ചുഴലി പ്രാഥമികാരോഗ്യ കേന്ദ്രം 'ചികിത്സ തേടുന്നു'

ശ്രീ​ക​ണ്ഠ​പു​രം: ചെ​ങ്ങ​ളാ​യി പ​ഞ്ചാ​യ​ത്തി​ലെ ചു​ഴ​ലി പ്രാ​ഥമി​കാ​രോ​ഗ്യ കേ​ന്ദ്രം 'ചി​കി​ത്സ തേ​ടു​ന്നു'. ജീ​ർ​ണാ​വ​സ്ഥ​യി​ലു​ള്ള ആ​ശു​പ​ത്രി കെ​ട്ടി​ട​ത്തി​ൽ അ​ത്യാ​വ​ശ്യ​ത്തി​നു​ള്ള സ്ഥ​ല സൗ​ക​ര്യ​ങ്ങ​ൾ പോ​ലു​മി​ല്ല.

ഗ്രാ​മീ​ണ മേ​ഖ​ല​യി​ൽ പ്രാ​ഥ​മി​കാ​രോ​ഗ്യ കേ​ന്ദ്ര​ങ്ങ​ൾ കാ​ല​ത്തി​നൊ​ത്ത് മാ​റു​മ്പോ​ൾ ചു​ഴ​ലി പി.​എ​ച്ച്.​സി മാ​ത്രം പ​ഴ​യ​പ​ടി തു​ട​രു​ക​യാ​ണ്. പേ​രി​ൽ പ്രാ​ഥ​മി​കാ​രോ​ഗ്യ കേ​ന്ദ്ര​മാ​ണെ​ങ്കി​ലും റൂ​റ​ൽ ഡി​സ്പ​ൻ​സ​റി​യു​ടെ സൗ​ക​ര്യ​ങ്ങ​ൾ പോ​ലും ഇ​വി​ടെ ല​ഭ്യ​മ​ല്ലെ​ന്ന് നാ​ട്ടു​കാ​ർ പ​റ​യു​ന്നു.

സ്റ്റാ​ഫ് ന​ഴ്സ് ത​സ്തി​ക​യും പ്യൂ​ൺ ത​സ്തി​ക​യും ഇ​വി​ടെ അ​നു​വ​ദി​ച്ചി​ട്ടി​ല്ല. പ്രാ​ഥ​മി​കാ​രോ​ഗ്യ കേ​ന്ദ്ര​ത്തി​ൽ അ​നു​വ​ദി​ക്കേ​ണ്ട സ്റ്റാ​ഫ് പാ​റ്റേ​ൺ പ്ര​കാ​രം ഡോ​ക്ട​ർ​മാ​രു​ടെ​യും മ​റ്റു പാ​രാ​മെ​ഡി​ക്ക​ൽ സ്റ്റാ​ഫി​ന്റെ​യും ത​സ്തി​ക​ക​ൾ പു​തു​താ​യി അ​നു​വ​ദി​ക്കേ​ണ്ട​തു​ണ്ട്. ഇ​തും ഇ​വി​ടെ അ​നു​വ​ദി​ച്ചി​ട്ടി​ല്ല.

ഒ​രു ഡോ​ക്ട​റു​ടെ സേ​വ​നം മാ​ത്രം ഉ​ള്ള​തി​നാ​ൽ ജ​ന​ങ്ങ​ൾ പ്ര​യാ​സ​പ്പെ​ടു​ക​യാ​ണ്. കു​ടും​ബാ​രോ​ഗ്യ​കേ​ന്ദ്ര​മാ​ക്കി പ​ദ​വി ഉ​യ​ർ​ത്തു​ന്ന ആ​ശു​പ​ത്രി​ക​ളു​ടെ പ​ട്ടി​ക​യി​ൽ ചു​ഴ​ലി പി.​എ​ച്ച്.​സി ഉ​ണ്ടെ​ങ്കി​ലും തു​ട​ർ ന​ട​പ​ടി​ക​ളൊ​ന്നും​ഉ​ണ്ടാ​യി​ല്ല. ചു​ഴ​ലി പി.എ​ച്ച്.​സി​യെ മ​ല​യോ​ര​മേ​ഖ​ല​യി​ലെ രോ​ഗി​ക​ൾ​ക്ക് പ്ര​യോ​ജ​ന​പ്പെ​ടു​ത്ത രീ​തി​യി​ൽ കു​ടും​ബാ​രോ​ഗ്യ​കേ​ന്ദ്ര​മാ​ക്കി ഉ​യ​ർ​ത്ത​ണ​മെ​ന്നും പു​തി​യ കെ​ട്ടി​ടം ഒ​രു​ക്ക​ണ​മെ​ന്നും ആ​വ​ശ്യ​പ്പെ​ട്ട് ചെ​ങ്ങ​ളാ​യി പ​ഞ്ചാ​യ​ത്തം​ഗം മു​സാ​ൻ കു​ട്ടി തേ​ർ​ലാ​യി മ​ന്ത്രി​ക്ക് നി​വേ​ദ​നം ന​ൽ​കി.