തോട്ടിൽ മാലിന്യം തള്ളിയ സ്‌കൂൾ അധികൃതരെ വരുത്തി തിരിച്ചെടുപ്പിച്ചു

ഇ​രി​ട്ടി: പ​ഴ​ശ്ശി പ​ദ്ധ​തി​യു​ടെ കൈ​വ​ഴി​യാ​യ പാ​യം ക​ല്ലി​പ്പ​റ​മ്പ് തോ​ട്ടി​ൽ പ്ലാ​സ്റ്റി​ക് ഉ​ൾ​പ്പെ​ടെ​യു​ള്ള മാ​ലി​ന്യം ക​ണ്ടെ​ത്തി​യ സം​ഭ​വ​ത്തി​ൽ മാ​ലി​ന്യം ത​ള്ളി​യ സ്കൂ​ൾ അ​ധി​കൃ​ത​രെ വ​രു​ത്തി തി​രി​ച്ചെ​ടു​പ്പി​ച്ചു. ഇ​വ​രി​ൽ​നി​ന്ന് പി​ഴ​യീ​ടാ​ക്കും.

വ്യാ​ഴാ​ഴ്ച ഉ​ച്ച​യോ​ടെ​യാ​ണ് ജി​ല്ല​യി​ലെ ആ​യി​ര​ങ്ങ​ളു​ടെ കു​ടി​വെ​ള്ള സ്രോ​ത​സ്സാ​യ പ​ഴ​ശ്ശി ജ​ല​സം​ഭ​ര​ണി​യു​ടെ കൈ​വ​ഴി​യാ​യ പാ​യം ക​ല്ലി​പ്പ​റ​മ്പി​ലെ തോ​ട്ടി​ൽ വാ​ഹ​ന​ത്തി​ൽ കൊ​ണ്ടു​വ​ന്ന് മാ​ലി​ന്യം ത​ള്ളി​യ​ത്. പാ​യം പ​ഞ്ചാ​യ​ത്ത് അ​ധി​കൃ​ത​ർ​ക്ക് കി​ട്ടി​യ പ​രാ​തി​യി​ൽ ഹെ​ൽ​ത്ത് ഇ​ൻ​സ്‌​പെ​ക്ട​ർ വി.​കെ. റീ​ജ, ജെ.​എ​ച്ച്.​ഐ അ​ബ്ദു​ല്ല, സു​മേ​ഷ് എ​ന്നി​വ​ർ ചേ​ർ​ന്ന് ന​ട​ത്തി​യ പ​രി​ശോ​ധ​ന​യി​ൽ എ​ടൂ​ർ സെ​ന്റ് മേ​രീ​സ് സ്കൂ​ളി​ൽ​നി​ന്നു​ള്ള പാ​ഴ് വ​സ്തു​ക്ക​ളാ​ണെ​ന്ന് ക​ണ്ടെ​ത്തി.

പ്ലാ​സ്റ്റി​ക് ചാ​ക്കി​ൽ കെ​ട്ടി​യ നി​ല​യി​ലാ​യി​രു​ന്നു മാ​ലി​ന്യം. പ്ലാ​സ്റ്റി​ക് മാ​ലി​ന്യം, ഓ​ഫി​സ് മാ​ലി​ന്യം, ബാ​ഗു​ക​ൾ, ഐ​സ്ക്രീം, ബി​രി​യാ​ണി ക​ണ്ടെ​യ്‌​ന​റു​ക​ൾ, ഭ​ക്ഷ​ണ മാ​ലി​ന്യം, തെ​ർ​മോ​ക്കോ​ളു​ക​ൾ, കാ​ർ​പ​റ്റ്, സ്കൂ​ൾ യൂ​നി​ഫോം, സ്കൂ​ൾ നോ​ട്ടീ​സ് ബോ​ർ​ഡി​ൽ ഒ​ട്ടി​ച്ച പോ​സ്റ്റ​റു​ക​ൾ തു​ട​ങ്ങി​യ​വ ഉ​ൾ​പ്പെ​ടെ​യു​ള്ള മാ​ലി​ന്യ​മാ​ണ് ക​ണ്ടെ​ത്തി​യ​ത്.

സ്‌​കൂ​ൾ അ​ധി​കൃ​ത​രെ വി​വ​ര​മ​റി​യി​ച്ച​തി​നെ തു​ട​ർ​ന്ന് പ്ര​ധാ​നാ​ധ്യാ​പി​ക സെ​ലി​ൻ, പി.​ടി.​എ പ്ര​സി​ഡ​ന്റ്, മ​റ്റു പി.​ടി.​എ ഭാ​ര​വാ​ഹി​ക​ൾ എ​ന്നി​വ​ർ സ്ഥ​ല​ത്തെ​ത്തി മാ​ലി​ന്യം തി​രി​ച്ചെ​ടു​ത്ത് കൊ​ണ്ടു​പോ​വു​ക​യാ​യി​രു​ന്നു.

25000 രൂ​പ​വ​രെ പി​ഴ ഈ​ടാ​ക്കാ​വു​ന്ന കു​റ്റ​മാ​ണെ​ന്നും സെ​ക്ര​ട്ട​റി സ്ഥ​ല​ത്തെ​ത്തി​യാ​ൽ തു​ക നി​ശ്ച​യി​ച്ച് പി​ഴ ഈ​ടാ​ക്കു​മെ​ന്നും പ​ഞ്ചാ​യ​ത്ത് അ​ധി​കൃ​ത​ർ പ​റ​ഞ്ഞു.