തളിപ്പറമ്പ്: ക്രിസ്മസ് - ന്യൂ ഇയർ സ്പെഷൽ ഡ്രൈവിനോടനുബന്ധിച്ച് തളിപ്പറമ്പ് എക്സൈസ് സർക്കിൾ സംഘം നടത്തിയ പരിശോധനയിൽ 32 കുപ്പി മാഹി മദ്യവുമായി യുവാവ് പിടിയിൽ. അസം സ്വദേശി ദുലപ് ഗൊഗോയ് ആണ് പിടിയിലായത്.
തളിപ്പറമ്പ് എക്സൈസ് സർക്കിൾ ഓഫിസിലെ പ്രിവന്റിവ് ഓഫിസർ എം.വി. അഷ്റഫും സംഘവും തളിപ്പറമ്പ് ഭാഗങ്ങളിൽ നടത്തിയ മിന്നൽ പട്രോളിങ്ങിലാണ് തളിപ്പറമ്പ് ഹൈവേയിൽ എം.എഫ്.സി ഫ്രൂട്ട് സെന്ററിന് സമീപം വിൽപനക്കായി കടത്തിയ മദ്യം പിടികൂടിയത്.
മദ്യം കടത്തിക്കൊണ്ട് വന്ന് കുറുമാത്തൂർ ഭാഗങ്ങളിൽ ഇരട്ടി വിലയ്ക്ക് വിൽപന നടത്തുകയായിരുന്നു ഇയാൾ. സിവിൽ എക്സൈസ് ഓഫിസർ ടി.വി. വിനേഷ്, പി.ആർ. വിനീത്, ഡ്രൈവർ പി.വി. അജിത്ത് എന്നിവരും പരിശോധനാ സംഘത്തിലുണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.