്ചാ​വു​മാ​യി ര​ണ്ടു​പേ​രെ പൊ​ലീ​സ്​ പി​ടി​കൂ​ടി​യി​രു​ന്നു. സ​മീ​പ​കാ​ല​ത്ത് ഇ​ത്ത​രം ല​ഹ​രി​മ​രു​ന്ന് ക​ച്ച​വ​ടം തൊ​ടു​പു​ഴ മേ​ഖ​ല​യി​ൽ വ​ർ​ധി​ച്ചു വ​രു​ന്ന​താ​യാ​ണ് കാ​ണു​ന്ന​ത്. ഒ​രു​കാ​ല​ത്ത് ​ഹൈ​റേ​ഞ്ച്​ മേ​ഖ​ല കേ​ന്ദ്രീ​ക​രി​ച്ചാ​യി​രു​ന്നു ക​ട​ത്തെ​ങ്കി​ൽ ഇ​പ്പോ​ൾ ലോ​റേ​ഞ്ചി​ലേ​ക്ക്​ ഇ​ത്​ മാ​റി.

ന​ഗ​ര​ത്തി​ലും സ​മീ​പ പ​ഞ്ചാ​യ​ത്തു​ക​ൾ കേ​ന്ദ്രീ​ക​രി​ച്ചു​മാ​ണ്​ ഇ​ട​പാ​ടു​ക​ൾ. ഡി​ജി​റ്റ​ൽ ഇ​ട​പാ​ടു​ക​ൾ വ​ഴി​യാ​ണ്​ കൈ​മാ​റ്റം. വി​പ​ണ​ന​ത്തി​ന്​ യു​വാ​ക്ക​ളും വി​ദ്യാ​ർ​ഥി​ക​ളു​മ​ട​ക്ക​മു​ള്ള​വ​രു​ടെ ശൃം​ഖ​ല പ്ര​വ​ർ​ത്തി​ക്കു​ന്ന​താ​യാ​ണ്​ വി​വ​രം. വി​ര​ലി​ലെ​ണ്ണാ​വു​ന്ന​വ​ർ മാ​ത്ര​മാ​ണ്​ പി​ടി​യി​ലാ​കു​ന്ന​ത്. ല​ഹ​രി​ക്ക​ട​ത്ത്​ പി​ടി​കൂ​ടാ​ൻ പ​രി​ശോ​ധ​ന​ക​ൾ ന​ട​ക്കു​ന്നു​ണ്ടെ​ങ്കി​ലും ഇ​തൊ​ന്നും ന​ഗ​ര​ത്തി​ലേ​ക്കു​ള്ള ല​ഹ​രി ഒ​ഴു​ക്കി​ന്​ ത​ട​യി​ടാ​നാ​കു​ന്നി​ല്ല.

വി​പ​ണി പ​ണ്ട്​ ഹൈ​റേ​ഞ്ചി​ൽ; ഇ​പ്പോ​ൾ ലോ​റേ​ഞ്ചി​ൽ

ല​ഹ​രി​ക്ക​ട​ത്തി​ന്​ ത​ട​യി​ടാ​ൻ എ​ക്​​സൈ​സും പൊ​ലീ​സും പ​രി​ശോ​ധ​ന​യു​മാ​യി രം​ഗ​ത്തു​ണ്ടെ​ങ്കി​ലും സ​ർ​ക്കാ​റി​ന്റെ ന​യ​രൂ​പ​വ​ത്​​ക​ര​ണ​ത്തി​ന്റെ ഭാ​ഗ​മാ​യി ജി​ല്ല എ​ക്​​സൈ​സ്​ ഓ​ഫി​സ് ക​ല​ക്ട​റേ​റ്റി​ലേ​ക്ക്​ മാ​റ്റി​യ​തോ​ടെ അ​മ്പ​തോ​ളം ഉ​ദ്യോ​ഗ​സ്ഥ​രു​ടെ കു​റ​വാ​ണ് തൊ​ടു​പു​ഴ​യി​ൽ ഉ​ണ്ടാ​യി​രി​ക്കു​ന്ന​ത്. മ​യ​ക്കു​മ​രു​ന്ന് കേ​സു​ക​ൾ പി​ടി​കൂ​ടാ​നു​ള്ള എ​ക്​​സൈ​സ് വ​കു​പ്പി​ന്‍റെ നാ​ർ​കോ​ട്ടി​ക് എ​ൻ​ഫോ​ഴ്‌​സ്മെ​ന്റ് ഓ​ഫി​സ് അ​ടി​മാ​ലി​യി​ലാ​ണ് പ്ര​വ​ർ​ത്തി​ക്കു​ന്ന​ത്. മ​യ​ക്കു​മ​രു​ന്ന് കേ​സു​ക​ൾ കൈ​കാ​ര്യം ചെ​യ്യു​ന്ന എ​ൻ.​ഡി.​പി.​എ​സ് കോ​ട​തി തൊ​ടു​പു​ഴ​യി​ലു​മാ​ണ്.

