കടയിൽനിന്ന് പണവും ഫോണും കവർന്നു

ഇ​ര​വി​പു​രം: പ​ട്ടാ​പ്പ​ക​ൽ ക​ട​യു​ടെ വാ​തി​ൽ ച​വി​ട്ടി​പ്പൊ​ളി​ച്ച് അ​ക​ത്തു ക​ട​ന്ന മോ​ഷ്ടാ​വ് മേ​ശ​യി​ൽ സൂ​ക്ഷി​ച്ചി​രു​ന്ന 40000 രൂ​പ​യും മൊ​ബൈ​ൽ ഫോ​ണും ക​വ​ർ​ന്നു. നാ​ലു മാ​സം മു​മ്പ് മോ​ഷ​ണം ന​ട​ന്ന ക​ട​യി​ലാ​ണ് വീ​ണ്ടും മോ​ഷ​ണം ന​ട​ന്ന​ത്. ഇ​ര​വി​പു​രം ജ​ങ്ഷ​നി​ൽ റി​ട്ട. കെ.​എ​സ്.​ആ​ർ.​ടി.​സി ജീ​വ​ന​ക്കാ​ര​ൻ ശി​വ​പ്ര​സാ​ദി​ന്‍റെ ഉ​ട​മ​സ്ഥ​ത​യി​ലു​ള്ള ഡ്രീം​സ് അ​ക്വേ​റി​യം എ​ന്ന ക​ട​യി​ലാ​ണ് മോ​ഷ​ണം.

തി​ങ്ക​ളാ​ഴ്ച ഉ​ച്ച​ക്ക്​ ഒ​ന്നി​നാ​യി​രു​ന്നു സം​ഭ​വം. ഉ​ട​മ ഊ​ണ് ക​ഴി​ക്കു​ന്ന​തി​നാ​യി വീ​ട്ടി​ലേ​ക്ക് പോ​യ സ​മ​യം ക​ട​യു​ടെ മു​ന്നി​ലെ ഗേ​റ്റ് ചാ​ടി അ​ക​ത്തു​ക​ട​ന്ന മോ​ഷ്ടാ​വ് മു​ൻ​വ​ശ​ത്തെ ഡോ​റി​ന്‍റെ പ​കു​തി ത​ക​ർ​ത്ത് മോ​ഷ​ണം ന​ട​ത്തു​ക​യാ​യി​രു​ന്നു.

ക​ട​യി​ലെ​യും പ​രി​സ​ര​ത്തെ​യും നി​രീ​ക്ഷ​ണ കാ​മ​റ​ക​ളി​ൽ​നി​ന്ന് മോ​ഷ്ടാ​വി​ന്‍റെ ദൃ​ശ്യം ഇ​ര​വി​പു​രം പൊ​ലീ​സി​ന് ല​ഭി​ച്ചു. നാ​ലു മാ​സം മു​മ്പ് ഇ​വി​ടെ​നി​ന്ന് അ​ല​ങ്കാ​ര​പ്പ​ക്ഷി​ക​ൾ മോ​ഷ​ണം പോ​യി​രു​ന്നു. അ​ന്നും മോ​ഷ്ടാ​ക്ക​ളു​ടെ ദൃ​ശ്യ​ങ്ങ​ൾ നി​രീ​ക്ഷ​ണ കാ​മ​റ​യി​ൽ​നി​ന്ന്​ ല​ഭി​ച്ചി​രു​ന്നെ​ങ്കി​ലും പൊ​ലീ​സ് കാ​ര്യ​മാ​യ അ​ന്വേ​ഷ​ണം ന​ട​ത്തി​യി​രു​ന്നി​ല്ല. അ​തേ സം​ഘ​ത്തി​ൽ​പെ​ട്ട ഒ​രാ​ൾ ത​ന്നെ​യാ​ണ് ഇ​പ്പോ​ഴും മോ​ഷ​ണം ന​ട​ത്തി​യ​തെ​ന്നാ​ണ് ദൃ​ശ്യ​ങ്ങ​ളി​ൽ​നി​ന്ന് വ്യ​ക്ത​മാ​കു​ന്ന​ത്. ഇ​ര​വി​പു​രം പൊ​ലീ​സ് അ​ന്വേ​ഷ​ണം ആ​രം​ഭി​ച്ചു.