കണ്ണൂർ കോർപറേഷൻ പി.എം.എ.വൈ (നഗരം)-ലൈഫ് പദ്ധതിയുടെ ഭാഗമായി ഗുണഭോക്തൃ സംഗമവും ധന സഹായ വിതരണവും ഉദ്‌ഘാടനം ചെയ്തശേഷം മേയർ മുസ്‌ലിഹ് മഠത്തിൽ ജവഹർ ലൈബ്രറി ഹാളിലൊരുക്കിയ വീടുകളുടെ ഫോട്ടോപ്രദർശനം കാണുന്നു
കണ്ണൂര്‍: പി.എം.എ.വൈ-നഗരം പദ്ധതിയില്‍ ലൈഫ് ഭവന പദ്ധതിയുടെ ഭാഗമായി കണ്ണൂര്‍ കോര്‍പറേഷൻ 30 വീടുകളുടെ താക്കോല്‍ കൈമാറി. 1793 ഗുണഭോക്താക്കളെ തിരഞ്ഞെടുത്ത് 1300ലധികം ഭവനങ്ങളുടെ പൂര്‍ത്തീകരണവും നടത്തിയിട്ടുണ്ട്. ഗുണഭോക്ത സംഗമത്തില്‍ 30 ഗുണഭോക്താക്കള്‍ക്ക് നാലാം ഘഡു ധനസഹായ വിതരണത്തോടൊപ്പമായിരുന്നു 30 വീടുകളുടെ താക്കോല്‍ കൈമാറ്റം.
മേയര്‍ മുസ്‌ലിഹ് മഠത്തില്‍ വീടുകളുടെ താക്കോല്‍ദാനം നിര്‍വഹിച്ചു. ഡെപ്യൂട്ടി മേയര്‍ പി. ഇന്ദിര അധ്യക്ഷത വഹിച്ചു. വിദ്യാഭ്യാസ കാര്യ സ്ഥിരം സമിതി അധ്യക്ഷന്‍ സുരേഷ് ബാബു എളയാവൂര്‍, നഗരാസൂത്രണ സ്ഥിരംസമിതി അധ്യക്ഷന്‍ സിയാദ് തങ്ങള്‍, ഷാഹിന മൊയ്തീന്‍, എന്‍. ഉഷ, പി.പി കൃഷ്ണന്‍, സി.കെ വിനോദ്, ടി.ജി അജേഷ് സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.