ചവറ: മുൻവൈരാഗ്യം മൂലം യുവാവിനെ വിളിച്ചുവരുത്തി വെട്ടി ക്കൊലപ്പെടുത്താൻ ശ്രമിച്ച സംഘത്തിലെ പ്രധാനി പൊലീസ് പിടിയിലായി. ചവറ കോട്ടയ്ക്കകം മഹാത്മ സ്കൂളിനു സമീപം മണ്ണാൻറയ്യത്ത് കോളനിയിൽ കളച്ചിറ വീട്ടിൽ ബി. രാഹുൽ (30) ആണ് പിടിയിലായത്. കഴിഞ്ഞ 17ന് കരുനാഗപ്പള്ളി റെയിൽവേ ഗേറ്റിനു സമീപം താമസിക്കുന്ന ഷാനെയാണ് വെട്ടിക്കൊലപ്പെടുത്താൻ ശ്രമിച്ചത്. സംഘത്തിലെ പ്രവീൺ, അൻഷാദ് എന്നിവർ നേരത്തേ പിടിയിലായിരുന്നു. രാഹുൽ മുമ്പ് കാപ പ്രകാരം കരുതൽ തടങ്കലിൽ കഴിഞ്ഞിട്ടുണ്ട്. സാമ്പത്തിക ഇടപാടിനെ തുടർന്നുണ്ടായ തർക്കമാണ് വിരോധത്തിലേക്ക് നയിച്ചത്. ചവറ ഇൻസ്പെക്ടർ എ. നിസാമുദ്ദീൻ, സബ് ഇൻസ്പെകടർ സുകേഷ് എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.