ചെറുമൂട് ഗ്രന്ഥകൈരളി നഗര്‍ റസിഡന്റ്സ് അസോസിയേഷന്റെ ഓണാഘോഷ പരിപാടികൾ
പി.സി. വിഷ്ണുനാഥ് എം.എല്‍.എ ഉദ്ഘാടനം ചെയ്യുന്നു
കുണ്ടറ: സ്റ്റാര്‍ച്ച്മുക്ക്-കൈതാകോടി റോഡിന്റെ പുനര്‍നിർമാണം ഉടന്‍ ആരംഭിക്കുമെന്ന് പി.സി. വിഷ്ണുനാഥ് എം.എല്‍.എ. ചെറുമൂട് ഗ്രന്ഥകൈരളി നഗര്‍ റെസിഡന്റ്‌സ് അസോസിയേഷന്‍ ഓണാഘോഷം ഉദ്ഘാടനം ചെയ്യുകയായിരുന്നു അദ്ദേഹം.
കഴിഞ്ഞ ഒരു വര്‍ഷമായി കൈകാല്‍ കെട്ടി നില്‍പ് സമരം, റോഡ് ഉപരോധം, എൻജിനീയറെ തടഞ്ഞുവെക്കല്‍ ഉള്‍പ്പെടെ നിരന്തരസമരം നടത്തിവന്നിരുന്ന റെസിഡന്റ്‌സ് അസോസിയേഷന്‍ ഓണക്കാലത്ത് നിരാഹാര സമരം നടത്താനിരിക്കെയാണ് എം.എല്‍.എ ഓണാഘോഷച്ചടങ്ങിനെത്തി റോഡ് നിർമാണം ഉടന്‍ ആരംഭിക്കുമെന്ന് ഉറപ്പ് നല്‍കിയത്. അസോസിയേഷന്‍ പ്രസിഡന്റ് ശിവൻ വേളിക്കാട് അധ്യക്ഷത വഹിച്ചു.
നാടന്‍കലാ ഗവേഷകന്‍ പെരുമണ്‍ കുഞ്ഞുകൃഷ്ണപിള്ള, നാട്ടുവെട്ടം യു ടൂബ് ചാനല്‍ എഡിറ്റര്‍ എല്‍.ടി. ധര്‍മ്മ, എം.ബി.ബി.എസ് പരീക്ഷയില്‍ ഉന്നതവിജയം നേടിയ റിതു എസ്. ബൈജു എന്നിവരെ ആദരിച്ചു.
സെക്രട്ടറി ബി. മോഹനചന്ദ്രന്‍പിള്ള, ടി.എസ്. വര്‍ഗീസ്, ആര്‍. രാധാകൃഷ്ണപിള്ള, പ്രസന്നപിള്ള, ഡി. രേണുക, ഗിരിജ സുരേഷ്, കെ. മണികണ്ഠന്‍പിള്ള, സുശീല മദനന്‍, രാധാപ്രസന്നന്‍, ഗിരിജ വിക്രമന്‍ എന്നിവര്‍ സംസാരിച്ചു. പരമ്പരാഗത ഓണക്കളികള്‍, തിരുവാതിര, വടംവലി ഉള്‍പ്പെടെ കലാകായിക പരിപാടികളും നടന്നു. ബാലവേദി കണ്‍വീനര്‍ കാര്‍ത്തിക് കൃഷ്ണ വരച്ച ചിത്രം എം.എല്‍.എക്ക് കൈമാറി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.