കണ്ണൂർ: പ്രണയം നടിച്ച് വിദ്യാർഥിനിയെ പീഡിപ്പിച്ച കേസിൽ യുവാവ് പൊലീസ് കസ്റ്റഡിയിൽ. പള്ളിപ്രം സ്വദേശി അനസിനെയാണ് (23) കണ്ണൂർ ടൗൺ പൊലീസ് കസ്റ്റഡിയിലെടുത്തത്. കഴിഞ്ഞ ദിവസം സ്കൂളിൽ നടത്തിയ കൗൺസലിങ്ങിലാണ് പെൺകുട്ടി പീഡനവിവരം പുറത്തുപറഞ്ഞത്.
വിദ്യാർഥിനി എട്ടാംക്ലാസിൽ പഠിക്കുമ്പോൾ പ്രാവുവളർത്തലുമായി ബന്ധപ്പെട്ട പരിചയമാണ് യുവാവുമായി സൗഹൃദത്തിലേക്ക് നയിച്ചത്. അനസ് പല സ്ഥലങ്ങളിൽ കൂട്ടിക്കൊണ്ടുപോയി പെൺകുട്ടിയെ പീഡിപ്പിക്കുകയായിരുന്നു.
കഴിഞ്ഞ കുറച്ചു മാസങ്ങളായി പെൺകുട്ടി പഠനത്തിൽ ശ്രദ്ധിക്കാതെയും ആരോടും സംസാരിക്കാതെയും പെരുമാറുന്നത് ശ്രദ്ധയിൽപെട്ട അധ്യാപകർ കാര്യം തിരക്കിയിരുന്നു. പൊലീസ് യുവാവിനെ ചോദ്യം ചെയ്തുവരുകയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.