അ​ടി​മാ​ലി​യി​ൽ അ​സൗ​ക​ര്യ​ങ്ങ​ൾ​ക്ക്​ ന​ടു​വി​ൽ പ്ര​വ​ർ​ത്തി​ക്കു​ന്ന നാ​ർ​കോ​ട്ടി​ക്​ എ​ൻ​ഫോ​ഴ്‌​സ്മെ​ന്റ് ഓ​ഫി​സ്​ തൊ​ടു​പു​ഴ​യി​ൽ പ്ര​വ​ർ​ത്തി​ച്ചാ​ൽ ല​ഹ​രി​ക്ക​ട​ത്തി​ന്​ ഒ​രു​വി​ധം ത​ട​യി​ടാ​ൻ ക​ഴി​യു​മെ​ന്നും പ​റ​യു​ന്നു. അ​തി​നാ​യി ഇ​പ്പോ​ൾ ഒ​ഴി​വാ​യി കി​ട​ക്കു​ന്ന തൊ​ടു​പു​ഴ​യി​ൽ പ്ര​വ​ർ​ത്തി​ച്ചി​രു​ന്ന ജി​ല്ല ഓ​ഫി​സ് കെ​ട്ടി​ടം ഉ​പ​യോ​ഗി​ക്കാ​ൻ ക​ഴി​യും. ഹൈ​റേ​ഞ്ച്​ കേ​​​ന്ദ്രീ​ക​രി​ച്ച്​ ക​ഞ്ചാ​വ് കേ​സു​ക​ൾ കൂ​ടു​ത​ലാ​യ​പ്പോ​ൾ വ​ർ​ഷ​ങ്ങ​ൾ​ക്ക് മു​മ്പ്​ അ​ടി​മാ​ലി​യി​ൽ വാ​ട​ക​ക്കെ​ട്ടി​ട​ത്തി​ൽ നാ​ർ​കോ​ട്ടി​ക് എ​ൻ​ഫോ​സ്‌​മെ​ന്റ് ഓ​ഫി​സ് തു​ട​ങ്ങു​ക​യാ​യി​രു​ന്നു.

അ​ന്ന് തു​ട​ങ്ങി​യ അ​തേ കെ​ട്ടി​ട​ത്തി​ൽ ത​ന്നെ​യാ​ണ് ഇ​പ്പോ​ഴും ഓ​ഫി​സ് പ്ര​വ​ർ​ത്തി​ക്കു​ന്ന​ത്. ഈ ​കെ​ട്ടി​ടം ഇ​പ്പോ​ൾ ഇ​ടി​ഞ്ഞു​വീ​ഴാ​റാ​യ അ​വ​സ്ഥ​യി​ലാ​ണ്. ഉ​ദ്യോ​ഗ​സ്ഥ​ർ​ക്ക് ഇ​രു​ന്ന് ജോ​ലി ചെ​യ്യാ​നോ റെ​ക്കോ​ഡു​ക​ൾ സൂ​ക്ഷി​ക്കാ​നോ വേ​ണ്ട സൗ​ക​ര്യം ഇ​വി​ടെ ഇ​ല്ല. എ​ക്സൈ​സി​ന്‍റെ സ്വ​ന്തം കെ​ട്ടി​ടം ഇ​പ്പോ​ൾ ഒ​ഴി​വാ​യി കി​ട​ക്കു​ന്ന സാ​ഹ​ച​ര്യ​ത്തി​ൽ നാ​ർ​കോ​ട്ടി​ക് എ​ൻ​ഫോ​ഴ്‌​സ്മെ​ന്റ് ഓ​ഫി​സ് ഈ ​സ്വ​ന്തം കെ​ട്ടി​ട​ത്തി​ൽ പ്ര​വ​ർ​ത്തി​പ്പി​ച്ചാ​ൽ സ​ർ​ക്കാ​റി​ന് അ​ധി​ക ബാ​ധ്യ​ത​യാ​കു​ന്ന വാ​ട​ക ലാ​ഭി​ക്കാ​മെ​ന്നും ചൂ​ണ്ടി​ക്കാ​ട്ടു​ന്നു.

