കൊട്ടാരക്കര: ഓയൂർ-കൊട്ടാരക്കര റോഡിൽ വിലയന്തൂർ റോഡ് വെള്ളക്കെട്ടായതോടെ വാഹനങ്ങൾ കുഴികളിൽ വീണ് അപകടത്തിൽപ്പെടുന്നത് പതിവായി. അഞ്ചു കോടിയോളം ചെലവഴിച്ചുള്ള കൊട്ടാരക്കര വെളിനല്ലൂർ റോഡ് നിർമാണം അനിശ്ചിതത്വത്തിലായതാണ് റൂട്ടിലെ റോഡുകൾ തകരാൻ കാരണമാകുന്നത്. ഓടനാവട്ടം, തൃക്കണ്ണമംഗൽ , ഗാന്ധിമുക്ക് എന്നിവിടങ്ങളിലെ റോഡ് കുഴിഞ്ഞ് താഴ്ന്ന് നിരവധി അപകടങ്ങളാണ് ഉണ്ടാവുന്നത്. മഴക്കാലമായതോടെ ടാറിങ് നടത്താൻ കഴിയാത്ത അവസ്ഥയിലാണ് പൊതുമരാമത്ത് വകുപ്പ്. ടാർ മിക്സിങ് പ്ലാന്‍റ് പ്രവർത്തനം പുനരാരംഭിക്കാനുള്ള നീക്കം നാട്ടുകാർ തടഞ്ഞു ഓയൂർ: വെളിയം പടിഞ്ഞാറ്റിൻകര കായിക്കര ക്വാറിയിലെ ടാർ മിക്സിങ് പ്ലാന്‍റ് പ്രവർത്തനം പുനരാരംഭിക്കുന്നതിനായി കൊണ്ടുവന്ന സാമഗ്രികൾ നാട്ടുകാർ തടഞ്ഞു. ബുധനാഴ്ച വൈകീട്ട് 4.30 ഓടെയായിരുന്നു സംഭവം. തുറമുഖ വകുപ്പിന്‍റെ കീഴിലുള്ളതാണ് കായിക്കര ക്വാറി. ഇതിനു സമീപം സ്വകാര്യ മുതലാളി വസ്തു വാടകക്ക് എടുത്ത് ആറു വർഷം മുമ്പ് ടാർ മിക്സിങ് പ്ലാന്‍റ് പ്രവർത്തിപ്പിച്ചിരുന്നു. പ്ലാന്‍റിൽ നിന്നുയരുന്ന അസഹനീയമായ പുകയും ഗന്ധവും കാരണം നാട്ടുകാരുടെ പരാതിയിൽ വെളിയം പഞ്ചായത്ത് പ്ലാന്‍റിന് സ്റ്റോപ് മെമ്മോ നൽകിയിരുന്നു. പ്രദേശവാസികളായ ജയ രഘുനാഥ്, കെ.എസ്. ഷിജുകുമാർ, ചന്തു പ്രസന്നൻ, രാകേഷ് ചൂരക്കോട്, എസ്. പവനൻ, അജിത് വാറൂർ, ദിലീപ് കുമാർ, ഷാനു, അഭിലാഷ്, ബിന്ദു അനിൽ, അബിൻ അനിൽ എന്നിവരുടെ നേതൃത്വത്തിലാണ് തടഞ്ഞത്. പ്ലാന്‍റ് പൊളിച്ചു മാറ്റാൻ അധികാരികൾ അടിയന്തര നടപടി സ്വീകരിക്കണമെന്ന് ടാർ മിക്സിങ് പ്ലാന്‍റ് വിരുദ്ധ ജനകീയ സമിതി ആവശ്യപ്പെട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.