representational image
കൊല്ലം: കോർപറേഷൻ അധികൃതരും എക്‌സൈസും നടത്തിയ സംയുക്ത പരിശോധനയിൽ പുകയില ഉൽപന്നങ്ങൾ പിടികൂടി. ബീച്ച്, വാടി, അശ്രാമം ലിങ്ക് റോഡ്, ആശ്രാമം മൈതാനം എന്നിവിടങ്ങളിലും കോർപറേഷൻ പരിധിയിലെ സ്കൂൾ പരിസരങ്ങളും കേന്ദ്രീകരിച്ചായിരുന്നു പരിശോധന.
പരിശോധനയിൽ നിരോധിത പുകയില ഉൽപന്നങ്ങൾ, 50 പാക്കറ്റ് വിദേശ നിർമിത സിഗരറ്റുകൾ എന്നിവ കണ്ടെടുത്ത് 16 കേസുകൾ രജിസ്റ്റർ ചെയ്തു. നിരോധിത ലഹരിവസ്തുക്കൾ വിൽക്കുന്ന കടകളുടെ ലൈസൻസ് റദ്ദാക്കുമെന്ന് കോർപറേഷൻ അധികൃതർ അറിയിച്ചു.
സംസ്ഥാന സർക്കാറിന്റെ ലഹരിമുക്ത കാമ്പയിന്റെ ഭാഗമായി കോർപറേഷനിൽ ചേർന്ന അവലോകന യോഗത്തിലെ നിർദേശപ്രകാരമാണ് പരിശോധന നടത്തിയത്. കൊല്ലം എക്‌സൈസ് റേഞ്ച് ഇൻസ്‌പെക്ടർ ടി. രാജു, ഹെൽത്ത് ഇൻസ്‌പെക്ടർ ജയകൃഷ്ണൻ എന്നിവർ പരിശോധനക്ക് നേതൃത്വം നൽകി.
കൊല്ലം റേഞ്ചിലെ അസിസ്റ്റന്റ് എക്‌സൈസ് ഇൻസ്‌പെക്ടർ (ഗ്രേഡ്) ബി. സന്തോഷ്‌, പ്രിവന്റിവ്‌ ഓഫിസർ (ഗ്രേഡ്) മിനിഷ്യസ്, വനിത സിവിൽ എക്‌സൈസ് ഓഫിസർ സരിത, എക്‌സൈസ് ഡ്രൈവർ സന്തോഷ്‌ കുമാർ, ജൂനിയർ ഹെൽത്ത് ഇൻസ്‌പെക്ടർമാരായ കിരൺ ടോം, ശശിധരൻ പിള്ള, അജയൻ എന്നിവർ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.