കൊല്ലരുത് കണ്ടലിനെ; കവിയൂർ-ഒളവിലം ബണ്ട് റോഡിൽ കണ്ടൽക്കാടുകൾ നികത്തുന്നു

ചൊ​ക്ലി: ഒ​ള​വി​ലം - ക​വി​യൂ​ർ റോ​ഡി​ലെ വ​ഴി​യി​ൽ ഇ​ട​തു വ​ശ​ത്താ​യി സ്ഥി​തി ചെ​യ്യു​ന്ന ഏ​ക്ക​ർ ക​ണ​ക്കി​ന്‌ ക​ണ്ട​ൽ കാ​ടു​ക​ൾ മ​ണ്ണും മാ​ലി​ന്യ​വും ത​ള്ളി നി​ക​ത്തു​ന്നു. ഇ​തി​ന​കം ത​ന്നെ 15 ഏ​ക്ക​റോ​ളം ക​ണ്ട​ൽ കാ​ടു​ക​ളും ജ​ല​സ്രോ​ത​സ്സും ക​ക്കൂ​സ്‌ മാ​ലി​ന്യ​വും പ്ലാ​സ്റ്റി​ക് മാ​ലി​ന്യ​വും നി​റ​ഞ്ഞു നി​ൽ​ക്കു​ന്ന അ​വ​സ്ഥ​യാ​ണ്. ഇ​തി​ന് പു​റ​മെ​യാ​ണ് ലോ​റി​ക​ളി​ലും മ​റ്റും കൊ​ണ്ടു​വ​ന്ന് മാ​ലി​ന്യ​ങ്ങ​ളും ത​ള്ളി നി​ക​ത്തു​ന്ന​ത്.

ര​ണ്ടു ത​വ​ണ പ​ഞ്ചാ​യ​ത്ത്‌ സ്റ്റോ​പ്പ് മെ​മോ കൊ​ടു​ത്ത സ്ഥ​ല​മാ​ണ് അ​ധി​കാ​രി​ക​ളെ നോ​ക്കു​കു​ത്തി​ക​ളാ​ക്കി ന​ശി​പ്പി​ക്കു​ന്ന​ത്. ഈ ​നി​ക​ത്ത​ലി​നു പി​ന്നി​ൽ വ​ലി​യ മാ​ഫി​യ ത​ന്നെ പ്ര​വ​ർ​ത്തി​ക്കു​ന്നു​ണ്ട്. പ്ര​കൃ​തി വ​ലി​യ അ​നു​ഗ്ര​ഹീ​ത സ്വ​ത്താ​യ ക​ണ്ട​ൽ​ക്കാ​ടു​ക​ൾ പ​ട്ടാ​പ​ക​ൽ ത​ന്നെ നി​ക​ത്തു​ന്ന​ത് ന​ട​പ​ടി​യെ​ടു​ക്കേ​ണ്ട ഉ​ദ്യോ​ഗ​സ്ഥ വൃ​ന്ദ​ത്തി​ന്റെ പി​ന്തു​ണ​യോ​ടെ​യാ​ണ് ഈ ​പ​ര​സ്യ​മാ​യ നി​ക​ത്ത​ൽ.

ക​ണ്ട​ൽക്കാ​ടി​ന്റെ എ​തി​ർ വ​ശ​ത്തും ഏ​താ​നും മാ​സ​ങ്ങ​ൾ​ക്ക് മു​മ്പ് മ​ത്സ്യ​കൃ​ഷി ചെ​യ്യു​ന്ന​തി​ന്റെ​ പേ​രി​ൽ വ​ലി​യ തോ​തി​ൽ നി​ക​ത്ത​ൽ ന​ട​ത്തി​യി​രു​ന്നു. ക​ർ​ശ​ന ന​ട​പ​ടി​യി​ല്ലാ​ത്ത​ത് നി​ക​ത്തു​ന്ന മ​റ്റു​ള്ള​വ​ർ​ക്ക് പ്ര​ചോ​ദ​ന​മാ​വു​ക​യാ​ണ്. പ​രി​സ്ഥി​തി​സ്നേ​ഹി​ക​ളും, പു​ഴ സം​ര​ക്ഷ​ക​രും ഇ​തി​നെ​തി​രെ മു​മ്പ് രം​ഗ​ത്തി​റ​ങ്ങി​യി​രു​ന്നു.