യുവാവിനെ വെട്ടിക്കൊല്ലാൻ ശ്രമിച്ച കേസിൽ പ്രതി പിടിയിൽ

ഇ​ര​വി​പു​രം: മു​ൻ​വി​രോ​ധ​ത്താ​ൽ യു​വാ​വി​നെ വെ​ട്ടി​ക്കൊ​ല​പ്പെ​ടു​ത്താ​ൻ ശ്ര​മി​ച്ച കേ​സി​ൽ പ്ര​തി പി​ടി​യി​ലാ​യി. വ​ട​ക്കേ​വി​ള, പു​ന്ത​ല​ത്താ​ഴം, ച​രു​വി​ള വീ​ട്ടി​ൽ ആ​ദ​ർ​ശ് (29) ആ​ണ് ഇ​ര​വി​പു​രം പൊ​ലീ​സി​ന്‍റെ പി​ടി​യി​ലാ​യ​ത്. പു​ന്ത​ല​ത്താ​ഴം സ്വ​ദേ​ശി ദേ​വ​ദ​ർ​ശ​നെ​യാ​ണ് ഇ​യാ​ൾ കൊ​ല​പ്പെ​ടു​ത്താ​ൻ ശ്ര​മി​ച്ച​ത്.

മു​ൻ വി​രോ​ധം നി​മി​ത്തം ചൊ​വാ​ഴ്ച ഉ​ച്ച​ക്ക്​11.30​ഓ​ടെ ദേ​വ​ദ​ർ​ശ​നും സു​ഹൃ​ത്തും ബൈ​ക്കി​ൽ യാ​ത്ര ചെ​യ്ത് വ​ര​വേ ആ​ദ​ർ​ശ് ഇ​വ​രെ പാ​ൽ സൊ​സൈ​റ്റി മു​ക്കി​ൽ വെ​ച്ച് ത​ട​ഞ്ഞു നി​ർ​ത്തു​ക​യാ​യി​രു​ന്നു​വ​ത്രെ. തു​ട​ർ​ന്ന് പ്ര​തി​യും ദേ​വ​ദ​ർ​ശ​നും ത​മ്മി​ലു​ണ്ടാ​യ വാ​ക്ക്ത​ർ​ക്ക​ത്തി​നി​ട​യി​ൽ പ്ര​തി ദേ​വ​ദ​ർ​ശ​നെ മ​ർ​ദ്ദി​ക്കു​ക​യും കൈ​യി​ൽ ക​രു​തി​യി​രു​ന്ന വെ​ട്ടു​ക​ത്തി ഉ​പ​യോ​ഗി​ച്ച് മു​തു​ക​ത്തും കാ​ലി​ലു​മാ​യി വെ​ട്ടി​പ​രി​ക്കേ​ൽ​പ്പി​ക്കു​ക​യും ചെ​യ്തു.

ആ​ദ​ർ​ശി​നെ​തി​രെ ഇ​രു​പ​തോ​ളം ക്രി​മി​ന​ൽ കേ​സു​ക​ൾ നി​ല​വി​ലു​ണ്ടെ​ന്ന്​ പൊ​ലീ​സ്​ അ​റി​യി​ച്ചു. ഇ​ര​വി​പു​രം​ ഇ​ൻ​സ്​​പെ​ക്ട​ർ ഷി​ബു​വി​ന്‍റെ നേ​തൃ​ത്വ​ത്തി​ൽ എ​സ്.​ഐ അ​ജേ​ഷ്, സി.​പി.​ഒ​മാ​രാ​യ രാ​ജേ​ഷ്, അ​നീ​ഷ് എ​ന്നി​വ​ര​ട​ങ്ങി​യ പൊ​ലീ​സ്​ സം​ഘ​മാ​ണ് ഇ​യാ​ളെ അ​റ​സ്റ്റ് ചെ​യ്തത്​.