തലശ്ശേരിയിൽ മോഷണം തുടർക്കഥ; പൊലീസ് നിഷ്ക്രിയം

ത​ല​ശ്ശേ​രി: ന​ഗ​രം മോ​ഷ്ടാ​ക്കാ​ൾ അ​ട​ക്കി​വാ​ഴു​മ്പോ​ഴും പൊ​ലീ​സ് നി​ഷ്ക്രി​യ​മെ​ന്ന് ആ​ക്ഷേ​പം. ചി​റ​ക്ക​ര പ്ര​ദേ​ശ​ത്താ​ണ് അ​ടു​ത്ത കാ​ല​ത്താ​യി മോ​ഷ​ണം വ്യാ​പ​ക​മാ​യി​ട്ടു​ള്ള​ത്. ചി​റ​ക്ക​ര എ​സ്.​എ​സ് റോ​ഡി​ലെ​യും ടൗ​ൺ ഹാ​ൾ പ​രി​സ​ര​ത്തെ​യും ര​ണ്ട് വീ​ടു​ക​ളി​ലാ​ണ് ഒ​ടു​വി​ലാ​യി മോ​ഷ​ണ​ശ്ര​മം അ​ര​ങ്ങേ​റി​യ​ത്. അ​ടു​ത്ത​കാ​ല​ത്താ​യി ചി​റ​ക്ക​ര പ്ര​ദേ​ശ​ത്തെ നി​ര​വ​ധി വീ​ടു​ക​ളി​ൽ മോ​ഷ്ടാ​ക്ക​ൾ ക​യ​റി​യി​റ​ങ്ങി​യെ​ങ്കി​ലും ഒ​ന്നി​നും തു​മ്പു​ണ്ടാ​ക്കാ​ൻ ത​ല​ശ്ശേ​രി പൊ​ലീ​സി​ന് സാ​ധി​ച്ചി​ട്ടി​ല്ല.

മോ​ഷ്ടാ​ക്ക​ളു​ടെ സി.​സി.​ടി.​വി ദൃ​ശ്യം പൊ​ലീ​സ് ശേ​ഖ​രി​ക്കു​ന്നു​ണ്ടെ​ങ്കി​ലും അ​ന്വേ​ഷ​ണം വ​ഴി​മു​ട്ടു​ക​യാ​ണ്. പ്ര​വാ​സ​ജീ​വി​തം ന​യി​ക്കു​ന്ന പ​ല കു​ടും​ബ​ങ്ങ​ളും മോ​ഷ്ടാ​ക്ക​ളു​ടെ സ്വൈ​ര​വി​ഹാ​രം കാ​ര​ണം ആ​കു​ല​ത​യി​ലാ​ണ്. ക​ഴി​ഞ്ഞ ഏ​താ​നും ദി​വ​സ​ങ്ങ​ളി​ൽ അ​ടി​ക്ക​ടി​യാ​യി ചി​റ​ക്ക​ര മേ​ഖ​ല​യി​ൽ മോ​ഷ​ണം അ​ര​ങ്ങു​ത​ക​ർ​ക്കു​ക​യാ​ണ്. പൊ​ലീ​സ് നാ​യ​യും വി​ര​ല​ട​യാ​ള വി​ദ​ഗ്ധ​രു​മെ​ല്ലാം അ​ന്വേ​ഷ​ണ​ത്തി​ന് എ​ത്തു​ന്നു​ണ്ടെ​ങ്കി​ലും കേ​സു​ക​ളൊ​ന്നും തെ​ളി​യി​ക്ക​പ്പെ​ടു​ന്നി​ല്ലെ​ന്ന​താ​ണ്​ വാ​സ്ത​വം. പ​ള്ളി​ത്താ​ഴ​യി​ലെ​യും സീ​തി​സാ​ഹി​ബ് റോ​ഡി​ലെ​യും ര​ണ്ട് വീ​ടു​ക​ളി​ൽ മോ​ഷ​ണ ശ്ര​മ​മു​ണ്ടാ​യ​തി​ന് പി​ന്നാ​ലെ ചി​റ​ക്ക​ര ക​ണ്ണോ​ത്ത് പ​ള്ളി പ​രി​സ​ര​ത്തെ സാ​മി​യ വീ​ട്ടി​ലും ദി​വ​സ​ങ്ങ​ൾ​ക്ക് മു​മ്പ് മോ​ഷ​ണ​ശ്ര​മ​മു​ണ്ടാ​യി.

