ടിപ്പർ ലോറി കെ.എസ്.ആർ.ടി.സി ബസിലിടിച്ചുണ്ടായ അപകടം
തളിപ്പറമ്പ്: ബാവുപ്പറമ്പ് പൂവത്തും കുന്നിൽ നിയന്ത്രണം വിട്ട ടിപ്പർ ലോറി കെ.എസ്.ആർ.ടി.സി ബസിലിടിച്ച് ബസ് യാത്രികരായ അഞ്ചുപേർക്ക് പരുക്കേറ്റു.
ബാവുപ്പറമ്പ് കോൾമൊട്ട റോഡിൽ പൂവ്വത്തും കുന്ന് കള്ളുഷാപ്പിന് സമീപത്തെ ഇറക്കത്തിലെ വളവിലാണ് ബുധനാഴ്ച രാവിലെ അപകടം. ടിപ്പർലോറി പെട്ടെന്ന് ബ്രേക്ക് ചെയ്തപ്പോൾ റോഡിൽ നിന്നും തെന്നി പിൻവശം ബസിന്റെ മുൻവശത്ത് ഇടിക്കുകയായിരുന്നു. അപകടത്തിൽ ബസിന്റെ മുൻവശത്തെ ഗ്ലാസ് ഉൾപ്പെടെ ഭാഗികമായി തകർന്നു. പരുക്കേറ്റവരിൽ മൂന്നു പേർക്ക് തളിപ്പറമ്പിലെ ആശുപത്രിയിലും രണ്ടു പേർക്ക് പരിയാരം ഗവ. മെഡിക്കൽ കോളജ് ആശുപത്രിയിലും ചികിത്സ നൽകി. അപകടത്തിനിടയാക്കിയ ടിപ്പർ ലോറി പൊലീസെത്തി വെള്ളാരംപാറ ഡംപിങ് യാർഡിലേക്ക് മാറ്റി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.