പഴയങ്ങാടിയിൽ പൊലീസ് നിരീക്ഷണം ശക്​തമാക്കും

പ​ഴ​യ​ങ്ങാ​ടി: പ​ഴ​യ​ങ്ങാ​ടി പൊ​ലീ​സ് സ്റ്റേ​ഷ​ൻ പ​രി​ധി​യി​ലെ എ​ല്ലാ പ്ര​ദേ​ശ​ത്തും നി​രീ​ക്ഷ​ണം കാ​ര്യ​ക്ഷ​മ​മാ​ക്കാ​ൻ തീ​രു​മാ​നി​ച്ചു.സം​സ്ഥാ​ന ശ്ര​ദ്ധ​യാ​ക​ർ​ഷി​ച്ച, കെ-​റെ​യി​ൽ സ​ർ​വേ​ക്ക​ല്ലു​ക​ൾ ര​ണ്ടു​ത​വ​ണ പി​ഴു​തെ​ടു​ക്കു​ക​യും മൂ​ന്നാം ത​വ​ണ എ​ട്ടു​ക​ല്ലു​ക​ൾ ഒ​ന്നാ​യി പി​ഴു​തെ​ടു​ത്ത് റീ​ത്തു​വെ​ക്കു​ക​യും ചെ​യ്ത സം​ഭ​വ​ത്തി​ൽ കു​റ്റ​വാ​ളി​ക​ളെ ക​ണ്ടെ​ത്താ​ൻ ക​ഴി​യാ​ത്ത​തും പൊ​ലീ​സി​നെ​തി​രെ ആ​ക്ഷേ​പ​മു​യ​ർ​ത്തി​യി​രു​ന്നു.

ഏ​ഴോം ക്ഷേ​ത്ര മോ​ഷ​ണ​മ​ട​ക്ക​മു​ള്ള നി​ര​വ​ധി മോ​ഷ​ണ​ക്കേ​സു​ക​ൾ​ക്കും ഇ​തു​വ​രെ​യാ​യി തു​മ്പൊ​ന്നും ല​ഭി​ച്ചി​ട്ടി​ല്ല. ഈ ​സാ​ഹ​ച​ര്യ​ത്തി​ലാ​ണ് രാ​ത്രി​കാ​ല പൊ​ലീ​സ് നി​രീ​ക്ഷ​ണം ശ​ക്​​ത​മാ​ക്കു​ന്ന​തി​നും കാ​മ​റ സം​വി​ധാ​നം വി​പു​ലീ​ക​രി​ക്കു​ന്ന​തി​നും തീ​രു​മാ​നി​ച്ച​ത്.

പ​രി​മി​ത​മാ​യ സ്ഥ​ല​ങ്ങ​ളി​ലാ​ണ് ഇ​പ്പോ​ൾ നി​രീ​ക്ഷ​ണ കാ​മ​റ​ക​ൾ പ്ര​വ​ർ​ത്തി​ക്കു​ന്ന​ത്. നെ​രു​വ​മ്പ്രം, എ​രി​പു​രം, ചെ​ങ്ങ​ൽ, കു​ണ്ട​ത്തി​ൻ​കാ​വ് റോ​ഡ്, മു​ട്ടു​ക​ണ്ടി തീ​ര​ദേ​ശ പാ​ത, പ​ഴ​യ​ങ്ങാ​ടി ബ​സ് സ്റ്റാ​ൻ​ഡ്, മാ​ടാ​യി റെ​സ്റ്റ്​ ഹൗ​സ്, മാ​ടാ​യി​പ്പാ​റ, വെ​ങ്ങ​ര മു​ക്ക്, ബീ​വി റോ​ഡ്, മൊ​ട്ടാ​മ്പ്രം, മാ​ട്ടൂ​ൽ നോ​ർ​ത്ത് പ​ഴ​യ മു​നീ​ർ സ്കൂ​ൾ പ​രി​സ​രം, മു​ട്ടം തു​ട​ങ്ങി​യ സ്ഥ​ല​ങ്ങ​ളി​ലാ​യി 20 കാ​മ​റ​ക​ൾ സ്ഥാ​പി​ക്കാ​നാ​ണ് ല​ക്ഷ്യ​മി​ടു​ന്ന​ത്. സ​ർ​ക്കാ​റി​ൽ നി​ന്ന് കാ​മ​റ​ക​ൾ ല​ഭി​ക്കു​മെ​ങ്കി​ലും പ്ര​വ​ർ​ത്തി​പ്പി​ക്കു​ന്ന​തി​നാ​യി വൈ​ദ്യു​തി ല​ഭ്യ​മാ​ക്കു​ന്ന​ത​ട​ക്ക​മു​ള്ള സ​ഹാ​യ​ത്തി​ന് പൊ​തു​ജ​ന സ​ഹാ​യം തേ​ടും.

മാ​ട്ടൂ​ലി​ൽ രാ​ത്രി​കാ​ല മ​ണ​ൽ​ക്ക​ട​ത്ത് വ​ർ​ധി​ച്ച​തും മേ​ഖ​ല​യി​ൽ മ​യ​ക്കു​മ​രു​ന്നി​ന്‍റെ വ്യാ​പ​നം രൂ​ക്ഷ​മാ​യ​തും പൊ​ലീ​സ് ഗൗ​ര​വ​ത്തി​ലെ​ടു​ത്തി​ട്ടു​ണ്ട്. മ​ണ​ൽ​ക്ക​ട​ത്ത് നി​രീ​ക്ഷി​ക്കു​ന്ന​ത് സം​ബ​ന്ധി​ച്ച്​ ക​ട​ത്തു​കാ​ർ​ക്ക്​ മു​ൻ​കൂ​ട്ടി വി​വ​രം ല​ഭി​ക്കു​ന്ന​തെ​ങ്ങ​നെ​യെ​ന്ന് ക​ണ്ടെ​ത്തു​മെ​ന്ന്​ ഡി​വൈ.​എ​സ്.​പി കെ.​ഇ. പ്രേ​മ​ച​ന്ദ്ര​ൻ അ​റി​യി​ച്ചു. കെ-​റെ​യി​ൽ സ​ർ​വേ​ക്ക​ല്ല് പി​ഴു​തു​മാ​റ്റി​യ പ്ര​തി​ക​ളെ​യും മോ​ഷ​ണ സം​ഭ​വ​ങ്ങ​ളി​ലെ പ്ര​തി​ക​ളെ​യും പി​ടി​കൂ​ടു​ന്ന​തി​ന് അ​ന്വേ​ഷ​ണം ഊ​ർ​ജി​ത​മാ​ക്കി​യ​താ​യും അ​ദ്ദേ​ഹം പ​റ​ഞ്ഞു.