കണ്ണൂർ: പി. ജയരാജൻ വധശ്രമക്കേസിലെ പ്രതികളെ വിട്ടയച്ച കോടതി വിധിയുടെ വെളിച്ചത്തിൽ എം.എസ്.എഫ് പ്രവർത്തകനായ അരിയിൽ അബ്ദുൽ ഷുക്കൂറിെൻറ നിഷ്ഠൂരമായ കൊലപാതകത്തിന് ആസൂത്രണം ചെയ്തവരും ഗൂഢാലോചന നടത്തിയവരും പൊതു സമൂഹത്തോട് മാപ്പുപറയണമെന്ന് മുസ്ലിം ലീഗ് ജില്ല പ്രസിഡൻറ് പി. കുഞ്ഞിമുഹമ്മദും ജനറൽ സെക്രട്ടറി അഡ്വ. അബ്ദുൽ കരീം ചേലേരിയും ആവശ്യപ്പെട്ടു.
ജയരാജനെയും ടി.വി. രാജേഷിനെയും മുസ്ലിം ലീഗ് പ്രവർത്തകർ ആക്രമിച്ചുവെന്ന വ്യാജപ്രചാരണം നടത്തിയാണ് നിരപരാധിയായ ഷുക്കൂറിനെ കൊല ചെയ്തത്. കേസിനായി ഹാജരാക്കിയ രേഖകളും ആയുധങ്ങളുമെല്ലാം കൃതിമമായി ഉണ്ടാക്കിയതായിരുന്നു. ഷുക്കൂർ വധക്കേസിലെ പിന്നാമ്പുറ രഹസ്യങ്ങളെ വെളിച്ചത്തുകൊണ്ടുവരാൻ ഉപകരിക്കുന്നതും നീതിന്യായ വ്യവസ്ഥയുടെയും കോടതികളുടെയും അന്തസ്സുയർത്തുന്നതുമാണ് കണ്ണൂർ അസി. സെഷൻസ് കോടതിയുടെ വിധിയെന്ന് നേതാക്കൾ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.