നഗരത്തിലെ ഹോട്ടലുകളിൽ പഴകിയ ഭക്ഷണം പിടിച്ചു

ക​ണ്ണൂ​ർ: ന​ഗ​ര​ത്തി​ലെ ഹോ​ട്ട​ലു​ക​ളി​ൽ കോ​ർ​പ​റേ​ഷ​ൻ ആ​രോ​ഗ്യ വി​ഭാ​ഗം ന​ട​ത്തി​യ പ​രി​ശോ​ധ​ന​യി​ൽ പ​ഴ​കി​യ ഭ​ക്ഷ​ണം പി​ടി​കൂ​ടി. എ​സ്.​എ​ൻ പാ​ർ​ക്കി​ന​ടു​ത്തു​ള്ള ക​ഫേ മൈ​സൂ​ൺ, താ​ളി​ക്കാ​വി​ലെ ബി​നാ​ലെ ഇ​ന്റ​ർ​നാ​ഷ​നൽ, ത​ളാ​പ്പി​ലെ ഹോ​ട്ട് പോ​ട്ട്, താ​വ​ക്ക​ര റോ​ഡി​ലെ ഫു​ഡ്ബെ തു​ട​ങ്ങി​യ ഹോ​ട്ട​ലു​ക​ളി​ൽ നി​ന്നാ​ണ് വ​ൻ​തോ​തി​ൽ പ​ഴ​കി​യ ഭ​ക്ഷ​ണം പി​ടി​കൂ​ടി​യ​ത്.

ദു​ർ​ഗ​ന്ധം വ​മി​ക്കു​ന്ന ത​ര​ത്തി​ലു​ള്ള ത​ന്തൂ​രി ചി​ക്ക​നും ക​രി ഓ​യി​ലി​ന്റെ നി​റ​മു​ള്ള വെ​ളി​ച്ചെ​ണ്ണ​യു​മ​ട​ക്കം പി​ടി​ച്ചെ​ടു​ത്ത​വ​യി​ൽ ഉ​ൾ​പ്പെ​ടും. പ​ഴ​കി പൂ​പ്പ​ൽ പി​ടി​ച്ച ബീ​ഫ്, മ​ട്ട​ൻ, മ​ത്സ്യം തു​ട​ങ്ങി​യ​വ​യും ഉ​പ​യോ​ഗ​ശൂ​ന്യ​മാ​യ ഭ​ക്ഷ്യ എ​ണ്ണ​യും പി​ടി​ച്ചെ​ടു​ത്തു. വ്യാ​ഴാ​ഴ്ച താ​ണ​യി​ലെ ഹോ​ട്ട​ലി​ൽ ന​ട​ത്തി​യ പ​രി​ശോ​ധ​ന​യി​ലും പ​ഴ​കി​യ ഭ​ക്ഷ​ണ സാ​ധ​ന​ങ്ങ​ള്‍ പി​ടി​ച്ചെ​ടു​ത്തി​രു​ന്നു.

സ​മൂ​ഹമാ​ധ്യ​മ അ​ക്കൗ​ണ്ടു​ക​ളി​ലൂ​ടെ മി​ക​ച്ച​തെ​ന്ന് അ​വ​കാ​ശ​പ്പെ​ടു​ന്ന റ​സ്റ്റാറ​ന്റു​ക​ളി​ലാ​ണ് വെ​ള്ളി​യാ​ഴ്ച പ​രി​ശോ​ധ​ന ന​ട​ന്ന​ത്. ത​ലേ​ദി​വ​സം ബാ​ക്കി​യാ​വു​ന്ന ഭ​ക്ഷ​ണം ഫ്രി​ഡ്ജി​ൽ വെ​ച്ച് പി​റ്റേ ദി​വ​സം ചൂ​ടാ​ക്കി ന​ൽ​കു​ക​യാ​ണ് ചെ​യ്യു​ന്ന​തെ​ന്ന് ആ​രോ​ഗ്യ​വ​കു​പ്പ് ഉ​ദ്യോ​ഗ​സ്ഥ​ർ പ​റ​ഞ്ഞു. വ​രും​ദി​വ​സ​ങ്ങ​ളി​ലും പ​രി​ശോ​ധ​ന തു​ട​രു​മെ​ന്നും ആ​രോ​ഗ്യ വി​ഭാ​ഗം അ​റി​യി​ച്ചു.

ഓ​ണാ​ഘോ​ഷം പ്ര​മാ​ണി​ച്ച് ന​ഗ​ര​ത്തി​ൽ എ​ത്തു​ന്ന​വ​ർ​ക്ക് ഗു​ണ​നി​ല​വാ​ര​മു​ള്ള ഭ​ക്ഷ​ണം ല​ഭ്യ​മാ​ക്കു​ക​യെ​ന്ന ല​ക്ഷ്യ​ത്തോ​ടെ​യാ​ണ് പ​രി​ശോ​ധ​ന. കോ​ർ​പ​റേ​ഷ​ൻ ഹെ​ല്‍ത്ത് സൂ​പ്പ​ര്‍വൈ​സ​ര്‍ പി.​പി. ബൈ​ജു, എ​സ്.​എ​ച്ച്.​ഐ​മാ​രാ​യ സി. ​ഹം​സ, സ​ന്തോ​ഷ് കു​മാ​ര്‍ എ​ന്നി​വ​രു​ടെ നേ​തൃ​ത്വ​ത്തി​ലു​ള്ള സ്‌​പെ​ഷ​ല്‍ സ്‌​ക്വാ​ഡാ​ണ് പ​രി​ശോ​ധ​ന ന​ട​ത്തി​യ​ത്.

ര​ണ്ടാ​ഴ്ച മു​മ്പ് താ​വ​ക്ക​ര, ആ​യി​ക്ക​ര, പു​തി​യ ബ​സ് സ്റ്റാ​ൻ​ഡ് ഭാ​ഗ​ങ്ങ​ളി​ലെ ഹോ​ട്ട​ലു​ക​ളി​ൽ​നി​ന്നും പ​ഴ​കി​യ ഭ​ക്ഷ​ണം പി​ടി​കൂ​ടി​യി​രു​ന്നു. ചെ​റി​യ ശി​ക്ഷ​യും കു​റ​ഞ്ഞ പി​ഴ തു​ക​യു​മാ​യ​തി​നാ​ലാ​ണ് ഇ​ത്ത​രം സം​ഭ​വ​ങ്ങ​ൾ ആ​വ​ർ​ത്തി​ക്കു​ന്ന​തെ​ന്ന് ആ​രോ​ഗ്യ വി​ഭാ​ഗം ഉ​ദ്യോ​ഗസ്ഥ​ർ പ​റ​യു​ന്നു. പ​ര​മാ​വ​ധി 2000 രൂ​പ മാ​ത്ര​മേ ആ​ദ്യ ഘ​ട്ട​ത്തി​ൽ പി​ഴ ഈ​ടാ​ക്കാ​ൻ സാ​ധി​ക്കു​ക​യു​ള്ളൂ.