ബജറ്റിൽ പേരിന് ഇടം കിട്ടി ഇടുക്കി

തൊ​ടു​പു​ഴ: കോ​വി​ഡ്​ ആ​ശ​ങ്ക​ക​ൾ അ​വ​സാ​നി​ച്ച്​​ എ​ത്തി​യ ബ​ജ​റ്റി​ൽ ജി​ല്ല പ്ര​തീ​ക്ഷി​ച്ച പ്ര​ഖ്യാ​പ​ന​ങ്ങ​ളൊ​ന്നും ഉ​ണ്ടാ​യി​ല്ലെ​ങ്കി​ലും​ ​ഇ​ട​മ​ല​ക്കു​ടി സ​മ​ഗ്ര പാ​ക്കേ​ജും ഇ​ടു​ക്കി പാ​ക്കേ​ജി​ന്​ തു​ക അ​നു​വ​ദി​ച്ച​തും മാ​ത്ര​മാ​ണ്​ അ​ൽ​പം ആ​ശ്വാ​സം. സം​സ്ഥാ​ന​ത്തെ ഏ​ക ഗോ​ത്ര​വ​ർ​ഗ പ​ഞ്ചാ​യ​ത്താ​യ ഇ​ട​മ​ല​ക്കു​ടി​യു​ടെ വി​ക​സ​ന​ത്തി​ന്​ 15 കോ​ടി​യും ഇ​ടു​ക്കി പാ​ക്കേ​ജി​ന്​ 75 ​കോ​ടി​യു​മാ​ണ്​ അ​നു​വ​ദി​ച്ച​ത്. പു​തി​യ ബ​ജ​റ്റി​ലെ പ്ര​ഖ്യാ​പ​ന​ങ്ങ​ൾ ഇ​ടു​ക്കി​യു​ടെ അ​ടി​സ്ഥാ​ന ജീ​വി​ത​സാ​ഹ​ച​ര്യ​ങ്ങ​ൾ മെ​ച്ച​പ്പെ​ടു​ത്താ​ൻ ഉ​ത​കു​മെ​ന്നാ​ണ്​ പ്ര​തീ​ക്ഷ. അ​തേ​സ​മ​യം, മു​മ്പ്​​ ഇ​തു​പോ​ലെ പ്ര​ഖ്യാ​പി​ച്ച പാ​ക്കേ​ജു​മാ​യി താ​ര​ത​മ്യം ചെ​യ്യു​മ്പോ​ൾ ആ ​അ​വ​സ്ഥ​ത​ന്നെ സം​ഭ​വി​ക്കു​മോ എ​ന്ന ആ​ശ​ങ്ക​യും ജി​ല്ല പ​ങ്കു​വെ​ക്കു​ന്നു. വി​ര​ലി​​ലെ​ണ്ണാ​വു​ന്ന പ്ര​ഖ്യാ​പ​ന​ങ്ങ​ളാ​ണ്​ ജി​ല്ല​ക്ക്​ മാ​ത്ര​മാ​യി ഇ​ത്ത​വ​ണ ല​ഭി​ച്ച​തെ​ന്നും ആ​ക്ഷേ​പ​മു​ണ്ട്. ബ​ജ​റ്റി​ലെ ചി​ല പൊ​തു​പ്ര​ഖ്യാ​പ​ന​ങ്ങ​ളി​ലാ​ണ്​ ജി​ല്ല ഇ​പ്പോ​ൾ പ്ര​തീ​ക്ഷ​യ​ർ​പ്പി​ക്കു​ന്ന​ത്.

ഇ​ടു​ക്കി​ക്ക്​ ല​ഭി​ച്ച​ത്​
ഇ​ടു​ക്കി​യി​ൽ ജ​ല​സേ​ച​ന മ്യൂ​സി​യം സ്ഥാ​പി​ക്ക​ൽ -ഒ​രു കോ​ടി
ഇ​ടു​ക്കി എ​യ​ർ സ്​​ട്രി​പ്​
ജി​ല്ല​യി​ൽ ചി​​ൽ​ഡ്ര​ൻ​സ്​ ഹോം -1.10 ​കോ​ടി
ഇ​ടു​ക്കി മ​ൾ​ട്ടി​പ്ല​ക്സ് തി​യ​റ്റ​ർ കോം​പ്ല​ക്സ് -10 കോ​ടി രൂ​പ
പ​ണി​ക്ക​ൻ​കു​ടി-​കു​രി​ശു​ങ്ക​ൽ-​ചെ​മ്പ​ക​പ്പാ​റ റോ​ഡ് (അ​ഞ്ചു​മു​ക്ക് വ​ഴി) -5 കോ​ടി
ഇ​ടു​ക്കി​യി​ലെ പ​ച്ച​ക്ക​റി സം​ഭ​ര​ണ​ത്തി​ന്​ ശീ​തീ​ക​ര​ണ​ശാ​ല

