ഭാ​വാ​തീ​തം ആ ​ശ​ബ്ദസൗ​കു​മാ​ര്യം

പ​യ്യ​ന്നൂ​ർ: ‘തു​രീ​യം വാ​ചാ മ​നു​ഷ്യാ വ​ദ​ന്തി..’ ഭാ​ര​ത​ത്തി​ലെ പ്ര​ധാ​ന സം​ഗീ​തോ​ത്സ​വ​ങ്ങ​ളി​ൽ പ്ര​ഥ​മ​സ്ഥാ​നം അ​ല​ങ്ക​രി​ക്കു​ന്ന പോ​ത്താ​ങ്ക​ണ്ടം ആ​ന​ന്ദ​ഭ​വ​ന​ത്തി​ന്റെ നേ​തൃ​ത്വ​ത്തി​ൽ പ​യ്യ​ന്നൂ​രി​ൽ ന​ട​ന്നു​വ​രു​ന്ന തു​രീ​യം സം​ഗീ​തോ​ത്സ​വ​ത്തി​ന് ഒ​രു ത​വ​ണ​യെ​ങ്കി​ലും എ​ത്തി​യ​വ​ർ ഈ ​വ​രി​ക​ൾ ഹൃ​ദ​യ​ത്തി​ൽ സൂ​ക്ഷി​ച്ചി​രി​ക്കും. കാ​ര​ണം, ഭാ​വ​ഗാ​യ​ക​ന്റെ ശ​ബ്ദം​കൊ​ണ്ട് ധ​ന്യ​മാ​യ ഈ ​ഗാ​ന​മാ​ണ് തു​രീ​യം സം​ഗീ​തോ​ത്സ​വ​ത്തി​ന്റെ ടൈ​റ്റി​ൽ സോ​ങ് എ​ന്ന​തു​ത​ന്നെ.

സം​ഗീ​തോ​ത്സ​വ​ത്തി​ന് ഒ​രു അ​വ​ത​ര​ണ ഗാ​നം വേ​ണ​മെ​ന്നു പ​റ​ഞ്ഞ​പ്പോ​ൾ ഒ​രു മ​ടി​യും കൂ​ടാ​തെ പ്ര​തി​ഫ​ലം​പോ​ലും വാ​ങ്ങാ​തെ​യാ​ണ് പാ​ട്ട് പാ​ടി​യ​തെ​ന്ന് സം​ഗീ​തോ​ത്സ​വ​ത്തി​ന്റെ മു​ഖ്യ​ശി​ൽ​പി സ്വാ​മി കൃ​ഷ്ണാ​ന​ന്ദ ഭാ​ര​തി ‘മാ​ധ്യ​മ’​ത്തോ​ടു പ​റ​ഞ്ഞു. കൈ​ത​പ്രം എ​ഴു​തി ചി​ട്ട​പ്പെ​ടു​ത്തി​യ ഗാ​നം അ​വ​സാ​നി​ക്കു​ന്ന​ത് ഭാ​വാ​തീ​തം തു​രീ​യം എ​ന്ന വ​രി​ക​ളി​ലൂ​ടെ.

അ​തെ, ഭാ​വാ​തീ​ത​മാ​യ ശ​ബ്ദ​ത്തി​നും സം​ഗീ​ത​ജ്ഞാ​ന​ത്തി​നും ഉ​ട​മ​യാ​യ ഭാ​വ​ഗാ​യ​ക​ന്റെ സ​ർ​ഗാ​ത്മ​ക​ത ത​ളം​കെ​ട്ടി​നി​ൽ​ക്കു​ന്നു​ണ്ട് ഈ ​ചെ​റു​ഗാ​ന​ത്തി​ലും. പോ​ത്താ​ങ്ക​ണ്ടം ആ​ന​ന്ദ​ഭ​വ​ന​ത്തി​ൽ ന​ട​ന്നു​വ​രു​ന്ന ന​വ​രാ​ത്രി പ​രി​പാ​ടി​ക​ളി​ൽ 34 വ​ർ​ഷ​ത്തോ​ളം മ​ഹാ​ഗാ​യ​ക​ന്റെ സാ​ന്നി​ധ്യ​മു​ണ്ടാ​യി​രു​ന്നു. പ​ഴ​യ​തും പു​തി​യ​തു​മാ​യ പാ​ട്ടു​ക​ൾ പാ​ടി പ​യ്യ​ന്നൂ​രി​ലെ​യും മ​ല​യോ​ര ഗ്രാ​മ​മാ​യ പെ​രി​ങ്ങോം പോ​ത്താ​ങ്ക​ണ്ട​ത്തി​ലെ​യും സാ​ധാ​ര​ണ​ക്കാ​രാ​യ നാ​ട്ടു​കാ​ർ​ക്ക് വി​ഭ​വ​സ​മൃ​ദ്ധ​മാ​യ വി​രു​ന്നാ​യി ആ ​സാ​ന്നി​ധ്യം മാ​റി. എ​ല്ലാ വ​ർ​ഷ​വും ന​വ​രാ​ത്രി​ക്കാ​ല​ത്ത് ഏ​തു ദി​വ​സം വ​ര​ണ​മെ​ന്ന് ചോ​ദി​ക്കാ​റു​ണ്ടെ​ന്ന് സ്വാ​മി പ​റ​ഞ്ഞു.

