കാ​റ്റും മ​ഴ​യും: പ​ര​ക്കെ നാ​ശം

ത​ല​ശ്ശേ​രി: ശ​ക്ത​മാ​യ കാ​റ്റി​ലും മ​ഴ​യി​ലും കെ​ടു​തി​ക​ളേ​റെ. കോ​ടി​യേ​രി​യി​ൽ കൂ​റ്റ​ൻ മ​ര​ക്കൊ​മ്പ്‌ പൊ​ട്ടി​വീ​ണ്‌ വീ​ടി​ന്‌ നാ​ശ​മു​ണ്ടാ​യി. കോ​ടി​യേ​രി തൃ​ക്കൈ​ക്ക​ൽ ശി​വ​ക്ഷേ​ത്ര​ത്തി​ന്‌ സ​മീ​പം അ​ന​ഘ നി​വാ​സി​ൽ എ​സ്‌. ലേ​ഖ​യു​ടെ വീ​ടി​ന്‌ മു​ക​ളി​ലാ​ണ്‌ ഞാ​യ​റാ​ഴ്‌​ച രാ​ത്രി ഏ​ഴോ​ടെ കൂ​റ്റ​ൻ മ​ര​ത്തി​ന്റെ ശി​ഖ​രം വീ​ണ​ത്.

വീ​ടി​ന്റെ കോ​ൺ​ക്രീ​റ്റി​ന്‌ കേ​ടു​പാ​ട് സം​ഭ​വി​ച്ചു. ത​ല​ശ്ശേ​രി ന​ഗ​ര​സ​ഭ ദു​ര​ന്ത​നി​വാ​ര​ണ സേ​ന​യു​ടെ​യും വാ​ർ​ഡ്‌ കൗ​ൺ​സി​ല​റു​ടെ​യും നേ​തൃ​ത്വ​ത്തി​ൽ മ​രം മു​റി​ച്ചു​നീ​ക്കി. ഗോ​പാ​ല​പ്പേ​ട്ട​യി​ൽ കു​ടും​ബം വെ​ള്ള​ക്കെ​ട്ട് ഭീ​ഷ​ണി​യി​ലാ​യി. എ​ക്ക​ണ്ടി​വ​ള​പ്പി​ൽ കു​ഞ്ഞി​പു​ര​യി​ൽ ജി​ജേ​ഷി​ന്റെ വീ​ടാ​ണ് ക​ന​ത്ത മ​ഴ​യി​ൽ വെ​ള്ള​ക്കെ​ട്ട് ഭീ​ഷ​ണി നേ​രി​ടു​ന്ന​ത്.

സ​മീ​പ​ത്തു​കൂ​ടെ തോ​ട് ക​ട​ന്നു പോ​കു​ന്ന​തി​നാ​ൽ വീ​ട് നി​ൽ​ക്കു​ന്ന താ​ഴ്ന്ന ഭാ​ഗ​ത്ത്‌ മു​റ്റം വെ​ള്ളം ക​യ​റി​യ നി​ല​യി​ലാ​ണ്. ക​ഴി​ഞ്ഞ ത​വ​ണ ഇ​വി​ടെ മ​ണ്ണി​ട്ട് ഉ​യ​ർ​ത്തി​യി​രു​ന്നു. ന​ഗ​ര​സ​ഭാ​ധി​കൃ​ത​ർ എ​ത്തി ഇ​വ​രെ മാ​റ്റി താ​മ​സി​പ്പി​ക്കാ​ൻ ശ്ര​മി​ച്ചെ​ങ്കി​ലും വീ​ട്ടു​കാ​ർ മാ​റാ​ൻ ത​യാ​റാ​യി​ല്ലെ​ന്ന്‌ വാ​ർ​ഡ്‌ കൗ​ൺ​സി​ല​ർ ഐ​റി​ൻ സ്റ്റീ​ഫ​ൻ പ​റ​ഞ്ഞു.

അ​പ​ക​ട​സാ​ധ്യ​ത ഒ​ഴി​വാ​ക്കാ​ൻ ന​ഗ​ര​സ​ഭ​യു​ടെ നേ​തൃ​ത്വ​ത്തി​ൽ വീ​ടി​ന്‌ ചു​റ്റും ക​ല്ലു​ക​ൾ പാ​കി. ഇ​തി​ൽ മ​ണ്ണ് നി​റ​ച്ച് സം​ര​ക്ഷ​ണ​മൊ​രു​ക്കി​യി​ട്ടു​ണ്ട്. നാ​ര​ങ്ങാ​പ്പു​റം തൃ​ക്കൈ ശി​വ​ക്ഷേ​ത്ര​ത്തി​ന്‌ സ​മീ​പ​മു​ള്ള ക​മ​ല നി​വാ​സി​ൽ വി​ജ​യ​ന്റെ വീ​ടി​ന്റെ മ​തി​ൽ ത​ക​ർ​ന്നു. ക​തി​രൂ​ർ: ചോ​യ്യാ​ട​ത്ത്‌ വീ​ടി​നോ​ട്‌ ചേ​ർ​ന്നു​ള്ള കി​ണ​ർ ഇ​ടി​ഞ്ഞു​താ​ഴ്‌​ന്നു.

ക​ഴി​ഞ്ഞ ദി​വ​സ​മാ​ണ്‌ ക​തി​രൂ​ർ കെ.​എ​സ്‌.​ഇ.​ബി ഓ​ഫി​സി​ന്‌ സ​മീ​പ​മു​ള്ള മ​ട​പ്പ​ള്ളി വി​നോ​ദി​ന്റെ 28 കോ​ൽ ആ​ഴ​മു​ള്ള വീ​ട്ടു​കി​ണ​ർ ഇ​ടി​ഞ്ഞ​ത്‌. മോ​ട്ടോ​ർ ഉ​ൾ​പ്പെ​ടെ കി​ണ​റി​ലേ​ക്ക്‌ പ​തി​ച്ച നി​ല​യി​ലാ​ണ്‌. ആ​ൾ​മ​റ​ക്ക്‌ കേ​ടു​പാ​ടു​ക​ൾ സം​ഭ​വി​ച്ചി​ട്ടി​ല്ലെ​ങ്കി​ലും കി​ണ​ർ വീ​ടി​നോ​ട്‌ ചേ​ർ​ന്ന​തി​നാ​ൽ അ​പ​ക​ട ഭീ​ഷ​ണി​യു​യ​ർ​ത്തു​ന്നു​ണ്ട്‌.