ഇ​ട​മ​ല​ക്കു​ടി​ക്ക്​ സ​മ​ഗ്ര​ വി​ക​സ​ന പാ​ക്കേ​ജ്​

ഇ​ട​മ​ല​ക്കു​ടി​യു​ടെ സ​മ​ഗ്ര വി​ക​സ​ന​ത്തി​നു​ള്ള പാ​ക്കേ​ജാ​ണ്​ ഇ​തി​ൽ പ്ര​ധാ​നം. 15 കോ​ടി​യാ​ണ്​ ബ​ജ​റ്റി​ൽ സം​സ്ഥാ​ന​ത്തെ ആ​ദ്യ ഗോ​ത്ര​വ​ർ​ഗ പ​ഞ്ചാ​യ​ത്താ​യ ഇ​ട​മ​ല​ക്കു​ടി​ക്ക്​ ഉ​ൾ​ക്കൊ​ള്ളി​ച്ചി​രി​ക്കു​ന്ന​ത്. വി​ക​സ​ന ല​ക്ഷ്യ​ങ്ങ​ൾ കൈ​വ​രി​ക്കാ​നും നി​ല​വി​ലെ പ്ര​ശ്ന​ങ്ങ​ൾ പ​രി​ഹ​രി​ക്കാ​നു​മാ​യാ​ണ്​ പാ​ക്കേ​ജ്. 2022-23 വ​ർ​ഷ​ത്തി​ൽ ഭ​വ​നം, വൈ​ദ്യു​തി, റോ​ഡ്, ഉ​പ​ജീ​വ​ന മാ​ർ​ഗ​ങ്ങ​ൾ തു​ട​ങ്ങി​യ അ​ടി​സ്ഥാ​ന ആ​വ​ശ്യ​ങ്ങ​ൾ സാ​ക്ഷാ​ത്​​ക​രി​ക്കു​ക​യും പാ​ക്കേ​ജി‍െൻറ ല​ക്ഷ്യ​മാ​ണ്. ഇ​ട​മ​ല​ക്കു​ടി​ക്ക്​ മു​മ്പും ഒ​ട്ടേ​റെ പ്ര​ഖ്യാ​പ​ന​ങ്ങ​ൾ ന​ട​ന്നി​ട്ടു​ണ്ട്. 2013ൽ ​ഒ​രു സ്​​പെ​ഷ​ൽ പാ​ക്കേ​ജ്​​ത​ന്നെ ഇ​ട​മ​ല​ക്കു​ടി​ക്ക്​ പ്ര​ഖ്യാ​പി​ച്ചി​രു​ന്നു. 10.35 കോ​ടി​യാ​ണ്​ അ​ന്ന്​ പ്ര​ഖ്യാ​പി​ച്ച​ത്​. വ​നം വ​കു​പ്പി​നാ​യി​രു​ന്നു ന​ട​ത്തി​പ്പ്​ ചു​മ​ത​ല. ആ​ദ്യ​ഘ​ട്ട​മെ​ന്ന നി​ല​യി​ൽ നാ​ല​ര കോ​ടി അ​നു​വ​ദി​ക്കു​ക​യും ചെ​യ്തു. തു​ട​ർ​ന്ന്​ എ​ന്ത്​ സം​ഭ​വി​ച്ചെ​ന്ന്​ ഇ​ട​മ​ല​ക്കു​ടി​ക്കാ​ർ​ക്കു​പോ​ലും അ​റി​യി​ല്ല. ഇ​ന്നും അ​ടി​സ്ഥാ​ന സൗ​ക​ര്യ​ങ്ങ​ളു​ടെ അ​ഭാ​വ​മാ​ണ്​ ഇ​ട​മ​ല​ക്കു​ടി നേ​രി​ടു​ന്ന പ്ര​ധാ​ന പ്ര​ശ്നം. പ​ഴ​യ പാ​ക്കേ​ജി‍െൻറ സ്ഥി​തി​യും ഇ​തി​നും വ​ര​രു​തെ​ന്നാ​ണ്​ ഇ​വ​രു​ടെ ആ​വ​​ശ്യം.

ഇ​ടു​ക്കി പാ​ക്കേ​ജി​ന്​​ 75 കോ​ടി

ഇ​ത്ത​വ​ണ​യും ജി​ല്ല​ക്ക്​ ഇ​ടു​ക്കി പാ​ക്കേ​ജി​ൽ 75 ​കോ​ടി​യു​ടെ പ്ര​ഖ്യാ​പ​ന​മാ​ണു​ള്ള​ത്. 2019 ൽ 5000 ​കോ​ടി​യും 2020 ൽ 1000 ​കോ​ടി​യും 2021 ൽ ​അ​വ​ത​രി​പ്പി​ച്ച ബ​ജ​റ്റി​ൽ 12,000 കോ​ടി​യും ഇ​ടു​ക്കി പാ​ക്കേ​ജി​ൽ ഉ​ൾ​പ്പെ​ടു​ത്തി പ്ര​ഖ്യാ​പി​ച്ചി​രു​ന്നു.

