നീലേശ്വരം ബസ് സ്റ്റാൻഡിലെ തെരുവുനായ്ക്കൾ
നീലേശ്വരം: ബസ് കാത്തുനിൽക്കുന്ന യാത്രക്കാർക്ക് ഭീഷണിയായി നീലേശ്വരം ബസ് സ്റ്റാൻഡിൽ തെരുവുനായ്ക്കളുടെ വിളയാട്ടം. ഇരുപത്തിനാല് മണിക്കൂറും തമ്പടിക്കുന്ന നായ്ക്കൾ കൂട്ടത്തോടെ കടിപിടി കൂടുന്നതിനിടയിൽ ഭീതിയോടെയാണ് ആളുകളിവിടെ നിൽക്കുന്നത്. നായ്ക്കളുടെ ഇടയിലേക്കാണ് വിദ്യാർഥികൾ രാവിലെ ബസ് ഇറങ്ങുന്നത്. ഭയപ്പാടോടെയാണ് വൈകീട്ട് ബസ് കയറാൻ എത്തുന്നതും.
ചെറിയ കുട്ടികൾക്കുനേരെപോലും കുരച്ചു ചാടൽ പതിവാണ്. ബസുകൾ അകത്തേക്ക് പ്രവേശിക്കുമ്പോൾ ബസിനുനേരെ വന്ന് ഇടിച്ചശേഷം യാത്രക്കാരുടെ ഇടയിലേക്കാണ് നായ്ക്കൾ പരാക്രമത്തോടെ ഓടുന്നത്. നായ്ക്കളുടെ ആക്രമണത്തിൽനിന്നും തങ്ങളുടെ ജീവൻ രക്ഷിക്കാനുള്ള നടപടി നഗരസഭ അധികൃതർ എത്രയും വേഗം കൈക്കൊള്ളണമെന്നാണ് യാത്രക്കാരുടെ ആവശ്യം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.