കിഴക്കൻ മേഖലയിൽ കാട്ടുമൃഗ ശല്യം രൂക്ഷം

കു​ള​ത്തൂ​പ്പു​ഴ: കി​ഴ​ക്ക​ന്‍ മേ​ഖ​ല​യി​ല്‍ കാ​ട്ടു​മൃ​ഗ ശ​ല്യം രൂ​ക്ഷ​മാ​കു​ന്നു. പാ​ത​ക്കു കു​റു​കെ ചാ​ടി​യ മ്ലാ​വ് ഇ​ടി​ച്ച് ഇ​രു​ച​ക്ര വാ​ഹ​നം മ​റി​ഞ്ഞ് യാ​ത്രി​ക​രാ​യ യു​വാ​വി​നും മാ​താ​വി​നും പ​രി​ക്കേ​റ്റു. കു​ള​ത്തൂ​പ്പു​ഴ കു​മ​രം​ക​രി​ക്കം റോ​സ് വി​ല്ല​യി​ല്‍ അ​ജി​ന്‍ റോ​യി(25), മാ​താ​വ് ഷീ​ബ (52) എ​ന്നി​വ​ര്‍ക്കാ​ണ് പ​രി​ക്കേ​റ്റ​ത്.

ക​ഴി​ഞ്ഞ ദി​വ​സം രാ​വി​ലെ ചോ​ഴി​യ​ക്കോ​ട് ആ​ന​ക്കു​ളം പാ​ത​യി​ല്‍ ത​ക​ര​മ​ണ്ണി​നു സ​മീ​പ​മാ​യി​രു​ന്നു അ​പ​ക​ടം. രാ​വി​ലെ എ​ട്ടോ​ടെ​ചോ​ഴി​യ​ക്കോ​ട് പ​ള​ളി​യി​ലെ പ്രാ​ര്‍ഥ​ന​യി​ല്‍ പ​ങ്കെ​ടു​ത്ത ശേ​ഷം ഇ​രു​വ​രും ത​ക​രം​മ​ണ്ണി​ലെ കു​ടും​ബ വീ​ട്ടി​ലേ​ക്ക് വ​രു​മ്പോ​ഴാ​ണ് അ​പ​ക​ടം. വ​ന​പ​ത​യി​ലെ യാ​ത്ര​ക്കി​ടെ അ​പ്ര​തീ​ക്ഷി​ത​മാ​യി മ്ലാ​വു​ക​ള്‍ വാ​ഹ​ന​ത്തി​ന്‍റെ മു​ന്നി​ല്‍ ചാ​ടു​ക​യാ​യി​രു​ന്നു. ഇ​വ​യെ ഇ​ടി​ക്കാ​തി​രി​ക്കാ​ന്‍ ബ്രേ​ക്ക് ചെ​യ്യ​വെ പി​ന്നാ​ലെ​യെ​ത്തി​യ മ്ലാ​വ് ബൈ​ക്കി​ലി​ടി​ച്ച് നി​യ​ന്ത്ര​ണം വി​ട്ട് മ​റി​യു​ക​യാ​യി​രു​ന്നു.

ഉ​ട​ന്‍ നാ​ട്ടു​കാ​രു​ടെ സ​ഹാ​യ​ത്തോ​ടെ ഇ​രു​വ​രെ​യും കു​ള​ത്തൂ​പ്പു​ഴ സ​ര്‍ക്കാ​ര്‍ ആ​ശു​പ​ത്രി​യി​ലും തു​ട​ര്‍ന്ന് പു​ന​ലൂ​ര്‍ താ​ലൂ​ക്ക് ആ​ശു​പ​ത്രി​യി​ലും എ​ത്തി​ച്ചെ​ങ്കി​ലും ഇ​ടു​പ്പെ​ല്ലി​ന് സാ​ര​മാ​യി പ​രി​ക്കേ​റ്റ അ​ജി​ന്‍ റോ​യി​യെ വി​ദ​ഗ്ധ ചി​കി​ത്സ​ക്കാ​യി തി​രു​വ​ന​ന്ത​പു​രം മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലേ​ക്ക് മാ​റ്റി. വീ​ഴ്ച​യി​ല്‍ കാ​ല്‍മു​ട്ടു​ക​ള്‍ക്ക് പ​രി​ക്കേ​റ്റ മാ​താ​വി​നെ പ്രാ​ഥ​മി​ക ചി​കി​ത്സ ന​ല്‍കി.