കൃ​ഷി, വ്യ​വ​സാ​യം, ടൂ​റി​സം എ​ന്നി​വ​യു​ടെ വി​ക​സ​നം, പ​രി​സ്ഥി​തി സന്തു​ല​നാ​വ​സ്ഥ പു​നഃ​സ്ഥാ​പി​ക്ക​ൽ, ദാ​രി​ദ്ര​നി​ർ​മാ​ർ​ജ​നം എ​ന്നി​ങ്ങ​നെ ആ​റ്​ മേ​ഖ​ല​ക​ളി​ലാ​യി അ​ഞ്ച്​ വ​ർ​ഷം​കൊ​ണ്ട്​ ഇ​ടു​ക്കി​യു​​ടെ സ​മ​ഗ്ര​വി​ക​സ​ന​മാ​ണ്​ പാ​ക്കേ​ജി​ലു​ടെ ല​ക്ഷ്യ​മി​ട്ടി​രി​ക്കു​ന്ന​ത്. ജി​ല്ല വി​ക​സ​ന ക​മീ​ഷ​ണ​റു​ടെ മേ​ൽ​നോ​ട്ട​ത്തി​ൽ ഇ​ടു​ക്കി പാ​ക്കേ​ജി​ൽ ഉ​ൾ​പ്പെ​ടു​ത്തി ന​ട​പ്പാ​ക്കേ​ണ്ട പ​ദ്ധ​തി​ക​ളു​ടെ പ്രാ​ഥ​മി​ക പ​ട്ടി​ക സ​ർ​ക്കാ​റി​ന്​ സ​മ​ർ​​പ്പി​ച്ചി​ട്ടു​ണ്ട്. എ​ന്നാ​ൽ, പ​ദ്ധ​തി​യെ സം​ബ​ന്ധി​ച്ച്​ ആ​ർ​ക്കും വ്യ​ക്ത​മാ​യ ധാ​ര​ണ പോ​ലും ഇ​ല്ല. അ​തേ​സ​മ​യം, 12,000 കോ​ടി രൂ​പ​യു​ടെ ഇ​ടു​ക്കി പാ​ക്കേ​ജ് പ്ര​ഖ്യാ​പി​ച്ചി​ട്ട് അ​നു​വ​ദി​ച്ച​ത് 75 കോ​ടി മാ​ത്ര​മെ​ന്ന വി​മ​ർ​ശ​ന​വും ഉ​യ​ർ​ന്നി​ട്ടു​ണ്ട്. ഈ ​പ്ര​ഖ്യാ​പ​ന​ങ്ങ​ൾ ന​ട​പ്പാ​ക്കാ​ൻ എ​ത്ര നാ​ൾ വേ​ണ്ടി​വ​രു​മെ​ന്നാ​ണ്​ ഇ​ടു​ക്കി​ക്കാ​രു​ടെ ചോ​ദ്യം.

ഇ​പ്പോ​ഴ​ത്തെ പ്ര​ഖ്യാ​പ​നം​കൂ​ടി ഉ​ൾ​പ്പെ​ടു​ത്തി ജി​ല്ല​യു​ടെ വി​ക​സ​ന​ത്തി​ന്​ ഗ​തി​വേ​ഗം പ​ക​രു​ന്ന ന​ട​പ​ടി​ക​ൾ ഉ​ണ്ടാ​കു​മെ​ന്നാ​ണ്​ ജി​ല്ല​ പ്ര​തീ​ക്ഷി​ക്കു​ന്ന​ത്.

