ശ്രീകണ്ഠപുരം: ഒത്തു കല്യാണത്തിന്റെ വിഡിയോ ചിത്രീകരണം പറമ്പില്‍ നടത്തിയത് ചോദ്യംചെയ്ത വിരോധത്തിന് അക്രമം. ചെമ്പന്തൊട്ടി ഞണ്ണമലയിലെ സോജി ജോണിന്റെ (40) പരാതിയില്‍ 14 പേര്‍ക്കെതിരെ ശ്രീകണ്ഠപുരം പൊലീസ് കേസെടുത്തു.
ഞണ്ണമല സ്വദേശികളായ തുണ്ടിയില്‍ സണ്ണി, തുണ്ടിയില്‍ സോന, ജോസ്‌കുട്ടി, ജോണ്‍സണ്‍, കണ്ടാലറിയാവുന്ന പത്തുപേര്‍ എന്നിവര്‍ക്കെതിരെയാണ് കേസ്. 29ന് രാത്രി 10ന് സോജി ജോണിന്റെ വീട്ടുമുറ്റത്ത് അതിക്രമിച്ചു കടന്ന് സഹോദരനെ തുണ്ടിയില്‍ സണ്ണി ചവിട്ടുകയും ജ്യേഷ്ഠ ഭാര്യയെ അസഭ്യം പറയുകയും ചെയ്തുവത്രെ.
തടയാന്‍ ചെന്ന സോജി ജോണിനെ കൊല്ലുമെന്ന് ഭീഷണിപ്പെടുത്തുകയും മരവടികൊണ്ട് അടിക്കുകയും ചെയ്തുവെന്നാണ് പരാതി. കേസിലെ മൂന്നാംപ്രതിയായ ജോസ്‌കുട്ടിയുടെ മകളുടെ ഒത്തുകല്യാണത്തിന്റെ വിഡിയോ സോജി ജോണിന്റെ പറമ്പില്‍ ചിത്രീകരിച്ചത് ചോദ്യംചെയ്ത വിരോധത്തിനാണത്രെ അക്രമം. പരിക്കേറ്റ സോജി ജോണ്‍ ആശുപത്രിയിൽ ചികിത്സ തേടിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.