പെ​രി​യ കോ​ൺ​ഗ്ര​സ്​; പു​റ​ത്താ​ക്കി​യ​വ​രു​ടെ നീ​ക്കം ക​രു​ത​ലോ​ടെ

കാ​ഞ്ഞ​ങ്ങാ​ട്: കൊ​ല​ക്കേ​സ്​ പ്ര​തി​യു​ടെ കു​ടും​ബ​ത്തി​ലെ വി​വാ​ഹ​സ​ൽ​ക്കാ​ര​ത്തി​ൽ പ​ങ്കെ​ടു​ത്ത​തി​ന് പാ​ർ​ട്ടി​യി​ൽ​നി​ന്ന്​ പു​റ​ത്താ​ക്ക​പ്പെ​ട്ട നേ​താ​ക്ക​ളു​ടെ നീ​ക്കം ക​രു​ത​ലോ​ടെ. പാ​ർ​ട്ടി​യി​ൽ​ത​ന്നെ തു​ട​രു​ക​യൊണെന്ന്​ പ്ര​സ്താ​വി​ച്ച​തി​നാ​ൽ തു​ട​ർ​നീ​ക്ക​ങ്ങ​ളി​ൽ പാ​ർ​ട്ടി​യെ വെ​ല്ലു​വി​ളി​ക്കു​ന്ന​ നീക്കങ്ങൾ ഒഴിവാക്കാനാണ് ശ്രമം.

ഇ​തി​ന്റെ​ ഭാ​ഗ​മാ​യി പെ​രി​യ​യി​ൽ തി​ങ്ക​ളാ​ഴ്ച വി​ളി​ച്ചു​ചേ​ർ​ത്ത വി​മ​ത​യോ​ഗം മാ​റ്റി​വെ​ച്ചു. പെ​രി​യ​യി​ൽ ന​ട​ന്ന പ്ര​തി​ഷേ​ധ​യോ​ഗ​ത്തി​ൽ പു​റ​ത്താ​ക്ക​പ്പെ​ട്ട​വ​രും ഭാ​ര​വാ​ഹി​ക​ളും പ​ങ്കെ​ടു​ത്തി​ല്ല.

കോ​ൺ​ഗ്ര​സ് ത​ട്ട​ക​മാ​യ പെ​രി​യ​യി​ൽ പാ​ർ​ട്ടി​പ്ര​വ​ർ​ത്ത​ക​ർ​ക്കി​ട​യി​ൽ ത​ങ്ങ​ളു​ടെ സ്വാ​ധീ​നം വെ​ളി​വാ​ക്കു​ക​യെ​ന്ന ല​ക്ഷ്യ​ത്തോ​ടെ​യാ​യി​രു​ന്നു യോ​ഗം ന​ട​ത്താ​ൻ തീ​രു​മാ​നി​ച്ച​ത്. പാ​ർ​ട്ടി പു​റ​ത്താ​ക്കി​യ​വ​രി​ൽ കോ​ൺ​ഗ്ര​സ് നി​യ​ന്ത്ര​ണ​ത്തി​ലു​ള്ള പെ​രി​യ സ​ർ​വി​സ് സ​ഹ​ക​ര​ണ ബാ​ങ്ക് പ്ര​സി​ഡ​ന്റ്​ രാ​മ​കൃ​ഷ്ണ​ൻ പെ​രി​യ​യും ഉ​ൾ​പ്പെ​ട്ട​തു​കൊ​ണ്ട് ബാ​ങ്ക് ജീ​വ​ന​ക്കാ​രും ബാ​ങ്കു​മാ​യി ബ​ന്ധ​പ്പെ​ട്ട​വ​രും പ​ങ്കെ​ടു​ക്കു​മെ​ന്നാ​യി​രു​ന്നു പ്ര​തീ​ക്ഷ. എ​ന്നാ​ൽ പ​ര​സ്യ പ്ര​തി​ഷേ​ധ​ത്തി​ന് ബാ​ങ്ക് ജീ​വ​ന​ക്കാ​രും എ​തി​രാ​യി​രു​ന്നു.

