പിടിയിലായ സനു, റോയി, ജോര്ജ്
കൊല്ലം: ബാറില്‍ അക്രമം നടത്തിയ കേസിൽ പ്രതികൾ അറസ്റ്റിൽ. ശക്തികുളങ്ങര കണിയാങ്കട സജു ഭവനില്‍ സനു (27), ശക്തികുളങ്ങര മീനത്ത് ചേരി റോബര്‍ട്ട് വിലാസത്തില്‍ റോയി (40), ശക്തികുളങ്ങര കണിയാങ്കട പള്ളി പുരയിടത്തില്‍ജോര്‍ജ് (41) എന്നിവരാണ് ശക്തികുളങ്ങര പൊലീസിന്‍റെ പിടിയിലായത്. ശനിയാഴ്ച രാത്രി കാവനാടുള്ള ബാറില്‍ മദ്യപിക്കാനെത്തിയ പ്രതികള്‍ ശക്തികുളങ്ങര സ്വദേശിയായ അഭിജിത്തുമായി വാക്കുതര്‍ക്കമുണ്ടായി.
തുടര്‍ന്ന് പ്രതികള്‍ അഭിജിത്തിനെ മർദിക്കുകയും ബിയര്‍ കുപ്പി ഉപയോഗിച്ച് തലക്കടിച്ച് മുറിവേല്‍പ്പിക്കുകയും ചെയ്തു. ശക്തികുളങ്ങര പൊലീസില്‍ നല്‍കിയ പരാതിയുടെ അടിസ്ഥാനത്തില്‍ കേസ് രജിസ്റ്റര്‍ ചെയ്ത് പ്രതികളെ അറസ്റ്റ് ചെയ്യുകയായിരുന്നു.
ഇന്‍സ്പെക്ടര്‍ രതീഷിന്‍റെ നേതൃത്വത്തില്‍ എസ്.ഐ പ്രദീപ്, എസ്.സി.പി.ഒമാരായ അബു താഹിര്‍, വിനോദ്, പ്രവീണ്‍, അജിത് ചന്ദ്രന്‍, കിഷോര്‍ എന്നിവരടങ്ങിയ സംഘമാണ് പ്രതികളെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.