തൊ​ടു​പു​ഴ സ​ബ് ഡി​വി​ഷ​നി​ൽ മാ​ത്രം 181 കേ​സ്​

തൊ​ടു​പു​ഴ മേ​ഖ​ല​യി​ൽ ല​ഹ​രി ഉ​പ​യോ​ഗ​ത്തി​ൽ ഞെ​ട്ടി​ക്കു​ന്ന വി​ധ​മാ​ണ്​ വ​ർ​ധ​ന. തൊ​ടു​പു​ഴ സ​ബ് ഡി​വി​ഷ​നി​ലെ ഏ​ഴോ​ളം സ്റ്റേ​ഷ​നി​ൽ ജ​നു​വ​രി ഒ​ന്നു​മു​ത​ൽ ന​വം​ബ​ർ 21 വ​രെ പൊ​ലീ​സ് പി​ടി​കൂ​ടി​യ​ത് 181 കേ​സുകളാ​ണ്. തൊ​ടു​പു​ഴ സ്റ്റേ​ഷ​ൻ പ​രി​ധി​യി​ലാ​ണ് ഭൂ​രി​ഭാ​ഗ​വും, 70 കേ​സു​ക​ൾ. 10 കി​ലോ​ക്ക്​ മു​ക​ളി​ൽ ക​ഞ്ചാ​വ് പി​ടി​കൂ​ടി​യ​തി​ന് മൂ​ന്ന് കേ​സെ​ടു​ത്തു. 10 കി​ലോ​യി​ൽ താ​ഴെ ആ​റും ഒ​രു കി​ലോ​യി​ൽ താ​ഴെ 20 കേ​സുകളു​മെ​ടു​ത്തു. ക​രി​ങ്കു​ന്നം സ്റ്റേ​ഷ​നി​ൽ 39 കേ​സെ​ടു​ത്തു. കാ​ളി​യാ​ർ 16, ക​രി​മ​ണ്ണൂ​ർ 25, മു​ട്ടം 13, കാ​ഞ്ഞാ​ർ 18 കേ​സു​മാ​ണ് ര​ജി​സ്റ്റ​ർ ചെ​യ്ത​ത്. കു​ള​മാ​വ് സ്റ്റേ​ഷ​ൻ പ​രി​ധി​യി​ൽ കേ​സു​ക​ളൊ​ന്നു​മി​ല്ല. 146 കേ​സി​ൽ തൊ​ണ്ടി​മു​ത​ൽ ക​ണ്ടെ​ത്തി. സ​ബ് ഡി​വി​ഷ​നി​ൽ പൊ​ലീ​സ് ആ​കെ 46 കി​ലോ ക​ഞ്ചാ​വാ​ണ് ഇ​ക്കാ​ല​യ​ള​വി​ൽ പി​ടി​ച്ചെ​ടു​ത്ത​ത്. 145.17 ഗ്രാം ​എം.​ഡി.​എം.​എ​യും 2.37 ഗ്രാം ​ഹ​ഷീ​ഷ് ഓ​യി​ലും 0.49 ഗ്രാം ​ബ്രൗ​ൺ​ഷു​ഗ​റും പി​ടി​ച്ചെ​ടു​ത്തു.

ജി​ല്ല​യി​ൽ ഈ​വ​ർ​ഷം ഇ​തു​വ​രെ പി​ടി​കൂ​ടി​യ​ത്​ 91 കി​ലോ ക​ഞ്ചാ​വ്

ജി​ല്ല​യി​ൽ ക​ഞ്ചാ​വി​നെ​ക്കൂ​ടാ​തെ സി​ന്ത​റ്റി​ക് ല​ഹ​രി ഉ​ൽ​പ​ന്ന​ങ്ങ​ളു​ടെ ഉ​പ​യോ​ഗ​ത്തി​ലും വ​ർ​ധ​ന​യു​ണ്ട്. ഈ ​വ​ർ​ഷം ജ​നു​വ​രി ഒ​ന്ന് മു​ത​ൽ ന​വം​ബ​ർ 21 വ​രെ എ​ക്സൈ​സി​ന്‍റെ നേ​തൃ​ത്വ​ത്തി​ൽ ജി​ല്ല​യി​ൽ 8985 പ​രി​ശോ​ധ​ന​യാ​ണ് ന​ട​ത്തി​യ​ത്. ഇ​ക്കാ​ല​യ​ള​വി​ൽ 91 കി​ലോ ക​ഞ്ചാ​വാ​ണ് പി​ടി​കൂ​ടി​യ​ത്. സി​ന്ത​റ്റി​ക് ല​ഹ​രി​ക​ളു​ടെ ഉ​പ​യോ​ഗ​ത്തി​ലും വ​ർ​ധ​ന​യു​ണ്ട്. 0.125 ഗ്രാം ​ഹെ​റോ​യി​ൻ, 0.01 ഗ്രാം ​ബ്രൗ​ൺ​ഷു​ഗ​ർ, 6.59 ഗ്രാം ​ച​ര​സ്, 3.225 ഗ്രാം ​ഹ​ഷീ​ഷ്, 962 ഗ്രാം ​ഹ​ഷീ​ഷ് ഓ​യി​ൽ 13 ഗ്രാം ​എം.​ഡി.​എം.​എ, മെ​ത്താ​ഫെ​റ്റ​മി​ൻ 19.259 ഗ്രാം ​എ​ന്നി​വ​യും പി​ടി​ച്ചെ​ടു​ത്തു.