കുരുക്കഴിയാതെ കൂട്ടിക്കട ജങ്ഷൻ

മ​യ്യ​നാ​ട്: മ​യ്യ​നാ​ട് പ​ഞ്ചാ​യ​ത്തും കൊ​ല്ലം കോ​ർ​പ​റേ​ഷ​നു​മാ​യി അ​തി​ർ​ത്തി പ​ങ്കി​ടു​ന്ന കൂ​ട്ടി​ക്ക​ട ജ​ങ്ഷ​നി​ലെ ഗ​താ​ഗ​ത​ക്കു​രു​ക്ക് പ​രി​ഹ​രി​ക്കു​ന്ന​തി​ന് ന​ട​പ​ടി​യി​ല്ല. കൂ​ട്ടി​ക്ക​ട ജ​ങ്ഷ​നി​ൽ ദി​വ​സ​വും ഗ​താ​ഗ​ത​ക്കു​രു​ക്ക് വ​ർ​ധി​ച്ചു വ​രി​ക​യാ​ണ്. ഗ​താ​ഗ​ത​ക്കു​രു​ക്കി​ന് പ​രി​ഹാ​രം കാ​ണാ​ൻ പൊ​ലീ​സി​നെ നി​യ​മി​ക്ക​ണം എ​ന്ന് ലീ​ഗ​ൽ സ​ർ​വി​സ് അ​തോ​റി​റ്റി​യു​ടെ ഉ​ത്ത​ര​വ് ന​ട​പ്പാ​ക്കു​ന്ന കാ​ര്യ​ത്തി​ൽ ഒ​ളി​ച്ചു​ക​ളി തു​ട​രു​ക​യാ​ണ് .

ജ​ങ്ഷ​നി​ലു​ള്ള റെ​യി​ൽ​വേ ഗേ​റ്റ് അ​ട​ക്കു​മ്പോ​ഴാ​ണ് ഗ​താ​ഗ​ത​ക്കു​രു​ക്ക് രൂ​ക്ഷം. ജ​ന​പ്ര​തി​നി​ധി​ക​ളു​ടെ​യും വ്യാ​പാ​രി​ക​ളു​ടെ​യും ഓ​ട്ടോ ഡ്രൈ​വ​ർ​മാ​രു​ടെ​യും യോ​ഗ​ത്തി​ൽ പ​ങ്കെ​ടു​ത്ത​വ​രു​ടെ ആ​വ​ശ്യ​പ്ര​കാ​രം ഗ​താ​ഗ​ത നി​യ​ന്ത്ര​ണ​ത്തി​ന് ട്രാ​ഫി​ക് വാ​ർ​ഡ​ന്‍റ സേ​വ​നം അ​ടു​ത്ത​ദി​വ​സം മു​ത​ൽ ഉ​ണ്ടാ​കു​മെ​ന്ന് എ.​സി.​പി പ്ര​ഖ്യാ​പ​നം ന​ട​ത്തി​യി​രു​ന്നു.

പ്ര​ഖ്യാ​പ​നം ഉ​ണ്ടാ​യ​തി​ന്റെ അ​ടു​ത്ത ഏ​താ​നും ദി​വ​സ​ങ്ങ​ളി​ൽ ഒ​രു ട്രാ​ഫി​ക് വാ​ർ​ഡി​ന്റെ സേ​വ​നം കൂ​ട്ടി​ക്ക​ട ജ​ങ്ഷ​നി​ൽ ഉ​ണ്ടാ​യി​രു​ന്നു. ര​ണ്ടു​ദി​വ​സം ക​ഴി​ഞ്ഞ​പ്പോ​ൾ ഡ്യൂ​ട്ടി​ക്ക് ട്രാ​ഫി​ക് വാ​ർ​ഡ​ൻ വ​രാ​താ​യി. തു​ട​ർ​ന്ന് മ​നു​ഷ്യാ​വ​കാ​ശ പ്ര​വ​ർ​ത്ത​ക​നാ​യ അ​ഡ്വ. ഹു​മ​യൂ​ൺ ലീ​ഗ​ൽ സ​ർ​വി​സ് അ​തോ​റി​റ്റി​യെ സ​മീ​പി​ക്കു​ക​യും ഹ​ര​ജി സ​മ​ർ​പ്പി​ക്കു​ക​യും ചെ​യ്തി​രു​ന്നു.

ഹ​ര​ജി​യി​ൽ വാ​ദം കേ​ട്ട ലീ​ഗ​ൽ സ​ർ​വി​സ് അ​തോ​റി​റ്റി കൂ​ട്ടി​ക്ക​ട​യി​ൽ പൊ​ലീ​സി​ന്റെ സേ​വ​നം ല​ഭ്യ​മാ​ക്കാ​ൻ നി​ർ​ദേ​ശം ന​ൽ​കി​യെ​ങ്കി​ലും പൊ​ലീ​സ് എ​ത്താ​റി​ല്ലെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്.

റോ​ഡി​ലേ​ക്ക് ക​ച്ച​വ​ട​ക്കാ​ർ സാ​ധ​ന​ങ്ങ​ൾ ഇ​റ​ക്കി​വെ​ച്ചി​രി​ക്കു​ന്ന​താ​ണ്​ കു​രു​ക്കി​ന് കാ​ര​ണ​മാ​കു​ന്ന​തെ​ന്നാ​ണ് പൊ​ലീ​സും ഡ്രൈ​വ​ർ​മാ​രും പ​റ​യു​ന്ന​ത്. നി​യ​മ​ലം​ഘ​നം ന​ട​ത്തു​ന്ന വാ​ഹ​ന​ങ്ങ​ളെ ക​ണ്ടെ​ത്തി പി​ഴ ഈ​ടാ​ക്കു​ന്ന​തി​നാ​യി ജ​ങ്ഷ​നി​ൽ നി​രീ​ക്ഷ​ണ കാ​മ​റ​ക​ൾ സ്ഥാ​പി​ക്കു​ന്ന​തി​നു​ള്ള ന​ട​പ​ടി ന​ട​ന്നു വ​രി​ക​യാ​ണെ​ന്നും പ​റ​യു​ന്നു​ണ്ട്.

ട്രാ​ഫി​ക് വാ​ർ​ഡി​ന്റെ സേ​വ​നം ല​ഭ്യ​മാ​യി​രു​ന്ന​പ്പോ​ൾ കു​രു​ക്കി​ന് ഒ​രു​പ​രി​ധി​വ​രെ പ​രി​ഹാ​ര​മാ​യി​രു​ന്നു​വെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്. പൊ​ലീ​സി​ന്റെ​യോ ട്രാ​ഫി​ക് വാ​ർ​ഡി​ന്റെ​യോ സേ​വ​നം തി​ര​ക്കേ​റി​യ സ​മ​യ​ങ്ങ​ളി​ൽ ജം​ഗ്ഷ​നി​ൽ ല​ഭ്യ​മാ​ക്ക​ണ​മെ​ന്നാ​ണ് വ്യാ​പാ​രി​ക​ളു​ടെ ആ​വ​ശ്യം.