ആശ്വസിക്കാം, ഈ പ്രഖ്യാപനങ്ങളിൽ

തൊ​ടു​പു​ഴ: സം​സ്ഥാ​ന ബ​ജ​റ്റി​ൽ ഇ​ടു​ക്കിക്കാ​യി കാ​ര്യ​മാ​യ​ പ​ദ്ധ​തി​ക​ളി​ല്ലെ​ങ്കി​ലും ചി​ല പൊ​തു പ്ര​ഖ്യാ​പ​ന​ങ്ങ​ൾ ജി​ല്ല​ക്ക്​ കൂ​ടി ഗു​ണം ചെ​യ്യും. അ​ത്​ മാ​ത്ര​മാ​ണ്​ ബ​ജ​റ്റ്​ ജി​ല്ല​ക്ക്​ ന​ൽ​കു​ന്ന ആ​ശ്വാ​സ​വും. മ​നു​ഷ്യ-​വ​ന്യ​മൃ​ഗ സം​ഘ​ർ​ഷം, കാ​ർ​ഷി​ക-​തോ​ട്ടം മേ​ഖ​ല​ക​ളി​ലെ പ്ര​ശ്ന​ങ്ങ​ൾ, ല​യ​ങ്ങ​ളു​ടെ അ​ടി​സ്ഥാ​ന സൗ​ക​ര്യം, ആ​ദി​വാ​സി മേ​ഖ​ല​ക​ളു​ടെ വി​ക​സ​നം, വി​നോ​ദ​സ​ഞ്ചാ​ര വി​ക​സ​നം എ​ന്നി​വ​യു​മാ​യി ബ​ന്ധ​പ്പെ​ട്ട്​ കോ​ടി​ക​ളു​ടെ പ​ദ്ധ​തി​ക​ളാ​ണ്​ ബ​ജ​റ്റി​ൽ വി​ഭാ​വ​നം ചെ​യ്തി​ട്ടു​ള്ള​ത്. ഇ​തി‍െൻറ പ്ര​യോ​ജ​നം ജി​ല്ല​ക്ക്​ കൂ​ടി ല​ഭി​ക്കു​ന്ന​തോ​ടെ വി​ക​സ​ന​ത്തി​ൽ പു​ത്ത​നു​ണ​ർ​വ്​ കൈ​വ​രു​മെ​ന്നാ​ണ്​ പ്ര​തീ​ക്ഷ.

കൃ​ഷി

റ​ബ​ർ​കൃ​ഷി ഉ​പ​ജീ​വ​ന​മാ​ർ​ഗ​മാ​യ ആ​യി​ര​ക്ക​ണ​ക്കി​ന്​ ചെ​റു​കി​ട ക​ർ​ഷ​ക​ർ ജി​ല്ല​യി​ലു​ണ്ട്. റ​ബ​ർ സ​ബ്​​സി​ഡി​ക്ക്​ 500കോ​ടി ബ​ജ​റ്റി​ൽ വ​ക കൊ​ള്ളി​ച്ച​ത്​ ഈ ​മേ​ഖ​ല​യി​ലെ പ്ര​തി​സ​ന്ധി​ക്ക്​ കു​റ​ച്ച്​ പ​രി​ഹാ​ര​മാ​കും. പ​ച്ച​ക്ക​റി കൃ​ഷി പ്രോ​ത്സാ​ഹി​പ്പി​ക്കാ​ൻ 25 കോ​ടി​യും മ​ല​യോ​ര മേ​ഖ​ല​ക​ളി​ൽ ഉ​ൽ​പാ​ദി​പ്പി​ക്കു​ന്ന പ​ഴ​ങ്ങ​ളും പ​ച്ച​ക്ക​റി​ക​ളും കേ​ടു​കൂ​ടാ​തെ ഉ​പ​ഭോ​ക്​​താ​ക്ക​ളി​ലെ​ത്തി​ക്കാ​ൻ ​കോ​ൾ​ഡ്​ ചെ​യി​ൻ സൗ​ക​ര്യം ശ​ക്​​തി​പ്പെ​ടു​ത്താ​ൻ പ​ത്ത്​ കോ​ടി​യും അ​നു​വ​ദി​ച്ച​ത്​ ശീ​ത​കാ​ല പ​ച്ച​ക്ക​റി​യു​ടെ ക​ല​വ​റ​യാ​യ മ​റ​യൂ​ർ, കാ​ന്ത​ല്ലൂ​ർ മേ​ഖ​ല​ക​ളി​ലെ ക​ർ​ഷ​ക​ർ​ക്ക്​ ഏ​റെ ഗു​ണം ചെ​യ്യും.

വ​ന്യ​ജീ​വി ആ​​ക്ര​മ​ണം

വ​ന്യ​ജീ​വി ആ​ക്ര​മ​ണ​ത്തി​ൽ ന​ഷ്ടം നേ​രി​ട്ട ആ​യി​ര​ത്തി​ല​ധി​കം ക​ർ​ഷ​ക​ർ ജി​ല്ല​യി​ൽ അ​പേ​ക്ഷ ന​ൽ​കി ന​ഷ്ട​പ​രി​ഹാ​ര​ത്തി​ന്​ കാ​ത്തി​രി​പ്പു​ണ്ട്. മ​നു​ഷ്യ-​വ​ന്യ​മൃ​ഗ സം​ഘ​ർ​ഷ​ങ്ങ​ളി​ല്‍ മ​രി​ക്കു​ന്ന​വ​രു​ടെ ആ​ശ്രി​ത​ർ​ക്കും പ​രി​ക്കേ​ൽ​ക്കു​ന്ന​വ​ർ​ക്കും ന​ഷ്ട​പ​രി​ഹാ​രം ന​ൽ​കാ​ൻ ഏ​ഴ്​ കോ​ടി നീ​ക്കി​വെ​ച്ച​ത്​ ഇ​വ​ർ​ക്ക്​ പ്ര​തീ​ക്ഷ ന​ൽ​കു​ന്നു. മ​നു​ഷ്യ-​വ​ന്യ​ജീ​വി സം​ഘ​ർ​ഷം പ​രി​ഹ​രി​ക്കാ​ൻ 25 കോ​ടി​യും പ്ര​കൃ​തി​ക്ഷോ​ഭ​ത്തി​ലും മ​റ്റും വി​ള​നാ​ശം സം​ഭ​വി​ച്ചാ​ൽ അ​ടി​യ​ന്ത​ര സ​ഹാ​യം ന​ൽ​കാ​ൻ ഏ​ഴ​ര കോ​ടി​യും നീ​ക്കി വെ​ച്ച​തും ഇ​ടു​ക്കി​യെ സം​ബ​ന്ധി​ച്ച്​ ഏ​റെ പ്രാ​ധാ​ന്യ​മു​ള്ള പ്ര​ഖ്യാ​പ​ന​ങ്ങ​ളാ​ണ്.