തീ​യ​തി പ​റ​ഞ്ഞാ​ൽ എ​ല്ലാ പ​രി​പാ​ടി​ക​ളും മാ​റ്റി അ​ന്ന് എ​ത്തി​യി​രി​ക്കും. പ​യ്യ​ന്നൂ​ർ അ​യോ​ധ്യ ഓ​ഡി​റ്റോ​റി​യ​ത്തി​ൽ സ​ത്ക​ലാ​പീ​ഠം പ​രി​പാ​ടി​ക​ളി​ലും അ​ദ്ദേ​ഹ​ത്തി​ന്റെ സാ​ന്നി​ധ്യം നി​ര​വ​ധി ത​വ​ണ ഉ​ണ്ടാ​യി​രു​ന്നു. ഒ​രി​ക്ക​ൽ പി. ​സു​ശീ​ല​യോ​ടൊ​പ്പ​മാ​യി​രു​ന്നു പ്രേ​ക്ഷ​ക​രെ വി​രു​ന്നൂ​ട്ടി​യ​ത്.

കോ​വി​ഡു​കാ​ല​ത്തി​നു​ശേ​ഷ​മാ​ണ് ജ​യ​ച​ന്ദ്ര​ന്റെ സാ​ന്നി​ധ്യം പ​യ്യ​ന്നൂ​രി​ലും പോ​ത്താ​ങ്ക​ണ്ട​ത്തി​ലും ഇ​ല്ലാ​തി​രു​ന്ന​ത്. കോ​വി​ഡെ​ന്ന മ​ഹാ​മാ​രി​ക്കു പി​ന്നാ​ലെ അ​സു​ഖം കൂ​ടി പി​ടി​കൂ​ടി​യ​തോ​ടെ​യാ​ണ് വ​രാ​താ​യ​ത്. ആ​ന​ന്ദ​ഭ​വ​നം 2022ൽ ​ന​ട​ത്തി​യ 101 ദി​വ​സം നീ​ണ്ടു​നി​ന്ന തു​രീ​യം സം​ഗീ​ത യ​ജ്ഞ മ​ഹോ​ത്സ​വ സ​മാ​പ​ന​ത്തോ​ട​നു​ബ​ന്ധി​ച്ച് മ​ല​യാ​ള​ത്തി​ന്റെ നി​ത്യ​ഹ​രി​ത ഭാ​വ​ഗാ​യ​ക​ൻ പി. ​ജ​യ​ച​ന്ദ്ര​ന് സ്നേ​ഹാ​ദ​ര​വു ന​ൽ​കാ​ൻ തീ​രു​മാ​നി​ച്ചു​വെ​ങ്കി​ലും അ​സു​ഖം കാ​ര​ണം വ​രാ​നാ​യി​ല്ല.

തു​ട​ർ​ന്ന് 2022 ആ​ഗ​സ്റ്റ് ഏ​ഴി​ന് തൃ​ശൂ​ർ പാ​റ​മേ​ക്കാ​വ് രോ​ഹി​ണി ക​ല്യാ​ണ മ​ണ്ഡ​പ​ത്തി​ൽ ആ​ദ​ര​പ​രി​പാ​ടി സം​ഘ​ടി​പ്പി​ക്കു​ക​യാ​യി​രു​ന്നു. ച​ട​ങ്ങി​ൽ ഡോ. ​എ​ൻ.​പി. വി​ജ​യ​കൃ​ഷ്ണ‌​ൻ, സ്വാ​മി കൃ​ഷ്‌​ണാ​ന​ന്ദ​ഭാ​ര​തി തു​ട​ങ്ങി​യ​വ​ർ പ​ങ്കെ​ടു​ത്തു. വ​യ്യാ​യ്ക​യി​ലും പാ​ട്ടു​പാ​ടി വേ​ദി ധ​ന്യ​മാ​ക്കി​യി​രു​ന്നു അ​ന്നും ഭാ​വ​ഗാ​യ​ക​ൻ.