കാടുകയറി എടക്കാട് റെയിൽവേ സ്റ്റേഷൻ; അടിസ്ഥാന വികസനം സാധ്യമാക്കണം

എ​ട​ക്കാ​ട്: എ​ട​ക്കാ​ട് റെ​യി​ൽ​വേ സ്റ്റേ​ഷ​ൻ പ​രി​സ​രം കാ​ടു​മൂ​ടി​യ നി​ല​യി​ൽ. റെ​യി​ൽ​വേ സ്റ്റേ​ഷ​ന് മു​ന്നി​ലെ പ്ര​ധാ​ന വ​ഴി​ക​ളി​ലെ കാ​ടു​ക​ൾ ക​ഴി​ഞ്ഞ ദി​വ​സം വെ​ട്ടി ശു​ചീ​ക​രി​ച്ചെ​ങ്കി​ലും പ്ലാ​റ്റ്ഫോ​മി​ൽ ട്രെ​യി​ൻ ക​യ​റാ​നും ഇ​റ​ങ്ങാ​നും കാ​ട് വ​ക​ഞ്ഞു​മാ​റ്റേ​ണ്ട അ​വ​സ്ഥ​യാ​ണ്. രാ​ത്രി​യി​ൽ ട്രെ​യി​ൻ ഇ​റ​ങ്ങു​ന്ന യാ​ത്ര​ക്കാ​ർ​ക്ക് ഇ​ത് വ​ലി​യ ഭീ​ഷ​ണി​യാ​ണ്. കാ​ടു​മൂ​ടി​യ​തോ​ടൊ​പ്പം ഇ​ഴ​ജ​ന്തു​ക്ക​ളു​ടെ ശ​ല്യ​വു​മു​ണ്ട്.

ഷൊ​ർ​ണൂ​ർ -ക​ണ്ണൂ​ർ മെ​മു, ക​ണ്ണൂ​ർ സ്​​പെ​ഷ​ൽ എ​ക്സ്പ്ര​സ്, ക​ണ്ണൂ​ർ -കോ​യ​മ്പ​ത്തൂ​ർ എ​ക്സ്പ്ര​സ്, കോ​ഴി​ക്കോ​ട് എ​ക്സ്പ്ര​സ് എ​ന്നീ ട്രെ​യി​നു​ക​ൾക്കാണ് നി​ല​വി​ൽ എ​ട​ക്കാ​ട് സ്റ്റോ​പ്പു​ള്ള​ത്. വി​ദ്യാ​ർ​ഥി​ക​ളും തൊ​ഴി​ലാ​ളി​ക​ളും വി​വി​ധ സ്ഥാ​പ​ന​ങ്ങ​ളി​ലെ ജീ​വ​ന​ക്കാ​രും അ​ട​ക്കം നി​ര​വ​ധി യാ​ത്ര​ക്കാ​രാ​ണ് എ​ട​ക്കാ​ട് സ്റ്റേ​ഷ​നെ ആ​ശ്ര​യി​ക്കു​ന്ന​ത്. നേ​ര​ത്തേ കൂ​ടു​ത​ൽ ട്രെ​യി​നു​ക​ൾ നി​ർ​ത്തി​യി​രു​ന്നെ​ങ്കി​ലും കോ​വി​ഡി​ന് ശേ​ഷം സ്റ്റോ​പ് എ​ടു​ത്തു​ക​ള​ഞ്ഞു.

ധാ​രാ​ളം വി​ക​സ​ന സാ​ധ്യ​ത​യു​ണ്ടാ​യി​ട്ടും അ​ടി​സ്ഥാ​ന സൗ​ക​ര്യ വി​ക​സ​ന​ങ്ങ​ൾ പോ​ലും ഇ​ല്ലാ​തെ അ​വ​ഗ​ണി​ക്ക​പ്പെ​ട്ടുകി​ട​ക്കു​ക​യാ​ണ് സ്റ്റേ​ഷ​ൻ. ട്രെ​യി​ൻ ഇ​റ​ങ്ങാ​നും ക​യ​റാ​നും മ​തി​യാ​യ പ്ലാ​റ്റ്ഫോം സൗ​ക​ര്യ​മി​ല്ല.

2015ൽ ​ആ​ദ​ർ​ശ് സ്റ്റേ​ഷ​നാ​യി പ്ര​ഖ്യാ​പി​ച്ചെ​ങ്കി​ലും വി​ക​സ​നം പാ​ളം തെ​റ്റി​ക്കി​ട​ക്കു​ക​യാ​ണ്. പാ​ള​ങ്ങ​ൾ​ക്ക് കു​റു​കേ മേ​ൽ​പാ​ലം വ​ന്ന​തൊ​ഴി​ച്ചാ​ൽ വി​ക​സ​ന​ത്തി​ൽ അ​വ​ഗ​ണ​ന തു​ട​രു​ക​യാ​ണ്.

ദേ​ശീ​യ​പാ​ത വി​ക​സ​നം ന​ട​ക്കു​ന്ന​തി​നാ​ൽ റെ​യി​ൽ​വേ സ്റ്റേ​ഷ​നി​ൽ ഇ​റ​ങ്ങു​ന്ന വി​വി​ധ പ്ര​ദേ​ശ​ത്തേ​ക്ക് പോ​കേ​ണ്ട യാ​ത്ര​ക്കാ​ർ ഹൈ​വേ​യി​ൽ എ​ത്ത​ണ​മെ​ങ്കി​ൽ ഒ​രു കി​ലോ​മീ​റ്റ​റോ​ളം ന​ട​ന്ന് എ​ട​ക്കാ​ട് പൊ​ലീ​സ് സ്‌​റ്റേ​ഷ​ന് മു​ന്നി​ലെ​ത്തി​യാ​ലേ ബ​സി​ൽ പോ​കാ​ൻ സാ​ധി​ക്കൂ. ഇ​ത് കാ​ര​ണം യാ​ത്ര​ക്കാ​ർ ഏ​റെ ദു​രി​ത​മ​നു​ഭ​വി​ക്കു​ക​യാ​ണ്. നി​ല​വി​ൽ പ്ലാ​റ്റ്ഫോ​മി​ന്റെ നീ​ള​വും ഉ​യ​ര​വും വ​ർ​ധി​പ്പി​ക്ക​ൽ, ര​ണ്ടാം പ്ലാ​റ്റ്ഫോ​മി​ൽ ശു​ചി​മു​റി, പ​ര​ശു, മ​ല​ബാ​ർ തു​ട​ങ്ങി​യ ട്രെ​യി​നു​ക​ൾ​ക്ക് സ്റ്റോ​പ് അ​നു​വ​ദി​ക്ക​ൽ തു​ട​ങ്ങി​യ​വ നാ​ട്ടു​കാ​രു​ടെ ഏ​റെനാ​ള​ത്തെ ആ​വ​ശ്യ​മാ​ണ്. യാ​ത്ര​ക്കാ​രു​ടെ ദു​രി​ത​മ​ക​റ്റാ​ൻ അ​ടി​സ്ഥാ​ന വി​ക​സ​നം സാ​ധ്യ​മാ​ക്ക​ണ​മെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്.