ആ​ദി​വാ​സി ക്ഷേ​മം

ജി​ല്ല​യി​ലെ 750ഓ​ളം ആ​ദി​വാ​സി കു​ടും​ബ​ങ്ങ​ൾ​ക്ക്​ വൈ​ദ്യു​തി ഇ​പ്പോ​ഴും സ്വ​പ്​​ന​മാ​ണ്. വ​ന​മേ​ഖ​ല​ക​ളി​ലെ ​വൈ​ദ്യു​തീ​ക​രി​ക്കാ​ത്ത ഉ​ൾ​നാ​ട​ൻ ആ​ദി​വാ​സി ഊ​രു​ക​ളി​ൽ 300 കി​ലോ​വാ​ട്ട്​ ശേ​ഷി​യു​ള്ള മൈ​ക്രോ ഗ്രി​ഡു​ക​ൾ സ്ഥാ​പി​ക്കാ​ൻ ബ​ജ​റ്റി​ൽ മൂ​ന്ന്​ കോ​ടി നീ​ക്കി​വെ​ച്ചി​ട്ടു​ണ്ട്. മ​റ​യൂ​ര​ട​ക്കം ആ​ദി​വാ​സി മേ​ഖ​ല​യി​ലെ 500 യു​വാ​ക്ക​ൾ​ക്ക്​ സൗ​ജ​ന്യ തൊ​ഴി​ല​ധി​ഷ്ഠി​ത നൈ​പു​ണ്യ വി​ക​സ​ന പ​ദ്ധ​തി​ക​ളി​ലൂ​ടെ തൊ​ഴി​ൽ ല​ഭ്യ​മാ​ക്കാ​നും ബ​ജ​റ്റ്​ ല​ക്ഷ്യ​മി​ടു​ന്നു.

തോ​ട്ടം

തോ​ട്ട​ങ്ങ​ളു​ടെ നി​ർ​വ​ച​ന​ത്തി​ൽ റ​ബ​ർ, കാ​പ്പി,​ തേ​യി​ല എ​ന്നി​വ​​ക്കൊ​പ്പം പ​ഴ വ​ർ​ഗ​ങ്ങ​ൾ ഉ​​ൾ​പ്പെ​ടെ പു​തി​യ വി​ള​ക​ൾ ഉ​ൾ​പ്പെ​ടു​ത്താ​നു​ള്ള തീ​രു​മാ​ന​മാ​ണ്​ തോ​ട്ടം മേ​ഖ​ല​ക്ക്​ ആ​ശ്വാ​സ​മാ​കു​ന്ന​ത്. തോ​ട്ടം തൊ​ഴി​ലാ​ളി ല​യ​ങ്ങ​ളു​ടെ അ​ടി​സ്ഥാ​ന സൗ​ക​ര്യ വി​ക​സ​ന​ത്തി​ന്​ പ​ത്ത്​ കോ​ടി​യും അ​നു​വ​ദി​ച്ചി​ട്ടു​ണ്ട്.

