അറസ്റ്റിലായ ഷാനവാസ്, ഷിജു, പ്രശാന്ത്
ചവറ: പിരിവ് നല്‍കാത്തതിെൻറ പേരില്‍ മെഡിക്കല്‍ സ്റ്റോര് ഉടമയെയും ഭാര്യയെയും ആക്രമിച്ച കേസില്‍ മൂന്നുപേര്‍ പിടിയില്‍. പന്മന പോരൂക്കര കളീലുവീട്ടില്‍ ഷാനവാസ് (41), പന്മന മാവേലില്‍ മല്ലയില്‍ വീട്ടില്‍ ഷിജു (33), കരുനാഗപ്പള്ളി പുതുവേലില്‍ വീട്ടില്‍ പ്രശാന്ത് (37) എന്നിവരാണ് പിടിയിലായത്.
സംഭവത്തെപ്പറ്റി പൊലീസ് പറയുന്നതിങ്ങനെ: ഇടപ്പള്ളിക്കോട്ടയില്‍ മെഡിക്കല്‍ സ്റ്റോര് നടത്തുന്ന വ്യാപാരി വ്യവസായി സമിതി യൂനിറ്റ് സെക്രട്ടറിയും ജില്ല കമ്മിറ്റിയംഗവുമായ പന്മന കാവുങ്കല്‍ വീട്ടില്‍ ശ്രീകുമാര്‍ (41), ഭാര്യ രമ്യ (34) എന്നിവരെയാണ് കടയിൽ കയറി ആക്രമിച്ചത്.
ശനിയാഴ്ച രാത്രി 8.30ഓടെയായിരുന്നു സംഭവം. മെഡിക്കല്‍ സ്റ്റോര് ഉടമയായ ശ്രീകുമാറിനോട് മൂവര്‍സംഘം പണം ആവശ്യപ്പെടുകയും നല്‍കാന്‍ പറ്റില്ലെന്ന് പറഞ്ഞതിെൻറ വിരോധത്തില്‍ കടയിൽ കയറി ശ്രീകുമാറിനെയും ഭാര്യയെയും അക്രമിക്കുകയുമായിരുന്നു.
സംഭവത്തില്‍ പ്രതിഷേധിച്ച് ഇടപ്പള്ളിക്കോട്ടയില്‍ തിങ്കളാഴ്ച ഉച്ചവരെ കടകളടച്ചിട്ട് പ്രതിഷേധിക്കുമെന്ന് വ്യാപാരി വ്യവസായി സമിതി അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.