വാഹനം നിർത്തിയാൽ പിഴ; ബോർഡ് കാണുന്നില്ലെന്ന് ഡ്രൈവർമാർ

ശ്രീ​ക​ണ്ഠ​പു​രം: ന​ഗ​ര​സ​ഭ ജ​നു​വ​രി 26 മു​ത​ൽ ശ്രീ​ക​ണ്ഠ​പു​ര​ത്ത് ന​ട​പ്പാ​ക്കു​മെ​ന്ന് പ്ര​ഖ്യാ​പി​ച്ച ഗ​താ​ഗ​ത പ​രി​ഷ്കാ​രം ന​ട​ന്നി​ല്ല. തു​ട​ക്ക​ത്തി​ൽ ത​ന്നെ പ​ല ന​ട​പ​ടി​ക​ളും വി​വാ​ദ​ത്തി​ലാ​വു​ക​യും ചെ​യ്തു. പു​തി​യ പ​രി​ഷ്കാ​ര​ങ്ങ​ൾ ന​ട​പ്പാ​ക്കു​ന്ന​തി​നെ​തി​രെ ഒ​ട്ടോ -ടാ​ക്സി യൂ​നി​യ​ൻ നേ​താ​ക്ക​ളും സി.​പി.​എ​മ്മും രം​ഗ​ത്തി​റ​ങ്ങി​യ​തി​നു​പി​ന്നാ​ലെ ഒ​രു​വി​ഭാ​ഗം ഡ്രൈ​വ​ർ​മാ​ർ ഹൈ​കോ​ട​തി​യെ​യും സ​മീ​പി​ച്ച​തോ​ടെ​യാ​ണ് പ​രി​ഷ്ക്കാ​രം താ​ളം തെ​റ്റി​യ​ത്.

ബ​സ് സ്റ്റാ​ൻ​ഡി​ന്‍റെ ഒ​രു​ഭാ​ഗ​ത്ത് ഓ​ട്ടോ​ക​ൾ നി​ർ​ത്തി​യി​ടാ​നും ഗു​ഡ്സ് ഓ​ട്ടോ​ക​ൾ മ​ഖാം പ​രി​സ​ര​ത്ത് നി​ർ​ത്തി​യി​ടാ​നും തീ​രു​മാ​നി​ച്ച​താ​ണ് ആ​ദ്യം പ്ര​തി​ഷേ​ധ​ത്തി​നി​ട​യാ​ക്കി​യ​ത്. ഈ ​തീ​രു​മാ​നം അം​ഗീ​ക​രി​ക്കാ​തെ ഓ​ട്ടോ​ക​ൾ പ​ഴ​യ​തു​പോ​ലെ ന​ഗ​ര​സ​ഭ ഓ​ഫി​സി​ന്‍റെ എ​തി​ർ​വ​ശ​ത്താ​ണ് നി​ർ​ത്തി​യി​ട്ട​ത്.ക​ഴി​ഞ്ഞ​യാ​ഴ്ച്ച ന​ഗ​ര​സ​ഭ ഓ​ഫി​സി​നു​മു​ന്നി​ൽ പാ​ർ​ക്കി​ങ് സൗ​ക​ര്യ​മൊ​രു​ക്കു​ന്ന​തി​ന് സം​സ്ഥാ​ന പാ​ത തു​ര​ക്കു​ന്ന​തും ഡ്രൈ​വ​ർ​മാ​ർ ത​ട​ഞ്ഞി​രു​ന്നു.