ഇ​വ​യും ആ​ശ്വാ​സം

സ​ർ​ക്കാ​ർ ആ​ശു​പ​ത്രി​ക​ളി​ൽ കൂ​ടു​ത​ൽ അ​ർ​ബു​ദ ചി​കി​ത്സ സൗ​ക​ര്യം ഒ​രു​ക്കു​മെ​ന്ന പ്ര​ഖ്യാ​പ​നം ഇ​ക്കാ​ര്യ​ത്തി​ൽ ഏ​റെ പി​ന്നാ​ക്ക​മാ​യ ജി​ല്ല​യി​ലെ രോ​ഗി​ക​ൾ​ക്ക്​ ആ​ശ്വാ​സ​മേ​കു​ന്ന​താ​ണ്. ഡാ​മു​ക​ളി​ലെ മ​ണ​ൽ വാ​ര​ലി​ന്​ യ​ന്ത്ര​ങ്ങ​ൾ വാ​ങ്ങാ​ൻ പ​ത്ത്​ കോ​ടി, ഓ​രോ പ​ഞ്ചാ​യ​ത്തി​ലും ക​ളി​സ്ഥ​ലം, എ​ല്ലാ നി​യ​മ​സ​ഭ മ​ണ്ഡ​ല​ത്തി​ലും സ​ഞ്ച​രി​ക്കു​ന്ന റേ​ഷ​ന്‍ ക​ട​ക​ള്‍ എ​ന്നീ പ്ര​ഖ്യാ​പ​ന​ങ്ങ​ളും ജി​ല്ല​ക്ക്​ പ്ര​യോ​ജ​നം ചെ​യ്യും.

വി​നോ​ദ സ​ഞ്ചാ​രം

പ്ര​ള​യ​ത്തി​ലും കോ​വി​ഡി​ലും ത​ള​ർ​ന്ന ജി​ല്ല​യു​ടെ വി​നോ​ദ​സ​ഞ്ചാ​ര മേ​ഖ​ല​ക്ക്​ നേ​രി​യ ആ​ശ്വാ​സം ന​ൽ​കു​ന്ന പ​ദ്ധ​തി​ക​ളും ബ​ജ​റ്റി​ലു​ണ്ട്. ഈ ​മേ​ഖ​ല​യി​ലെ പ​ദ്ധ​തി​ക​ൾ​ക്ക്​ 362.15 കോ​ടി ന​ൽ​കു​മെ​ന്നും പു​ന​രു​ജ്ജീ​വ​ന​ത്തി​നും വി​ക​സ​ന​ത്തി​നും ആ​യി​രം കോ​ടി​യു​ടെ വാ​യ്പ ല​ഭ്യ​മാ​ക്കു​മെ​ന്നു​മാ​ണ്​ പ്ര​ഖ്യാ​പ​നം. ഇ​​ക്കോ ടൂ​റി​സം കേ​ന്ദ്ര​ങ്ങ​ളു​ടെ അ​ടി​സ്ഥാ​ന സൗ​ക​ര്യ വി​ക​സ​ന പ​രി​പാ​ല​ന​ത്തി​ന്​ പ​ത്ത്​ കോ​ടി​യും കാ​ര​വ​ൻ പാ​ർ​ക്കു​ക​ളു​ടെ അ​ടി​സ്ഥാ​ന സൗ​ക​ര്യ വി​ക​സ​ന​ത്തി​ന്​ അ​ഞ്ച്​ കോ​ടി​യും നീ​ക്കി​വെ​ച്ചി​ട്ടു​ണ്ട്.

മണ്ഡലത്തി‍െൻറ മനസ്സറിഞ്ഞ ബജറ്റ് -എ. രാജ

മൂ​ന്നാ​ർ: ദേ​വി​കു​ളം നി​യോ​ജ​ക മ​ണ്ഡ​ല​ത്തി‍െൻറ ആ​വ​ശ്യ​ങ്ങ​ള​റി​ഞ്ഞു​ള്ള ബ​ജ​റ്റാ​ണ്​​ അ​വ​ത​രി​പ്പി​ച്ച​തെ​ന്ന്​ എ. ​രാ​ജ എം.​എ​ൽ.​എ. ഇ​ട​മ​ല​ക്കു​ടി​യു​ടെ സ​മ​ഗ്ര വി​ക​സ​ന​ത്തി​ന് 15 കോ​ടി അ​നു​വ​ദി​ച്ച​ത് റോ​ഡ്, കു​ടി​വെ​ള്ളം, വൈ​ദ്യു​തി, വീ​ട് എ​ന്നി​വ​ക്കാ​യി ചെ​ല​വ​ഴി​ക്കും. അ​ടി​മാ​ലി താ​ലൂ​ക്ക് ആ​ശു​പ​ത്രി​ക്ക്​ ഭൂ​മി വാ​ങ്ങി കെ​ട്ടി​ടം നി​ർ​മി​ക്കാ​ൻ 10 കോ​ടി രൂ​പ അ​നു​വ​ദി​ച്ച​ത് വ​ലി​യ നേ​ട്ട​മാ​യി. മൂ​ന്നാ​ർ ഹൈ​ആ​ൾ​ട്ടി​റ്റ്യൂ​ഡ് പ​രി​ശീ​ല​ന കേ​ന്ദ്ര​ത്തി​ന് ട്രെ​യി​നി​ങ്​ കോം​പ്ല​ക്​​സ്​ നി​ർ​മി​ക്കാ​നും ബ​ജ​റ്റ്​ തു​ക വ​ക​യി​രു​ത്തി. ഇ​നി​യും ആ​വ​ശ്യ​ങ്ങ​ൾ ഉ​ണ്ടെ​ങ്കി​ലും മ​ണ്ഡ​ല​ത്തി‍െൻറ മ​ന​സ്സ​റി​ഞ്ഞ ബ​ജ​റ്റാ​ണി​തെ​ന്നും എം.​എ​ൽ.​എ പ​റ​ഞ്ഞു.

