മലയോര ജനത ഭീതിയിൽ

കേ​ള​കം: കാ​ക്ക​യ​ങ്ങാ​ടി​ലെ കൃ​ഷി​യി​ട​ത്തി​ൽ പ​ന്നി​ക്കു​വെ​ച്ച കെ​ണി​യി​ൽ പു​ലി കു​ടു​ങ്ങി​യ​തോ​ടെ മ​ല​യോ​ര ജ​ന​ത ആ​ശ​ങ്ക​യി​ൽ. മാ​സ​ങ്ങ​ൾ​ക്ക് മു​മ്പാ​ണ് കേ​ള​കം പ​ഞ്ചാ​യ​ത്തി​ലെ ക​രി​യം കാ​പ്പ് ജ​ന​വാ​സ മേ​ഖ​ല​യി​ൽ വ​ട്ട​മി​ട്ടി​രു​ന്ന ക​ടു​വ ദി​വ​സ​ങ്ങ​ളോ​ളം നാ​ടി​ന്റെ സ​മാ​ധാ​നം കെ​ടു​ത്തി, ഒ​ടു​വി​ൽ മ​യ​ക്കുവെ​ടി​യി​ൽ ച​ത്തൊ​ടു​ങ്ങി​യ​ത്. ഇ​തേ​സം​ഭ​വം കൊ​ട്ടി​യൂ​ർ പ​ന്നി​യാം​മ​ല​യി​ലു​മു​ണ്ടാ​യി. ക​ഴി​ഞ്ഞ ദി​വ​സം കൊ​ട്ടി​യൂ​ർ ഒ​റ്റ​പ്ലാ​വി​ൽ കൃ​ഷി​യി​ട​ത്തി​ൽ ക​ര​ടി​യും പ്ര​ത്യ​ക്ഷ​പ്പെ​ട്ട​ത് ഞ​ടു​ക്കുന്നതാ​യി.

ആ​റ​ളം, കൊ​ട്ടി​യൂ​ർ വ​ന്യ​ജീ​വി സ​ങ്കേ​ത​ങ്ങ​ളു​ടെ അ​തി​ർ​ത്തി പ്ര​ദേ​ശ​ങ്ങ​ളാ​യ ആ​റ​ളം ഫാം, ​ആ​ദി​വാ​സി പു​ന​ര​ധി​വാ​സ മേ​ഖ​ല, കേ​ള​കം പ​ഞ്ചാ​യ​ത്തി​ലെ രാ​മ​ച്ചി, ശാ​ന്തി​ഗി​രി, ക​രി​യം​കാ​പ്പ്, മാ​ങ്കു​ളം, വെ​ള്ളൂ​ന്നി, ഏ​ല​പ്പീ​ടി​ക തു​ട​ങ്ങി​യ പ്ര​ദേ​ശ​ങ്ങ​ളും കൊ​ട്ടി​യൂ​ർ പ​ഞ്ചാ​യ​ത്തി​ലെ പാ​ൽ​ച്ചു​രം, പ​ന്നി​യാം​മ​ല, അ​മ്പ​യ​ത്തോ​ട്, ച​പ്പ​മ​ല, നെ​ല്ലി​യോ​ടി, ഒ​റ്റ​പ്ലാ​വ് പ്ര​ദേ​ശ​ങ്ങ​ളി​ലെ ജ​ന​ങ്ങ​ളാ​ണ് പു​ലി​പ്പേ​ടി​യി​ൽ ക​ഴി​യു​ന്ന​ത്.

പ്ര​ധാ​ന പാ​ത​ക​ളി​ൽ പോ​ലും വ​ന്യ​ജീ​വി​ക​ളു​ടെ വി​ഹാ​ര​മാ​യ​തോ​ടെ പ്ര​ഭാ​ത സ​വാ​രി​ക്ക് പോ​ലും പു​റ​ത്തി​റ​ങ്ങാ​ൻ ഭ​യ​മാ​ണ്. അ​മ്പ​തോ​ളം കാ​ട്ടാ​ന​ക​ൾ വ​ട്ട​മി​ടു​ന്ന ആ​റ​ളം ഫാ​മി​ൽ ക​ടു​വ​യു​ടെ സാ​ന്നി​ധ്യം പ​തി​വാ​യ​തോ​ടെ ഭീ​തി​യു​ടെ നി​ഴ​ലി​ലാ​ണ് പു​ന​ര​ധി​വാ​സ മേ​ഖ​ല.

കോ​ള​യാ​ട് പ​ഞ്ചാ​യ​ത്തി​ന്റെ വി​വി​ധ മേ​ഖ​ല​ക​ളി​ലും ചി​റ്റാ​രി​പ​റ​മ്പ​യി​ലും കാ​ട്ടുപോ​ത്തി​ന്റെ വി​ഹാ​രം കൂ​ടി​യാ​യ​തോ​ടെ ജ​ന​വാ​സ മേ​ഖ​ല​ക​ൾ വ​ന്യജീ​വി​ക​ളു​ടെ സ​ങ്കേ​ത​ങ്ങ​ളാ​യി മാ​റി. ശ​ല്യം രൂ​ക്ഷ​മാ​യ​തോ​ടെ നൂ​റുക​ണ​ക്കി​ന് പു​ന​ര​ധി​വാ​സ കൂ​ടും​ബ​ങ്ങ​ൾ പാ​ലാ​യ​നം ചെ​യ്ത​തും ആ​റ​ളം ഫാ​മി​ൽ കൃ​ഷി​യി​ട​ങ്ങ​ൾ വ​ന മാ​തൃ​ക​യി​ലാ​വാ​ൻ കാ​ര​ണ​മാ​യി. ആ​റ​ളം കാ​ർ​ഷി​ക ഫാ​മി​ലെ ഭൂ​മി​യും കാ​ടുമൂ​ടി​യ നി​ല​യി​ലാ​ണ്.

ഫാ​മി​നോ​ട് അ​തി​ർ​ത്തി പ​ങ്കി​ടു​ന്ന കൊ​ട്ടി​യൂ​ർ, ആ​റ​ളം വ​നാ​തി​ർ​ത്തി​ക​ളി​ൽ ആ​ന മ​തി​ൽ നി​ർ​മാ​ണം ആ​രം​ഭി​ച്ചെ​ങ്കി​ലും പൂ​ർ​ത്തി​യാ​യി​ട്ടി​ല്ല. കാ​ട്ടാ​ന കൂ​ട്ട​ങ്ങ​ളും മ​റ്റ് വ​ന്യ​ജീ​വി​ക​ളും ആ​റ​ളം ആ​ദി​വാ​സി പു​ന​ര​ധി​വാ​സ മേ​ഖ​ല​യി​ലും ആ​റ​ളം ഫാ​മി​ലും ചു​റ്റി​യ​ടി​ക്കു​മ്പോ​ഴും ഇ​വ​യെ തു​ര​ത്തു​ന്ന​തി​ന് വി​യ​ർ​ക്കു​ക​യാ​ണ് വ​ന​പാ​ല​ക​ർ.