വീ​ട് കു​ത്തി​ത്തു​റ​ക്കാ​നു​ള്ള ക​മ്പി​പ്പാ​ര​യു​മാ​യാ​ണ് മോ​ഷ്ടാ​ക്ക​ൾ മു​ഖം മ​റ​ച്ച് ക​വ​ർ​ച്ച​ക്കെ​ത്തു​ന്ന​ത്. സി.​സി.​ടി.​വി ദൃ​ശ്യ​ങ്ങ​ളി​ൽ ഇ​ത് വ്യ​ക്ത​മാ​ണ്. ആ​ൾ​ത്താ​മ​സ​മി​ല്ലാ​ത്ത അ​ട​ച്ചി​ട്ട വീ​ടു​ക​ളാ​ണ് ക​വ​ർ​ച്ച​ക്ക് അ​ധി​ക​വും തി​ര​ഞ്ഞെ​ടു​ക്കു​ന്ന​ത്. മു​ൻ​കൂ​ട്ടി വീ​ടും പ​രി​സ​ര​വും നി​രീ​ക്ഷി​ച്ച ശേ​ഷ​മാ​ണ് അ​ർ​ധ​രാ​ത്രി ക​വ​ർ​ച്ച​ക്കി​റ​ങ്ങു​ന്ന​ത്. അ​ടി​ക്ക​ടി​യു​ള​ള മോ​ഷ​ണം ത​ല​ശ്ശേ​രി​യി​ലും പ​രി​സ​ര​പ്ര​ദേ​ശ​ങ്ങ​ളി​ലു​മു​ള്ള ജ​ന​ങ്ങ​ളി​ൽ ഭീ​തി​യു​ണ​ർ​ത്തു​ക​യാ​ണ്. ഗൃ​ഹ​നാ​ഥ​യെ വീ​ട്ടി​ന​ക​ത്ത് ബ​ന്ദി​യാ​ക്കി ക​ഴു​ത്തി​ന് നേ​രെ ക​ത്തി​കാ​ട്ടി ഭീ​ഷ​ണി​പ്പെ​ടു​ത്തി സ്വ​ർ​ണാ​ഭ​ര​ണ​വും പ​ണ​വും കൊ​ള്ള​യ​ടി​ച്ച സം​ഭ​വ​ത്തി​ന്റെ ന​ടു​ക്കം ഇ​നി​യും മാ​റി​യി​ട്ടി​ല്ല.

ചി​റ​ക്ക​ര കെ.​ടി.​പി മു​ക്കി​ലെ വീ​ട്ടി​ൽ ന​ട​ന്ന സം​ഭ​വ​ത്തി​ൽ പൊ​ലീ​സ് അ​ന്വേ​ഷ​ണം എ​ങ്ങു​മെ​ത്തി​യി​ല്ല. ആ​ൾ പെ​രു​മാ​റ്റ​മു​ള്ള സ്ഥ​ല​ത്ത് പു​ല​ർ​ച്ചെ മൂ​ന്നി​ന് ന​ട​ന്ന ക​വ​ർ​ച്ച ഏ​റെ ആ​സൂ​ത്രി​ത​മാ​യി​രു​ന്നു. വീ​ട്ടി​ന​ക​ത്ത് സ്ത്രീ​ക​ൾ മാ​ത്ര​മാ​ണ് സം​ഭ​വ​സ​മ​യ​ത്ത് ഉ​ണ്ടാ​യി​രു​ന്ന​ത്.

വീ​ട്ടു​കാ​ർ ബ​ഹ​ളം വെ​ക്കു​മ്പോ​ഴേ​ക്കും സ്വ​ർ​ണ​വും പ​ണ​വും കൈ​ക്ക​ലാ​ക്കി മോ​ഷ്ടാ​ക്ക​ൾ ര​ക്ഷ​പ്പെ​ട്ടു. ന​ഗ​ര​ത്തി​ൽ അ​ടു​ത്ത കാ​ല​ത്താ​യി മോ​ഷ​ണം വ്യാ​പ​ക​മാ​യി​ട്ടും പൊ​ലീ​സ് നൈ​റ്റ് പ​ട്രോ​ളി​ങ് കാ​ര്യ​ക്ഷ​മ​മ​ല്ലെ​ന്ന ആ​ക്ഷേ​പം ശ​ക്ത​മാ​ണ്.