ഇ​ടു​ക്കി ജ​ല​സേ​ച​ന മ്യൂ​സി​യം വ്യ​ക്തി​പ​ര​മാ​യ സ​ന്തോ​ഷം-മ​ന്ത്രി റോ​ഷി അ​ഗ​സ്റ്റി​ൻ

ഇ​ടു​ക്കി: ഇ​ടു​ക്കി​യി​ൽ ജ​ല​സേ​ച​ന മ്യൂ​സി​യം എ​ന്ന ബ​ജ​റ്റി​ലെ പ്ര​ഖ്യാ​പ​നം വ്യ​ക്തി​പ​ര​മാ​യി വ​ള​രെ സ​ന്തോ​ഷം ന​ല്‍കു​ന്ന ഒ​ന്നാ​ണെ​ന്ന്​ ജ​ല വി​ഭ​വ മ​ന്ത്രി റോ​ഷി അ​ഗ​സ്റ്റി​ൻ. ജ​ന​ങ്ങ​ളി​ല്‍ ഇ​റി​ഗേ​ഷ​ന്‍ പ​ദ്ധ​തി​ക​ളെ​പ്പ​റ്റി​യും സേ​വ​ന​ങ്ങ​ളെ​പ്പ​റ്റി​യും ശാ​സ്ത്രീ​യ അ​വ​ബോ​ധം സൃ​ഷ്ടി​ക്കാ​ൻ മു​ന്നോ​ട്ടു​​വെ​ച്ച പ​ദ്ധ​തി​യാ​ണ് ഇ​ടു​ക്കി​യി​ലെ ജ​ല​സേ​ച​ന മ്യൂ​സി​യം.

ഇ​ടു​ക്കി-​വ​യ​നാ​ട്-​കാ​സ​ര്‍കോ​ട് പാ​ക്കേ​ജു​ക​ള്‍ക്കാ​യി 75 കോ​ടി രൂ​പ ഉ​ള്‍പ്പെ​ടു​ത്തി​യി​ട്ടു​ള്ള​തും സ​ര്‍ക്കാ​ര്‍ ജ​ന​ങ്ങ​ളു​ടെ സു​ര​ക്ഷ​ക്ക്​ ന​ല്‍കു​ന്ന പ്ര​ത്യേ​ക പ​രി​ഗ​ണ​ന വ്യ​ക്ത​മാ​ക്കു​ന്നു. മ​റ്റ് വി​വി​ധ പ​ദ്ധ​തി​ക​ൾ ഇ​ടു​ക്കി പാ​ക്കേ​ജി​ൽ ഉ​ൾ​പ്പെ​ടു​ത്തി പൂ​ർ​ത്തീ​ക​രി​ക്കാ​ൻ ക​ഴി​യു​ന്ന​തു​മാ​ണ്. കാ​ര്‍ഷി​ക മേ​ഖ​ല​ക്ക്​ മു​ന്‍ വ​ര്‍ഷ​ത്തെ​ക്കാ​ള്‍ 48 കോ​ടി രൂ​പ അ​ധി​കം ത​ന്നി​രി​ക്കു​ന്ന​ത് ആ​യി​ര​ക്ക​ണ​ക്കി​ന് കൃ​ഷി​ക്കാ​ര്‍ക്ക് ലാ​ഭ​ക​ര​മാ​യി കൃ​ഷി ചെ​യ്യാ​നും വ​ള​രെ​യ​ധി​കം പ്ര​യോ​ജ​നം ചെ​യ്യും. കാ​യ​ലു​ക​ളി​ലും പു​ഴ​ക​ളി​ലും ഡാ​മു​ക​ളി​ലും അ​ടി​ഞ്ഞു​കൂ​ടി​യി​ട്ടു​ള്ള എ​ക്ക​ല്‍ നീ​ക്കു​ന്ന​തി​ന് വ​ള​രെ പ്രാ​ധാ​ന്യം ഈ ​ബ​ജ​റ്റ് ന​ല്‍കി​യി​ട്ടു​ണ്ട്.

