കൊല്ലൂർവിള പള്ളിമുക്ക് ജങ്ഷനിൽ നിയന്ത്രണംവിട്ട ആംബുലൻസ് വൈദ്യുതി പോസ്റ്റിലേക്ക് ഇടിച്ചുകയറിയ നിലയിൽ
ഇരവിപുരം: ദേശീയപാതയിൽ നിയന്ത്രണംവിട്ട ആംബുലൻസ് റോഡരികിലെ വൈദ്യുതി പോസ്റ്റിലേക്ക് ഇടിച്ചുകയറി. ഡ്രൈവർ പരിക്കേൽക്കാതെ രക്ഷപ്പെട്ടു. വൈദ്യുതി ലൈൻ ഓഫായതിനാൽ ദുരന്തം ഒഴിവായി. കൊല്ലൂർവിള പള്ളിമുക്ക് ജങ്ഷനിൽ വെള്ളിയാഴ്ച പുലർച്ച മൂന്നോടെയായിരുന്നു സംഭവം.
തിരുവനന്തപുരം മെഡിക്കൽ കോളജ് ആശുപത്രിയിലേക്ക് രോഗിയെ കൊണ്ടുപോയി മടങ്ങും വഴിയായിരുന്നു അപകടം. ഡ്രൈവർ മാത്രമായിരുന്നു വാഹനത്തിലുണ്ടായിരുന്നത്. വൈദ്യുതി പോസ്റ്റിന് സമീപത്തായി ഉണ്ടായിരുന്ന സ്വകാര്യ ടെലികോം കമ്പനിയുടെ പോസ്റ്റിൽ വാഹനം കുരുങ്ങി നിന്നതിനാൽ സമീപത്തെ കടയിലേക്ക് വാഹനം ഇടിച്ചുകയറിയില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.