കണ്ണനെ കെ.പി.സി.സി ജനറൽ സെക്രട്ടറി സി.ആർ. മഹേഷ് വീട്ടിലെത്തി ആദരിക്കുന്നു
കരുനാഗപ്പള്ളി: അഞ്ചാം ക്ലാസുകാരൻ കണ്ണെൻറ മനക്കരുത്ത് തുണയായത് തൊടിയൂരിലെ നിരവധി കുടുംബങ്ങൾക്ക്.
കഴിഞ്ഞദിവസത്തെ മഴയിൽ പള്ളിക്കലാർ കരകവിഞ്ഞ് തൊടിയൂർ വേങ്ങറ പുഞ്ചയിൽ വെള്ളം കയറി. വെള്ളക്കെട്ടിൽ ഒറ്റപ്പെട്ട വീട്ടിൽനിന്ന് രക്ഷപ്പെടാനും സുരക്ഷിത സ്ഥാനത്തെത്താനും പലർക്കും സഹായമായത് ഋതു എന്ന കണ്ണൻ തുഴഞ്ഞെത്തിയ വള്ളമാണ്.
വേങ്ങറ സജു ഭവനിൽ സജു-സിനി ദമ്പതികളുടെ മൂത്തമകനായ കണ്ണനെ യൂത്ത് കോൺഗ്രസ് തൊടിയൂർ മണ്ഡലം കമ്മിറ്റി ആദരിച്ചു.
കെ.പി.സി.സി ജനറൽ സെക്രട്ടറി സി.ആർ. മഹേഷ് വീട്ടിലെത്തി ഉപഹാരം നൽകി. യൂത്ത് കോൺഗ്രസ് മണ്ഡലം പ്രസിഡൻറ് ഷഹനാസ് നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.