രാ​ജ്മോ​ഹ​ൻ ഉ​ണ്ണി​ത്താ​ൻ എം.​പി​ക്കും ഡി.​സി.​സി പ്ര​സി​ഡ​ന്റ് പി.​കെ. ഫൈ​സ​ലി​നു​മെ​തി​രെ പെ​രി​യ​യി​ൽ ക​ഴി​ഞ്ഞ ദി​വ​സം പോ​സ്റ്റ​റു​ക​ൾ പ്ര​ത്യ​ക്ഷ​പ്പെ​ട്ടി​രു​ന്നു. നി​ർ​മാ​ണം പൂ​ർ​ത്തി​യാ​യ പെ​രി​യ മ​ണ്ഡ​ലം കോ​ൺ​ഗ്ര​സ് ഓ​ഫി​സ് ചു​മ​രു​ക​ളി​ലാ​ണ് 13 പോ​സ്റ്റ​റു​ക​ൾ പ​തി​ച്ച​താ​യി ക​ണ്ട​ത്.

ഇ​രു​വ​രെ​യും വ്യ​ക്തി​പ​ര​മാ​യി അ​ധി​ക്ഷേ​പി​ച്ചാ​യി​രു​ന്നു പോ​സ്റ്റ​റു​ക​ൾ പ്ര​ത്യ​ക്ഷ​പ്പെ​ട്ട​ത്. അ​ച്ച​ട​ക്ക​ന​ട​പ​ടി​ക്ക് വി​ധേ​യ​മാ​യ​വ​രെ അ​നു​കൂ​ലി​ക്കു​ന്ന​വ​രാ​ണ് ഇ​തി​നു​ പി​ന്നി​ലെ​ന്നാ​ണ് സം​ശ​യം.

പെ​രി​യ​യി​ലെ കോ​ൺ​ഗ്ര​സി​നെ ര​ക്ഷി​ക്കാ​ൻ കെ.​പി.​സി.​സി പ്ര​സി​ഡ​ന്റ് ഇ​ട​പെ​ട​ണ​മെ​ന്നും പെ​രി​യ​യി​ൽ യൂ​ത്ത് കോ​ൺ​ഗ്ര​സി​ന്റെ പേ​രി​ൽ പ്ര​ക​ട​നം ന​ട​ത്തി​യ​വ​ർ​ക്കെ​തി​രെ ന​ട​പ​ടി​യെ​ടു​ക്ക​ണ​മെ​ന്നും ഡി.​സി.​സി​യോ​ട് ആ​വ​ശ്യ​പ്പെ​ട്ടി​ട്ടു​ണ്ട്. പെ​രി​യ​യി​ലെ സ​ജീ​വ കോ​ൺ​ഗ്ര​സ് - യൂ​ത്ത് കോ​ൺ​ഗ്ര​സ് പ്ര​വ​ർ​ത്ത​ക​ർ പ്ര​തി​ഷേ​ധ​ത്തിൽ പങ്കെടുത്തില്ലെ​ന്ന് നേ​താ​ക്ക​ൾ പ​റ​ഞ്ഞു.

ഇ​ന്ന​ലെ മുടങ്ങിയ യോ​ഗം മ​റ്റൊ​രു ദി​വ​സം ഉ​ണ്ടാ​കു​മോ എ​ന്ന് വ്യ​ക്ത​മ​ല്ല. കോ​ൺ​ഗ്ര​സു​കാ​ര​നെ​ന്ന് അ​ണി​ക​ളെ ബോ​ധ്യ​പ്പെ​ടു​ത്താ​നും ഒ​പ്പം രാ​ജ് മോ​ഹ​ൻ ഉ​ണ്ണി​ത്താ​നും ഡി.​സി.​സി നേ​തൃ​ത്വ​ത്തി​നു​മെ​തി​രെ യു​ദ്ധം തു​ട​രാ​നു​മാ​ണ് പു​റ​ത്താ​ക്കി​യ​വ​ർ ല​ക്ഷ്യം വെ​ക്കു​ന്ന​തെ​ന്നാ​ണ് സൂചന.