തിങ്കള്‍ക്കരിക്കം വില്ലേജ് ഓഫിസ് സ്മാര്‍ട്ടാകാന്‍ ഇനിയുമേറെ കാക്കണം

കു​ള​ത്തൂ​പ്പു​ഴ: തി​ങ്ക​ള്‍ക്ക​രി​ക്കം വി​ല്ലേ​ജ് ഓ​ഫി​സ് സ്മാ​ര്‍ട്ടാ​കാ​ന്‍ ഇ​നി​യും ഏ​റെ നാ​ള്‍ കാ​ത്തി​രി​ക്കേ​ണ്ടി വ​രും. വി​ല്ലേ​ജ് ഓ​ഫി​സ് നി​ര്‍മി​ക്കു​ന്ന​തി​നാ​യി റ​വ​ന്യൂ വ​കു​പ്പ് ക​ണ്ടെ​ത്തി​യ ഭൂ​മി​യു​ടെ ഉ​ട​മ​സ്ഥാ​വ​കാ​ശം സം​ബ​ന്ധി​ച്ച ത​ര്‍ക്കം പ​രി​ഹ​രി​ക്കാ​തെ അ​ന​ന്ത​മാ​യി നീ​ളു​ന്ന​താ​ണ്​ കാ​ര​ണം. ക​ഴി​ഞ്ഞ 2021 മേ​യി​ല്‍ കി​ലോ​മീ​റ്റ​റു​ക​ള്‍ അ​ക​ലെ താ​ൽ​ക്കാ​ലി​ക കെ​ട്ടി​ട​ത്തി​ലേ​ക്ക് മാ​റ്റി പ്ര​വ​ര്‍ത്ത​നം ആ​രം​ഭി​ച്ച വി​ല്ലേ​ജ് ഓ​ഫി​സി​ല്‍ സ്ഥ​ല​പ​രി​മി​തി മൂ​ലം പൊ​തു​ജ​നം വീ​ര്‍പ്പു മു​ട്ടു​ക​യു​മാ​ണ്.

വ​ര്‍ഷ​ങ്ങ​ള്‍ക്കു മു​മ്പ് തി​ങ്ക​ള്‍ക്ക​രി​ക്കം ജ​ങ്ഷ​നു സ​മീ​പ​ത്താ​യി വ​നം വ​കു​പ്പി​ന്‍റെ കൈ​വ​ശ​ത്തി​ലി​രു​ന്ന ഭൂ​മി പ​ഞ്ചാ​യ​ത്തി​നു വി​ട്ടു ന​ല്‍കാ​ന്‍ വ​കു​പ്പ് സ​ന്ന​ദ്ധ​ത പ്ര​ക​ടി​പ്പി​ച്ചി​രു​ന്നു. എ​ന്നാ​ല്‍, വ​ന​ഭൂ​മി ഏ​റ്റെ​ടു​ക്കു​ന്ന​തി​ലെ നൂ​ലാ​മാ​ല​ക​ള്‍ കാ​ര​ണം ന​ട​പ​ടി​ക​ള്‍ക്ക് മു​തി​രാ​തെ ഉ​ദ്യോ​ഗ​സ്ഥ​ര്‍ ഉ​പേ​ക്ഷി​ക്കു​ക​യാ​യി​രു​ന്നു. കാ​ല​ങ്ങ​ള്‍ ക​ഴി​ഞ്ഞ​തോ​ടെ ജ​ന​വാ​സ മേ​ഖ​ല​യോ​ട് ചേ​ര്‍ന്നു​ള്ള ഭൂ​മി പ്ര​ദേ​ശ​വാ​സി​ക​ളി​ലൊ​രാ​ള്‍ കൈ​യേ​റാ​ന്‍ ശ്ര​മം ന​ട​ത്തു​ക​യും റ​വ​ന്യൂ വ​നം വ​കു​പ്പു​ക​ള്‍ ഇ​ട​പെ​ട്ട് ഒ​ഴി​പ്പി​ക്കു​ക​യും ചെ​യ്തി​രു​ന്നു.

