സ്വകാര്യ ഭൂമിയിൽ മാലിന്യം തള്ളി; ബാങ്ക് ജീവനക്കാരന് പിഴ

ക​ണ്ണൂ​ർ: എ​സ്.​എ​ൻ പാ​ർ​ക്ക് റോ​ഡ​രി​കി​ലെ സ്വ​കാ​ര്യ ഭൂ​മി​യി​ൽ മാ​ലി​ന്യം ത​ള്ളി​യ സ്ഥാ​പ​ന​ത്തി​നും വ്യ​ക്തി​ക്കും 5000 രൂ​പ വീ​തം പി​ഴ. ക്രീം ​സ്റ്റേ​ഷ​ൻ എ​ന്ന സ്ഥാ​പ​ന​ത്തി​നും ബാ​ങ്ക് ജീ​വ​ന​ക്കാ​ര​നാ​യ ഹ​രി പ്ര​സാ​ദി​നു​മാ​ണ് ത​ദ്ദേ​ശ വ​കു​പ്പി​ന്റെ ജി​ല്ല എ​ൻ​ഫോ​ഴ്സ്മെൻറ് സ്ക്വാ​ഡ് പി​ഴ ചു​മ​ത്തി​യ​ത്. ക​ണ്ണൂ​ർ താ​ളി​ക്കാ​വി​ന് സ​മീ​പം വ​ലി​ച്ചെ​റി​ഞ്ഞ മാ​ലി​ന്യം പ​രി​ശോ​ധി​ച്ച​തി​ൽ​നി​ന്ന് ഈ ​സ്ഥാ​പ​ന​ത്തി​ന്റെ​യും വ്യ​ക്തി​യു​ടെ​യും വി​ലാ​സം സ്ക്വാ​ഡി​ന് ല​ഭി​ക്കു​ക​യാ​യി​രു​ന്നു. ക്രീം ​സ്റ്റേ​ഷ​നി​ലെ ജൈ​വ അ​ജൈ​വ മാ​ലി​ന്യ​വും മെ​നു കാ​ർ​ഡും തെ​ളി​വാ​യി ല​ഭി​ച്ചു. പ​ള്ളി​ക്കു​ന്ന് പ്ര​ദേ​ശ​ത്ത് താ​മ​സി​ക്കു​ന്ന ബാ​ങ്ക് ജീ​വ​ന​ക്കാ​ര​നാ​യ ഹ​രി​പ്ര​സാ​ദി​ന്റെ വീ​ട്ടി​ലെ മാ​ലി​ന്യ​മാ​ണ് ആ​ളൊ​ഴി​ഞ്ഞ പ​റ​മ്പി​ൽ ത​ള്ളി​യ​ത്.

ജൈ​വ അ​ജൈ​വ മാ​ലി​ന്യം വേ​ർ​തി​രി​ക്കാ​തെ കൂ​ട്ടി​യി​ട്ട​തി​ന് താ​ളി​ക്കാ​വി​ലെ ഹോ​ട്ട​ൽ ശ്രീ​കൃ​ഷ്ണ​ക്കും ലാ​ബി​ലെ അ​ജൈ​വ മാ​ലി​ന്യം അ​ല​ക്ഷ്യ​മാ​യി സ്ഥാ​പ​ന പ​രി​സ​ര​ത്ത് കൂ​ട്ടി​യി​ട്ട​തി​ന് രാ​ജീ​വ് ഗാ​ന്ധി റോ​ഡി​ലെ എ​ൻ കെ​യ​ർ ഐ.​വി.​എ​ഫ് സെ​ന്റ​റി​നും 5000 രൂ​പ വീ​തം ജി​ല്ല എ​ൻ​ഫോ​ഴ്സ്മെ​ന്റ് സ്ക്വാ​ഡ് പി​ഴ ചു​മ​ത്തി. എം. ​ല​ജി​യു​ടെ നേ​തൃ​ത്വ​ത്തി​ലു​ള്ള സ്ക്വാ​ഡാ​ണ് പ​രി​ശോ​ധ​ന ന​ട​ത്തി​യ​ത്.