ഡാ​മു​ക​ളി​ലെ സം​ഭ​ര​ണ​ശേ​ഷി വ​ര്‍ധി​പ്പി​ക്കു​ന്ന​തി​ന്​ എ​ക്ക​ല്‍ നീ​ക്കാ​ൻ ആ​ധു​നി​ക യ​ന്ത്ര​ങ്ങ​ള്‍ വാ​ങ്ങി​ക്കാ​നും ന​ട​പ​ടി​ക​ള്‍ സ്വീ​ക​രി​ച്ചി​ട്ടു​ള്ള​തും ഏ​റെ പ്ര​തീ​ക്ഷ ന​ൽ​കു​ന്ന​താ​ണ് എ​ന്ന് മ​ന്ത്രി റോ​ഷി അ​ഗ​സ്റ്റി​ൻ ചൂ​ണ്ടി​ക്കാ​ട്ടി.

തോ​ട്ടം​മേ​ഖ​ല​ക്ക്​ ആ​ശ്വാ​സം -വാ​ഴൂ​ർ സോ​മ​ൻ എം.​എ​ൽ.​എ

പീ​രു​മേ​ട്: തോ​ട്ടം മേ​ഖ​ല​ക്ക് തു​ക വ​ക​യി​രു​ത്തി​യ​ത് ആ​ശ്വാ​സ​മാ​ണെ​ന്ന് വാ​ഴൂ​ർ സോ​മ​ൻ എം.​എ​ൽ.​എ. ഇ​തോ​ടൊ​പ്പം ല​യ​ങ്ങ​ളു​ടെ പു​ന​രു​ദ്ധാ​ര​ണ പ്ര​വ​ർ​ത്ത​ന​ങ്ങ​ൾ​ക്ക് 100 കോ​ടി രൂ​പ​യും അ​നു​വ​ദി​ച്ചി​ട്ടു​ണ്ട്. ഒ​ന്നാം പി​ണ​റാ​യി സ​ർ​ക്കാ​ർ ന​ട​പ്പാ​ക്കി​യ പ്ലാ​ന്‍റേ​ഷ​ൻ ന​യ​ത്തി‍െൻറ തു​ട​ർ​ച്ച​യാ​യി ഈ ​ബ​ജ​റ്റി​ലും തു​ട​ർ​ന​ട​പ​ടി​ക​ൾ ന​ട​പ്പാ​ക്കും. ഇ​തി‍െൻറ ഭാ​ഗ​മാ​യി വ​രു​മാ​നം വ​ർ​ധി​പ്പി​ക്കു​ന്ന​തി​ന്​ മാ​ങ്കോ​സ്​​റ്റി​ൻ, റ​മ്പൂ​ട്ടാ​ൻ, അ​വ​ക്കാ​ഡോ തു​ട​ങ്ങി​യ ഫ​ല​വൃ​ക്ഷ​ങ്ങ​ൾ ഇ​ട​വി​ള​യാ​യി കൃ​ഷി ചെ​യ്യാ​നു​ള്ള ന​ട​പ​ടി​ക​ളും തു​ട​രും. തൊ​ഴി​ൽ സാ​ധ്യ​ത​യും പ്രാ​ദേ​ശി​ക വി​പ​ണി​യു​ടെ ഉ​ന്ന​തി​യു​മാ​ണ് ഇ​തി​ലൂ​ടെ ല​ക്ഷ്യ​മി​ടു​ന്ന​തെ​ന്നും എം.​എ​ൽ.​എ പ​റ​ഞ്ഞു.

നി​രാ​ശ​ജ​ന​കം-പി.​ജെ. ജോ​സ​ഫ്

തൊ​ടു​പു​ഴ: പ്ര​തീ​ക്ഷ​ക്ക്​ വ​ക ന​ൽ​കു​ന്ന​തൊ​ന്നും ബ​ജ​റ്റി​ൽ ഇ​ല്ലെ​ന്ന്​ പി.​ജെ. ജോ​സ​ഫ്​ എം.​എ​ൽ.​എ. വി​ക​സ​നോ​ന്മു​ഖ പ​ദ്ധ​തി​ക​ൾ ഒ​ന്നും പ്ര​ഖ്യാ​പി​ച്ചി​ട്ടി​ല്ല. സാ​മ്പ​ത്തി​ക മാ​ന്ദ്യം മ​റി​ക​ട​ക്കാ​ൻ നി​ർ​ദേ​ശ​ങ്ങ​ളില്ല. റ​ബ​ർ വി​ല സ്ഥി​ര​ത ഫ​ണ്ട് 250 രൂ​പ​യാ​യി പ്ര​ഖ്യാ​പി​ക്കു​മെ​ന്ന്​ പ​റ​ഞ്ഞ​തും വെ​റു​തെ​യാ​യി. 12,000 കോ​ടി​യു​ടെ ഇ​ടു​ക്കി പാ​ക്കേ​ജ് പ്ര​ഖ്യാ​പി​ച്ചി​ട്ട് അ​നു​വ​ദി​ച്ച​ത് 75 കോ​ടി മാ​ത്ര​മാ​ണെ​ന്നും പി.​ജെ. ജോ​സ​ഫ്​ കു​​റ്റ​പ്പെ​ടു​ത്തി.