വൈദ്യുതി പോസ്റ്റുകൾക്ക്​ പകരം തെങ്ങ്​

എ​ട​വ​ന​ക്കാ​ട്: വൈ​ദ്യു​തി പോ​സ്റ്റു​ക​ളി​ല്ലാ​തെ ക​ട​ന്നു​പോ​കു​ന്ന വൈ​ദ്യു​തി കേ​ബി​ൾ അ​പ​ക​ട ഭീ​ഷ​ണി ഉ​യ​ർ​ത്തു​ന്നു. എ​ട​വ​ന​ക്കാ​ട് പ​ഞ്ചാ​യ​ത്തി​ലെ വാ​ർ​ഡ് 13ലെ ​എ​ട്ടു കു​ടും​ബ​ങ്ങ​ളാ​ണ് അ​പ​ക​ട ഭീ​ഷ​ണി നേ​രി​ടു​ന്ന​ത്. ടൗ​ട്ടെ ചു​ഴ​ലി​ക്കാ​റ്റി​ൽ പ്ര​ദേ​ശ​ത്തെ വൈ​ദ്യു​തി പോ​സ്റ്റു​ക​ൾ നി​ലം​പൊ​ത്തി​യ​ത്​ മു​ത​ൽ തു​ട​ങ്ങി​യ​താ​ണ് ഇ​രു​ന്നൂ​റോ​ളം കു​ടും​ബ​ങ്ങ​ളു​ടെ ദു​രി​തം. മൂ​ന്ന​ര വ​ർ​ഷ​മാ​യി 400 മീ​റ്റ​റി​ല​ധി​കം നീ​ള​ത്തി​ൽ തെ​ങ്ങി​ൽ ചേ​ർ​ത്തു​കെ​ട്ടി​യ സ​ർ​വി​സ് വ​യ​റി​ലൂ​ടെ​യാ​ണ് എ​ട്ടു കു​ടും​ബ​ങ്ങ​ൾ​ക്ക് വൈ​ദ്യു​തി ല​ഭി​ക്കു​ന്ന​ത്. വ​ലി​യ കാ​റ്റും മ​ഴ​യു​മു​ണ്ടാ​കു​മ്പോ​ൾ ഭീ​തി​യോ​ടെ​യാ​ണ് ഇ​വി​ട​ത്തു​കാ​ർ ക​ഴി​യു​ന്ന​ത്. പോ​സ്റ്റു​ക​ൾ ഒ​ടി​ഞ്ഞ​തി​നാ​ൽ വ​ഴി​വി​ള​ക്കു​മി​ല്ല. നി​ര​വ​ധി ത​വ​ണ കെ.​എ​സ്.​ഇ.​ബി​യി​ൽ പ​രാ​തി പ​റ​ഞ്ഞി​ട്ടു​ണ്ട്. ഉ​ട​നെ ശ​രി​യാ​ക്കാം എ​ന്നു പ​റ​യു​ന്ന​ത​ല്ലാ​തെ ഇ​തു വ​രെ പോ​സ്റ്റു​ക​ളും വ​ഴി​വി​ള​ക്കും പു​ന:​സ്ഥാ​പി​ച്ചി​ല്ല.

കാ​റ്റി​ൽ കെ​ട്ട് പൊ​ട്ടി വീ​ഴു​മ്പോ​ൾ നാ​ട്ടു​കാ​ർ ത​ന്നെ​യാ​ണ് പ​ല​പ്പോ​ഴും വീ​ണ്ടും കെ​ട്ടി​നി​ർ​ത്തു​ന്ന​ത്. വി​ളി​ച്ചാ​ലും ലൈ​ൻ​മാ​ൻ​മാ​ർ വ​രാ​ൻ കൂ​ട്ടാ​ക്കാ​റി​ല്ലെ​ന്ന് പ്ര​ദേ​ശ​വാ​സി​ക​ൾ പ​റ​യു​ന്നു. ക​ട​ൽ​ക്ഷോ​ഭ​വു​മാ​യി ബ​ന്ധ​പ്പെ​ട്ട് പ്ര​ദേ​ശം സ​ന്ദ​ർ​ശി​ച്ച എം.​എ​ൽ.​എ., പ്ര​തി​പ​ക്ഷ നേ​താ​വ്, മ​ന്ത്രി പി.​രാ​ജീ​വ് എ​ന്നി​വ​രോ​ടെ​ല്ലാം ഇ​ക്കാ​ര്യം ബോ​ധി​പ്പി​ച്ചി​രു​ന്നു.