മുഴപ്പിലങ്ങാട്: കണ്ണൂർ - തലശ്ശേരി ദേശീയപാതയിൽ ചരക്ക് ലോറി റോഡിൽ താഴ്ന്ന് ഗതാഗത തടസ്സം. മുഴപ്പിലങ്ങാട് - മാഹി ബൈപ്പാസ് നിർമാണം നടക്കുന്ന സർവീസ് റോഡിലൂടെ തലശ്ശേരി ഭാഗത്തേക്ക് പോകുന്ന ഭാഗത്താണ് ലോറി താഴ്ന്നത്.
ചരക്ക് ലോറി എതിരെ വന്ന ലോറിക്ക് സൈഡ് കൊടുക്കുന്നതിനിടെ ഇടത് ഭാഗം റോഡിൽ അമർന്നു പോകുകയായിരുന്നു. താഴ്ചയിൽ അമർന്നത് കാരണം ലോറി നീക്കം ചെയ്യാനാവാത്തത് ഗതാഗതക്കുരുക്കിന് കാരണമായി.
ചൊവ്വാഴ്ച രാവിലെ ഏഴിനായിരുന്നു അപകടം. കഴിഞ്ഞ ദിവസവും പ്രദേശത്ത് ചരക്ക് ലോറി റോഡിലെ കുഴിയിൽ വീണതിനെ തുടർന്ന് ഗതാഗതം തടസ്സപ്പൊട്ടിരുന്നു. നാട്ടുകാർ എടക്കാട് പൊലീസിനെ വിവരമറിയിച്ചിട്ടുണ്ട്. വാഹനം നീക്കുന്നതിനായി ക്രെയിനിന്‍റെ സഹായം തേടിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.