പാ​ർ​ക്കി​ങ്ങു​മാ​യി ബ​ന്ധ​പ്പെ​ട്ട വി​വാ​ദം തു​ട​രു​ന്ന​തി​നി​ട​യി​ലാ​ണ് ന​ഗ​ര​സ​ഭ​യു​ടെ വാ​ഹ​ന​ങ്ങ​ൾ മാ​ത്രം പാ​ർ​ക്ക് ചെ​യ്യാ​നാ​യി സൗ​ക​ര്യ​മൊ​രു​ക്കാ​നു​ള്ള ശ്ര​മം തു​ട​ങ്ങി​യ​ത്. ഇ​രു​മ്പു​തൂ​ണു​ക​ൾ സ്ഥാ​പി​ച്ച് ച​ങ്ങ​ല ഉ​പ​യോ​ഗി​ച്ച് കെ​ട്ടി​യി​ടാ​നാ​യി​രു​ന്നു ശ്ര​മം ന​ട​ത്തി​യ​ത്. ഇ​തി​നാ​യി കം​പ്ര​സ​ർ ഉ​പ​യോ​ഗി​ച്ച് റോ​ഡ് തു​ര​ക്കു​മ്പോ​ഴാ​ണ് ഡ്രൈ​വ​ർ​മാ​ർ ത​ട​ഞ്ഞ​ത്. പി.​ഡ​ബ്ല്യു.​ഡി​യു​ടെ അ​നു​മ​തി​യോ​ടെ​യാ​ണോ റോ​ഡി​ൽ ഇ​ത്ത​രം പ്ര​വൃ​ത്തി ന​ട​ത്തു​ന്ന​തെ​ന്നും സ​മ്മ​ത​പ​ത്രം എ​വി​ടെ​യെ​ന്ന ചോ​ദ്യ​വും ഉ​യ​ർ​ന്നു. വി​വാ​ദ​മാ​യ​തോ​ടെ നി​ർ​മാ​ണം നി​ർ​ത്തി റോ​ഡ് അ​ട​ച്ച് ക​രാ​റു​കാ​ര​ൻ പോ​വു​ക​യും ചെ​യ്തു.

ഇ​തി​നി​ടെ ന​ഗ​ര​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ സ്വ​കാ​ര്യ സ്ഥാ​പ​ന​ത്തി​ന്‍റെ പ​ര​സ്യ​മ​ട​ങ്ങി​യ നോ ​പാ​ർ​ക്കി​ങ്​ ബോ​ർ​ഡു​ക​ൾ അ​ശാ​സ്ത്രീ​യ​മാ​യി സ്ഥാ​പി​ച്ച​തും വി​വാ​ദ​മാ​യി. സാ​ധാ​ര​ണ വാ​ഹ​ന​ങ്ങ​ൾ ക​ട​ന്നു​പോ​കു​മ്പോ​ൾ ഇ​രു​വ​ശ​ങ്ങ​ളി​ൽ​നി​ന്ന് ഡ്രൈ​വ​ർ​മാ​ർ​ക്ക് കാ​ണാ​നാ​വും വി​ധ​ത്തി​ലാ​ണ് ഇ​ത്ത​രം ബോ​ർ​ഡു​ക​ൾ സ്ഥാ​പി​ക്കു​ന്ന​ത്. എ​ന്നാ​ൽ, ശ്രീ​ക​ണ്ഠ​പു​ര​ത്ത് എ​ല്ലാ നോ ​പാ​ർ​ക്കി​ങ്​ ബോ​ർ​ഡു​ക​ളും റോ​ഡി​ലേ​ക്ക് നേ​രെ​യാ​ക്കി​യാ​ണ് സ്ഥാ​പി​ച്ചി​ട്ടു​ള്ള​ത്.

