അമ്പലംകുന്ന് തെറ്റിക്കാട് റോസ്വാലി പബ്ലിക് സ്കൂളിൽ സാമൂഹികവിരുദ്ധർ മേശയും കസേരകളും തകർത്തനിലയിൽ
ഓയൂർ (കൊല്ലം): അമ്പലംകുന്ന് തെറ്റിക്കാട് റോസ് വാലി പബ്ലിക് സ്കൂൾ കെട്ടിടത്തിൽ സാമൂഹികവിരുദ്ധ അക്രമം. സ്കൂൾ കെട്ടിടത്തിെൻറ ചുറ്റുമതിൽ ചാടിക്കടന്ന് പൂട്ട് പൊളിച്ചാണ് സംഘം അകത്തുകടന്നത്. ഇലക്ട്രിക് വയറിങ്, ഫയലുകൾ, വാതിലുകൾ, മേശ, കസേര, ഡസ്ക്, ബെഞ്ച് എന്നിവ തകർത്തു.
ഇവിടെ മദ്യപാനം, ചീട്ടുകളി എന്നിവ നടത്തുകയും അശ്ലീലം എഴുതിെവക്കുന്നതും പതിവാണ്. വിദ്യാഭ്യാസസ്ഥാപനത്തിന് നേരെ നടന്ന അക്രമസംഭവങ്ങളിൽ പ്രദേശത്ത് പ്രതിഷേധം ശക്തമായിട്ടുണ്ട്. സ്ഥാപനത്തിെൻറ ചുമതലക്കാരൻ എത്തിയപ്പോൾ സംഘം ഓടി രക്ഷപ്പെടുകയായിരുന്നു. അക്രമികൾ സ്ഥലത്തെത്തിയ വാഹനത്തിെൻറ നമ്പർ കേന്ദ്രീകരിച്ച് പൊലീസ് അന്വേഷണം ഉൗർജിതമാക്കി.
പ്രദേശവാസികൾക്കും മറ്റും സാമൂഹികവിരുദ്ധ ശല്യം ഏറെ പ്രയാസങ്ങൾ സൃഷ്ടിക്കുന്നുണ്ട്. രാത്രികാല പൊലീസ് പട്രോളിങ് ശക്തമാക്കി പ്രദേശത്ത് സാമൂഹിക വിരുദ്ധ അക്രമസംഭവങ്ങൾ അമർച്ച ചെയ്യണമെന്നാണ് നാട്ടുകാരുടെ ആവശ്യം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.