മഴ: ആദിവാസിക്കുടിയിലേക്കുള്ള പാതയില്‍ ഭീമന്‍ പാറ അടര്‍ന്നുവീണു

മറയൂര്‍: പ്ര​ദേ​ശ​ത്ത് 10 ദി​വ​സ​മാ​യി തു​ട​രു​ന്ന ക​ന​ത്ത മ​ഴ​യി​ൽ മ​ണ്ണി​ടി​ച്ചി​ൽ വ്യാ​പ​കം. കാന്തല്ലൂര്‍ പഞ്ചായത്ത് പെരടിപ്പള്ളം ഒള്ളവയല്‍ ആദിവാസിക്കുടിയിലേക്കുള്ള പാതയില്‍ ഭീമന്‍ പാറ അടര്‍ന്നുവീണ് ഗതാഗതം നിലച്ചു. കഴിഞ്ഞ ദിവസങ്ങളില്‍ പ്രദേശത്ത്​ അനുഭവപ്പെട്ട അതിശക്തമായ മഴയില്‍ ശനിയാഴ്ച അർധരാത്രിയോടുകൂടി പാതക്ക് മുകളിലെ ഭീമന്‍ പാറ പതിക്കുകയായിരുന്നു.

ഒള്ളവയല്‍ കുടിയിലും സമീപങ്ങളിലുമായി നൂറ്റമ്പതോളം കുടുംബങ്ങളാണ് പാത ഉപയോഗിക്കുന്നത്. ഞായറാഴ്ച ചന്തയിലേക്കും മറ്റ് ആ​വശ്യങ്ങള്‍ക്കുമായി പ്രദേശവാസികൾ എത്തിയപ്പോഴാണ്​ പാത തടസ്സമായിരിക്കുന്നത് അറിഞ്ഞത്. കുടിയില്‍ നിന്നുമുള്ളവരെത്തി അരികിലൂടെ താൽക്കാലികമായി പാത നിർമിച്ചാണ് യാത്ര സാധ്യമാക്കിയത്.

വൈദ്യുതി ലൈൻ മരംവീണ്​ തകർന്നു; മണ്ണിടിച്ചിൽ വ്യാപകം

ഞാ​യ​റാ​ഴ്​​ച കാ​ന്ത​ല്ലൂ​ർ പെ​രു​മ​ല റോ​ഡി​ൽ ര​ണ്ടു​കി​ലോ​മീ​റ്റ​ർ ദൂ​ര​ത്തി​ൽ വ്യാ​പ​ക​മാ​യി മ​ണ്ണി​ടി​ച്ചി​ലു​ണ്ടാ​യി. റോ​ഡി​ന് ഒ​രു​വ​ശ​ത്ത് 50 അ​ടി ഉ​യ​രം​വ​രു​ന്ന തി​ട്ട​യി​ൽ​നി​ന്ന് മ​ര​ങ്ങ​ൾ ക​ട​പു​ഴ​കി വൈ​ദ്യു​തി ലൈ​നു​ക​ൾ കൂ​ട്ടി​മു​ട്ടി തീ ​പ​ട​ർ​ന്ന​ത്​ പ​രി​ഭ്രാ​ന്തി​യു​ണ്ടാ​ക്കി.

ഈ ​സ​മ​യം ഇ​തു​വ​ഴി വാ​ഹ​ന​ങ്ങ​ൾ ക​ട​ന്നു​പോ​​യി​രു​ന്നു. യാ​ത്ര​ക്കാ​ർ ത​ല​നാ​രി​ഴ​ക്കാ​ണ്​​ ര​ക്ഷ​പ്പെ​ട്ട​ത്.

തെ​ര​ഞ്ഞെ​ടു​പ്പ്​ പ്ര​ചാ​ര​ണ പ്ര​വ​ർ​ത്ത​ന​ങ്ങ​ളി​ൽ ഏ​ർ​പ്പെ​ട്ടി​രു​ന്ന​വ​രാ​ണ്​ വാ​ഹ​ന​ങ്ങ​ൾ നി​യ​ന്ത്രി​ച്ച് അ​പ​ക​ടം ഒ​ഴി​വാ​ക്കി​യ​ത്. വൈ​ദ്യു​തി വ​കു​പ്പ് ജീ​വ​ന​ക്കാ​രെ​ത്തി വൈ​ദ്യു​തി പു​നഃ​സ്ഥാ​പി​ച്ചു.