2021ല്‍ ​തി​ങ്ക​ള്‍ക്ക​രി​ക്കം വി​ല്ലേ​ജ് ഓ​ഫി​സ് ആ​ധു​നി​ക സൗ​ക​ര്യ​ങ്ങ​ളൊ​രു​ക്കി സ്മാ​ര്‍ട്ടാ​ക്കു​ന്ന​തി​ന്‍റെ ഭാ​ഗ​മാ​യി പു​തി​യ കെ​ട്ടി​ടം നി​ർ​മി​ക്കു​ന്ന​തി​നാ​യി ഇൗ ​സ്ഥ​ലം റ​വ​ന്യൂ വ​കു​പ്പ് ക​ണ്ടെ​ത്തി മ​ര​ങ്ങ​ള്‍ മു​റി​ച്ചു മാ​റ്റി. കെ​ട്ടി​ട​ത്തി​ന്‍റ് അ​ടി​ത്ത​റ കെ​ട്ടു​ന്ന​തി​നാ​യി സ്ഥ​ല​മൊ​രു​ക്കി വാ​നം കു​ഴി​ച്ച്​ ക​രി​ങ്ക​ല്ലും മെ​റ്റ​ലും മ​റ്റു നി​ർ​മാ​ണ സാ​മ​ഗ്രി​ക​ളും വൈ​ദ്യു​തി ക​ണ​ക്ഷ​ന്‍ അ​ട​ക്കം എ​ത്തി​ച്ചു പ്ര​വ​ര്‍ത്തി​ക​ള്‍ ആ​രം​ഭി​ക്ക​വേ ത​ട​സ്സ​വാ​ദ​വു​മാ​യി വ​നം വ​കു​പ്പ് രം​ഗ​ത്തെ​ത്തി. ഭൂ​മി​യു​ടെ ഉ​ട​മ​സ്ഥാ​വ​കാ​ശം വ​നം വ​കു​പ്പി​നാ​ണെ​ന്നും റ​വ​ന്യൂ വ​കു​പ്പ് അ​ന​ധി​കൃ​ത​മാ​യി ഭൂ​മി കൈ​യേ​റു​ക​യാ​യി​രു​ന്നെ​ന്നാ​ണ് വ​നം വ​കു​പ്പി​ന്‍റെ വാ​ദം. നി​ർ​മാ​ണം അ​ന​ന്ത​മാ​യി നീ​ണ്ട​തോ​ടെ നാ​ട്ടു​കാ​രു​ടെ​യും ജ​ന​പ്ര​തി​നി​ധി​ക​ളു​ടെ​യും പ​രാ​തി​ക​ളു​യ​രു​ക​യും പി. ​എ​സ്. സു​പാ​ല്‍ എം.​എ​ല്‍.​എ സം​ഭ​വ​ത്തി​ല്‍ ഇ​ട​പെ​ട്ടു.

ഇ​രു വ​കു​പ്പു​ക​ളു​മാ​യി ച​ര്‍ച്ച​ക​ള്‍ ന​ട​ത്തി പ്ര​ശ്ന പ​രി​ഹാ​ര​ത്തി​നു​ള്ള ശ്ര​മ​ങ്ങ​ള്‍ അ​വ​സാ​ന ഘ​ട്ട​ത്തി​ലാ​ണെ​ന്ന് ഗ്രാ​മ​പ​ഞ്ചാ​യ​ത്തം​ഗം സി. ​സു​ഭി​ലാ​ഷ് കു​മാ​ര്‍ പ​റ​ഞ്ഞു. ഉ​ട​മ​സ്ഥ​ത സം​ബ​ന്ധി​ച്ച് വ്യ​ക്ത​ത വ​ന്ന​തി​നു ശേ​ഷ​മേ നി​ർ​മാ​ണ പ്ര​വ​ര്‍ത്ത​ന​ങ്ങ​ള്‍ പു​ന​രാ​രം​ഭി​ക്കാ​ന്‍ ക​ഴി​യു​ക​യു​ള്ളൂ. അ​തി​നാ​ല്‍ത​ന്നെ തി​ങ്ക​ള്‍ക്ക​രി​ക്കം വി​ല്ലേ​ജ് ഓ​ഫി​സ് സ്മാ​ര്‍ട്ടാ​കാ​ന്‍ ഇ​നി​യും ഏ​റെ​നാ​ള്‍ കാ​ത്തി​രി​ക്കേ​ണ്ടി വ​രു​മെ​ന്നു​ത​ന്നെ​യാ​ണ് റ​വ​ന്യൂ വ​കു​പ്പ് ഉ​ദ്യോ​ഗ​സ്ഥ​രും പ​റ​യു​ന്ന​ത്.