കണ്ണൂർ: ഗള്‍ഫില്‍നിന്ന് കണ്ണൂരിൽ വിമാനമിറങ്ങിയശേഷം കാണാതായ യുവാവിനെ ബത്തേരിയിലെ റിസോര്‍ട്ടില്‍ കണ്ടെത്തി. ഏരുവേശി അമ്പഴത്തുംചാലിലെ കുന്നേല്‍ സജു മാത്യുവിനെയാണ് (33) കണ്ടെത്തിയത്.
കഴിഞ്ഞമാസം എട്ടിന് ഷാര്‍ജയില്‍നിന്ന് കണ്ണൂർ വിമാനത്താവളത്തിലിറങ്ങിയ സജു മാത്യുവിനെ കാണാതാവുകയായിരുന്നു. വിമാനത്താവളത്തിലെ നിരീക്ഷണ കാമറയില്‍ ഇയാള്‍ പുറത്തുവന്ന് ഒരു കാറില്‍ കയറുന്ന ദൃശ്യം ലഭിച്ചിരുന്നു. ഈ കാര്‍ കേന്ദ്രീകരിച്ച് നടത്തിയ അന്വേഷണത്തില്‍ മേപ്പാടി സ്വദേശിനിയാണ് ആര്‍.സി ഉടമയെന്നു കണ്ടെത്തി.
ഇവരുടെ മകനില്‍നിന്ന് ശരത്ത് എന്നയാള്‍ കാര്‍ ഓടിക്കാന്‍ വാങ്ങിയതായിരുന്നു. സജു മാത്യുവി‍െൻറ സുഹൃത്താണ് ശരത്ത്. ഈ കാറിലാണ് സജു ബത്തേരിയിലെത്തിയത്. വീട്ടിലേക്ക് മടങ്ങാന്‍ താല്‍പര്യമില്ലെന്ന് ഇയാള്‍ പറഞ്ഞെങ്കിലും പരാതിയും കേസുമുള്ളതിനാൽ പൊലീസ് സ്റ്റേഷനില്‍ ഹാജരാകാന്‍ നിർദേശിക്കുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.