സമരം സംഘടിപ്പിക്കാനുമില്ല; ഡി.വൈ.എഫ്.ഐ നേതാക്കൾ ഒളിവിൽ

കൊ​ല്ലം: യൂ​ത്ത് കോ​ൺ​ഗ്ര​സ് പ്ര​വ​ർ​ത്ത​ക​രെ ആ​ക്ര​മി​ച്ച സം​ഭ​വ​ത്തി​ൽ അ​റ​സ്റ്റ് വൈ​കു​ന്ന​തി​ൽ പ്ര​തി​ഷേ​ധം ശ​ക്ത​മാ​യ​തോ​ടെ പ്ര​തി​ക​ളാ​യ ഡി.​വൈ.​എ​ഫ്.​ഐ നേ​താ​ക്ക​ൾ ഒ​ളി​വി​ൽ. ജി​ല്ല ക​മ്മി​റ്റി ഓ​ഫി​സാ​യ യൂ​ത്ത് സെ​ന്റ​റി​ലാ​ണ് ഇ​വ​ർ ക​ഴി​യു​ന്ന​തെ​ന്നാ​ണ് വി​വ​രം. നേ​താ​ക്ക​ൾ പു​റ​ത്തി​റ​ങ്ങാ​താ​യ​തോ​ടെ ന​ഗ​ര​ത്തി​ൽ ന​ട​ത്തേ​ണ്ടി​യി​രു​ന്ന പ​ല പ്ര​തി​ഷേ​ധ സ​മ​ര​ങ്ങ​ളും മു​ട​ങ്ങി.

പാ​ച​ക വാ​ത​ക വി​ല​വ​ർ​ധ​ന​, റെ​യി​ൽ​വേ സ്റ്റേ​ഷ​ൻ കാ​ന്റീ​നു​ക​ളി​ൽ ഭ​ക്ഷ​ണ​വി​ല ഉ​യ​ർ​ത്ത​ൽ തു​ട​ങ്ങി​യ​വ​യി​ൽ സം​സ്ഥാ​ന വ്യാ​പ​ക​മാ​യി ഡി.​വൈ.​എ​ഫ്.​ഐ പ്ര​തി​ഷേ​ധം സം​ഘ​ടി​പ്പി​ച്ചി​രു​ന്നു. എ​ന്നാ​ൽ, കൊ​ല്ലം ന​ഗ​ര​ത്തി​ൽ മാ​ത്രം പ്ര​തി​ഷേ​ധം ന​ട​ന്നി​ല്ല. യൂ​ത്ത് കോ​ൺ​ഗ്ര​സ് പ്ര​വ​ർ​ത്ത​ക​രെ മ​ർ​ദിച്ച സം​ഭ​വ​ത്തി​ൽ യു.​ഡി.​എ​ഫ് ശ​ക്ത​മാ​യ നി​ല​പാ​ടെ​ടു​ത്ത​തോ​ടെ അ​റ​സ്റ്റ് ഒ​ഴി​വാ​ക്കാ​നാ​കാ​ത്ത സാ​ഹ​ച​ര്യ​മാ​ണ്.

പ്ര​തി​ക​ളെ തി​ര​ഞ്ഞ് ബു​ധ​നാ​ഴ്ച അ​ർ​ധ​രാ​ത്രി​യോ​ടെ കൊ​ല്ലം ഈ​സ്റ്റ് ഇ​ൻ​സ്പെ​ക്ട​റു​ടെ നേ​തൃ​ത്വ​ത്തി​ൽ പൊ​ലീ​സ് സം​ഘം യൂ​ത്ത് സെ​ന്റ​റി​നുമു​ന്നി​ലെ​ത്തി​യെ​ങ്കി​ലും ആ​രെ​യും പി​ടി​കൂ​ടാ​നാ​യി​ല്ല. പ്രാ​ദേ​ശി​ക പ്ര​വ​ർ​ത്ത​ക​ർ ത​ട​ഞ്ഞ​തോ​ടെ പൊ​ലീ​സ് സം​ഘം മ​ട​ങ്ങേ​ണ്ടി വ​ന്നു.

ഫെ​ബ്രു​വ​രി 21ന് ​ചി​ന്ന​ക്ക​ട​യി​ലാ​ണ് യൂ​ത്ത് കോ​ൺ​ഗ്ര​സ് പ്ര​വ​ർ​ത്ത​ക​ർ​ക്ക് ക്രൂ​ര​മ​ർദ​ന​മേ​റ്റ​ത്. സാ​ര​മാ​യി പ​രി​ക്കേ​റ്റ സം​സ്ഥാ​ന സെ​ക്ര​ട്ട​റി വി​ഷ്ണു സു​നി​ൽ പ​ന്ത​ളം അ​ട​ക്ക​മു​ള്ള​വ​ർ ഇ​പ്പോ​ഴും ആ​ശു​പ​ത്രി​യി​ൽ ചി​കി​ത്സ​യി​ലാ​ണ്. സം​ഭ​വം ന​ട​ന്ന​തി​ന്‍റെ പി​റ്റേ​ദി​വ​സം മു​ത​ൽ പ്ര​തി​ക​ളാ​യ​വ​ർ പൊ​ലീ​സി​ന് മു​ന്നി​ലൂ​ടെ പ​ല​യി​ട​ത്തും വ​ന്നി​രു​ന്നു.

അ​റ​സ്റ്റ് വൈ​കു​ന്ന​തി​നെ​തി​രെ പ്ര​തി​ഷേ​ധം ശ​ക്ത​മാ​യ​തോ​ടെ പൊ​ലീ​സ് പ​ല​രു​ടെ​യും വീ​ടു​ക​ളി​ൽ തി​ര​ച്ചി​ൽ ന​ട​ത്തി. ഇ​തോ​ടെ​യാ​ണ് പ്ര​തി​ക​ൾ കൂ​ട്ട​ത്തോ​ടെ യൂ​ത്ത് സെ​ന്റ​റി​ൽ അ​ഭ​യം പ്രാ​പി​ച്ച​ത്. നേ​ര​​ത്തേ കീ​ഴ​ട​ങ്ങി​യ ര​ണ്ട് ഡി.​വൈ.​എ​ഫ്.​ഐ പ്ര​വ​ർ​ത്ത​ക​രു​ടെ ജാ​മ്യാ​പേ​ക്ഷ​യി​ൽ വാ​ദം കേ​ട്ട കൊ​ല്ലം ജെ.​എ​ഫ്.​എം.​സി കോ​ട​തി വി​ധി പ​റ​യാ​ൻ വെ​ള്ളി​യാ​ഴ്ച​ത്തേ​ക്ക് മാ​റ്റി​യി​ട്ടു​ണ്ട്.