തലശ്ശേരി: റെയിൽവേ സ്റ്റേഷൻ പരിസരത്തെ ലോട്ടസ് റോഡ് ജങ്ഷനിൽ ബ്രൗൺ ഷുഗറുമായി യുവാവിനെ എക്സൈസ് സ്പെഷൽ സ്ക്വാഡ് പിടികൂടി. പുന്നോൽ പെട്ടിപ്പാലം കോളനിയിലെ പി.വി. റജാസാണ് പിടിയിലായത്. ഇയാളിൽനിന്നു 160 മില്ലിഗ്രാം ബ്രൗൺഷുഗറും 83,300 രൂപയും കണ്ടെടുത്തു.
എക്സൈസ് ഇൻസ്പെക്ടർ എം. ജിജിൽ കുമാറിന്റെ നേതൃത്വത്തിലാണ് പ്രതിയെ അറസ്റ്റ് ചെയ്തത്. റജാസിനെതിരെ എൻ.ഡി.പി.എസ് വകുപ്പ് ചുമത്തി കേസെടുത്തു. പ്രതിയെ പിടികൂടിയ സംഘത്തിൽ പ്രിവന്റിവ് ഓഫിസർമാരായ കെ.പി. വിജയൻ, കെ.സി. ഷിബു, സി.ഇ.ഒ.മാരായ സി. പങ്കജാക്ഷൻ, ഇ. സുജിത്ത്, പി.ടി. ശരത്, സി.വി. റിജുൻ, ടി.കെ. ഷാൻ, കെ. സരിൻ രാജ്, വനിത സി.ഇ.ഒ ടി.വി. അനശ്വര, എക്സൈസ് ഡ്രൈവർ സോൾദേവ്‌, സജീഷ് എന്നിവരുമുണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.