തളിപ്പറമ്പ്: തളിപ്പറമ്പ്-പയ്യന്നൂർ-കണ്ണൂർ റൂട്ടിൽ സർവിസ് നടത്തുന്ന ഭഗവതി ബസാണ് യുവതിയെ തട്ടിയിട്ടത്. ബസ് അശ്രദ്ധയോടെ പിറകോട്ടെടുത്തതാണ് അപകടത്തിലേക്ക് നയിച്ചത്.
പരിക്കേറ്റ യുവതിയെ തളിപ്പറമ്പ് ലൂർദ് ആശുപത്രിയിൽ പ്രവേശിപ്പിച്ചു. കോരൻപീടിക പൊയിലിലെ എം. അൻസിക്കാണ് (26) പരിക്കേറ്റത്. ഭർത്താവിന്റെ സഹോദരിക്കും മകൾക്കുമൊപ്പം തളിപ്പറമ്പിലെത്തിയ അൻസി ബസ് സ്റ്റാൻഡിൽ പയ്യന്നൂർ ബസ് നിർത്തുന്ന ഭാഗത്തുനിൽക്കുമ്പോഴാണ് ബസ് തട്ടിയിട്ടത്. ബസ് തട്ടി അൻസി പിറകോട്ടുവീഴുകയായിരുന്നു. കൂടെയുണ്ടായിരുന്നവർ ഓടിമാറിയതിനാൽ പരിക്കേൽക്കാതെ രക്ഷപ്പെട്ടു.
കഴിഞ്ഞദിവസവും ഇതേ സ്ഥലത്തുവെച്ച് സമാനമായ സംഭവം ഉണ്ടായിരുന്നു. ഒരുമാസം മുമ്പ് മറ്റൊരു യുവതിയുടെ ശരീരത്തിൽ ബസ് കയറി ഗുരുതരമായി പരിക്കേറ്റിരുന്നു. അമിത വേഗത്തിലാണ് തളിപ്പറമ്പ് സ്റ്റാൻഡിലേക്ക് ബസുകൾ കയറുന്നതും പിന്നോട്ടെടുത്ത് ട്രാക്കിൽ നിർത്തുന്നതെന്നും നാട്ടുകാർ പറയുന്നു. പൊലീസുകാർ സ്റ്റാൻഡിൽ ഡ്യൂട്ടിയിൽ ഉണ്ടെങ്കിലും ഇക്കാര്യം ശ്രദ്ധിക്കാറില്ലെന്നും ആക്ഷേപമുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.