കുളത്തൂപ്പുഴ ചോഴിയക്കോട് ഡാലി കല്ലുവീട്ടില് ജോബിയുടെ വീട്ടിലെ കോഴിക്കൂട്ടില് കയറിയ പാമ്പിനെ റോയി തോമസ്
പിടികൂടി ചാക്കിലാക്കുന്നു
കുളത്തൂപ്പുഴ: കോഴിക്കൂട്ടില് കയറി കോഴികളെയും താറാവിനെയും തിന്ന മലമ്പാമ്പിനെ പിടികൂടി. കുളത്തൂപ്പുഴ ചോഴിയക്കോട് ഡാലി കല്ലുവീട്ടില് ജോബിയുടെ വീട്ടിലെ കോഴിക്കൂട്ടില് നിന്നാണ് കഴിഞ്ഞ ദിവസം രാവിലെ മലമ്പാമ്പിനെ പിടികൂടിയത്. രാവിലെ ജോബിയുടെ ഭാര്യ കോഴിക്കൂട് തുറക്കാനെത്തിയെങ്കിലും കോഴികളുടെ ശബ്ദം കേള്ക്കാതായതോടെയാണ് ശ്രദ്ധിച്ചത്. ഈ സമയം ഒരു കോഴിയേയും താറാവിനെയും അകത്താക്കിയ പാമ്പ് മറ്റു രണ്ടു കോഴികളെ കൊല്ലുകയും ചെയ്തിരുന്നു.
പാമ്പിനെ കണ്ടതോടെ കോഴിക്കൂട് അടച്ചിട്ട ശേഷം വനം വകുപ്പ് റാപ്പിഡ് റെസ്പോണ്സ് ടീമിനെ വിവരമറിയിക്കുകയും പാമ്പുപിടുത്തക്കാരെ ബന്ധപ്പെടുകയുമായിരുന്നു. വിവരമറിഞ്ഞ് കൊച്ചുകലിങ്ക് സ്വദേശി റോയി തോമസ് സ്ഥലത്തെത്തി പാമ്പിനെ പിടികൂടി മടത്തറ സെക്ഷന് വനപാലകര്ക്ക് കൈമാറുകയായിരുന്നു. എട്ടടിയോളം നീളമുള്ള പാമ്പ് കഴിഞ്ഞ ദിവസത്തെ വെള്ളപ്പൊക്കത്തില് സമീപത്തെ തോട്ടിലൂടെ എത്തിയതാവാമെന്നാണ് പ്രദേശവാസികള് പറയുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.