ഇ​തു കാ​ര​ണം ഈ ​ബോ​ർ​ഡ് കാ​ണാ​ത്ത​തി​നാ​ൽ വാ​ഹ​ന​ങ്ങ​ൾ പ​ഴ​യ​പ​ടി ഇ​പ്പോ​ഴും നി​ർ​ത്തു​ക​യും പൊ​ലീ​സ് സ്റ്റി​ക്ക​ർ പ​തി​ച്ച് പി​ഴ ചു​മ​ത്തു​ക​യും ചെ​യ്യു​ക​യാ​ണ്. നോ ​പാ​ർ​ക്കി​ങ്​ ബോ​ർ​ഡ് ശാ​സ്ത്രീ​യ​മാ​യി സ്ഥാ​പി​ക്കാ​ത്ത​തി​നാ​ൽ പി​ഴ​യ​ട​ച്ച് മ​ടു​ത്തു​വെ​ന്നും ഇ​വ നി​യ​മ​പ്ര​കാ​രം മാ​റ്റി​സ്ഥാ​പി​ക്ക​ണ​മെ​ന്നും ആ​വ​ശ്യ​മു​യ​ർ​ന്നി​ട്ടു​ണ്ട്. കൃ​ത്യ​മാ​യി കൂ​ടി​യാ​ലോ​ച​ന ന​ട​ത്താ​തെ പ​രി​ഷ്ക്കാ​രം ന​ട​ത്താ​ൻ ശ്ര​മി​ച്ച​താ​ണ് എ​ല്ലാം താ​ള​പ്പി​ഴ​യാ​വാ​ൻ കാ​ര​ണ​മാ​യ​തെ​ന്നാ​ണ് ആ​ക്ഷേ​പം. ന​ഗ​ര​ത്തി​ൽ വി​വി​ധ ആ​വ​ശ്യ​ങ്ങ​ൾ​ക്കെ​ത്തു​ന്ന​വ​രെ​ല്ലാം വാ​ഹ​നം നി​ർ​ത്തി​യി​ട്ടാ​ൽ പി​ഴ​യ​ട​ക്കേ​ണ്ട ഗ​തി​കേ​ടി​ലാ​യ​ത് വ​ൻ പ്ര​തി​ഷേ​ധ​ത്തി​നി​ട​യാ​ക്കി​യി​ട്ടു​ണ്ട്.

അ​തേ​സ​മ​യം, രാ​ഷ്ട്രീ​യ വി​രോ​ധ​മാ​ണ് ഗ​താ​ഗ​ത പ​രി​ഷ്ക​ര​ണ​ത്തി​നെ​തി​യു​ള്ള അ​നാ​വ​ശ്യ പ്ര​തി​ഷേ​ധ​ങ്ങ​ൾ​ക്ക് പി​ന്നി​ലെ​ന്നാ​ണ് ന​ഗ​ര​സ​ഭാ​ധ്യ​ക്ഷ ഡോ. ​കെ.​വി. ഫി​ലോ​മി​ന പ​റ​യു​ന്ന​ത്. ആ​ർ.​ടി.​ഒ​യും പൊ​ലീ​സ് സ്റ്റേ​ഷ​ൻ ഹൗ​സ് ഓ​ഫി​സ​റും ഉ​ൾ​പ്പെ​ടു​ന്ന റെ​ഗു​ലേ​റ്റ​റി ക​മ്മി​റ്റി തീ​രു​മാ​ന​പ്ര​കാ​ര​മാ​ണ് പു​തി​യ പ​രി​ഷ്കാ​ര​ങ്ങ​ൾ ന​ട​പ്പാ​ക്കു​ന്ന​ത്.

ഇ​തി​നാ​യി യൂ​നി​യ​ൻ നേ​താ​ക്ക​ളു​മാ​യും രാ​ഷ്ട്രീ​യ പാ​ർ​ട്ടി പ്ര​തി​നി​ധി​ക​ളു​മാ​യും നാ​ലു​ത​വ​ണ യോ​ഗം ന​ട​ത്തി​യെ​ന്നും അ​ന്നൊ​ന്നും ഒ​രു എ​തി​ർ​പ്പും പ​റ​യാ​ത്ത സി.​പി.​എം രാ​ഷ്ട്രീ​യ മു​ത​ലെ​ടു​പ്പ് ന​ട​ത്തു​ക​യാ​ണെ​ന്നും അ​വ​ർ പ​റ​ഞ്ഞു.