പെരുമ്പാവൂര്‍: പാല്‍ക്കുപ്പിയുമായി വോട്ടുതേടുന്ന സിന്ധു പാറപ്പുറത്തുകാര്‍ക്ക് അപചരിതയല്ല. നഗരസഭ 25ാം വാര്‍ഡിലെ യു.ഡി.എഫ് സ്ഥാനാര്‍ഥിയാണ് പി.എസ്. സിന്ധു. ക്ഷീരകര്‍ഷകയായ ഇവര്‍ പശുപരിപാലനവും പാല്‍ വില്‍പനയും കഴിഞ്ഞാണ് തെരഞ്ഞെടുപ്പ് പ്രചരണത്തിനിറങ്ങുന്നത്. തീര്‍ത്തും ദരിദ്രകുടുംബമായ ഇവരുടെ ജീവിതമാര്‍ഗമാണ് പാല്‍ വില്‍പന.
പാറപ്പുറം തെറ്റിക്കോട്ട് െലയ്നിലാണ് സിന്ധുവും കുടുംബവും താമസിക്കുന്നത്. വര്‍ഷങ്ങളായി പാല്‍ വിതരണത്തിലെ സത്യസന്ധതക്ക് നാട്ടുകാര്‍ നല്‍കുന്ന നൂറുമാര്‍ക്ക് വോട്ടായി മാറുമെന്ന വിശ്വാസത്തിലാണിവര്‍. എസ്.സി ജനറല്‍ വാര്‍ഡായ 25ല്‍ യാദൃച്ഛികമായാണ് സിന്ധു സ്ഥാനാര്‍ഥിയായത്. എല്‍.ഡി.എഫ് സ്ഥാനാര്‍ഥി തൊട്ടടുത്ത വാര്‍ഡിലെ പി.സി. ബാബുവാണ്. കുടുംബശ്രീ പ്രവര്‍ത്തനങ്ങളിലും തെറ്റിക്കോട്ട് െലയ്ന്‍ റെസിഡൻറ്‌സ് അസോസിയേഷെൻറയും സജീവപ്രവര്‍ത്തകയാണ് സിന്ധു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.