തളിപ്പറമ്പ്: തൃച്ചംബരത്തെ സ്കൂൾ ബസി‍െൻറ ബാറ്ററി മോഷ്ടിച്ച കേസിൽ യുവാവിനെ തളിപ്പറമ്പ് പൊലീസ് അറസ്റ്റ് ചെയ്തു. മാങ്ങാട് കൂളിക്കുന്നിലെ അട്ടയത്ത് റംസാനെയാണ് പിടികൂടിയത്.
2020 മാർച്ച് 15നാണ് തൃച്ചംബരം യു.പി സ്കൂളിലെ ബസി‍െൻറ ബാറ്ററി മോഷ്ടിച്ച് റംസാൻ മുങ്ങിയത്. സ്കൂളി‍െൻറ ഓഫിസ് റൂം തകർക്കാൻ ശ്രമിക്കുകയും ചെയ്തിരുന്നു. സംഭവത്തിൽ തളിപ്പറമ്പ് പൊലീസ് കേസെടുത്ത് അന്വേഷണം നടത്തിവരുന്നതിനിടയിലാണ് ബേക്കൽ പൊലീസ് വാഹന മോഷണക്കേസിൽ റംസാനെ അറസ്റ്റ് ചെയ്തത്. മോഷ്ടിച്ച വാഹനത്തിൽ സഞ്ചരിക്കുന്നതിനിടയിലാണ് പിടിയിലായത്. തുടർന്ന് ബേക്കൽ പൊലീസ് അറസ്റ്റ് ചെയ്ത് ചോദ്യം ചെയ്തപ്പോഴാണ് തൃച്ചംബരത്തെ മോഷണക്കേസിൽ പ്രതിയാണ് റംസാണെന്ന് തെളിഞ്ഞത്.
തളിപ്പറമ്പ് പൊലീസ് കസ്റ്റഡിയിൽ വാങ്ങി അറസ്റ്റ് രേഖപ്പെടുത്തുകയായിരുന്നു. മാസങ്ങൾക്കു മുമ്പ് ലോറി മോഷണക്കേസിൽ വളപട്ടണം പൊലീസും റംസാനെ അറസ്റ്റ് ചെയ്തിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.